په هېواد کې خبریالان ځاني خوندیتوب نلري- نی

(Last Updated On: October 30, 2017)

د افغانستان له آزادو رسنیو ملاتړ ادارې(ني) څېړنې ښيي، چې په زیاترو مواردو کې له خبریالانو سره قرارداد نه لاسلیک کیږي، ځاني او کاري خوندیتوب نلري، په خپل وخت معاشونه نه ورکول کیږي، ترفیعې نلري، د تقاعد له حق څخه محروم دي، قانوني رخصتۍ نه لري، د رسنیو مدیران یې په کارونو کې لاسوهنه کوي او په زور له دندې هم شړل کیږي.

د افغانستان له آزادو رسنیو ملاتړ ادارې رييس مجیب خلوتګر نه یوازې په رسنیو کې د ننه د خبریالانو پر بدتر حالت اندېښنه څرګندوي، بلکې له رسنیو بهر یې هم خوندیتوب له خطرونو سره مخ ګڼي او وایي، د رسنیو هیڅ خبریال خپل حقوق پخپل وخت تر لاسه کولی نشي.

د خلوتګر په خبره؛ د رسنیو خاوندانو په تېرو اووه لس کلونو کې د کار او رسنیو قوانین مات کړي دي.

د نی ادارې خبریال صابر فیهم ویلي، چې که د رسنیو لرونکي د رسنیزې مقررې له مخې کارونکړي؛ دا به د افغانستان د رسنیو صنعت ته یو کلک ګوزار وي.

خبریال پرویز امین زاده وایي، ما دوه کاله په یوه رسنۍ کې کار وکړ؛ خو کله مې، چې د امتیاز غوښتنه وکړه له کاره یې وشړلم.

که څه هم د ملي وحدت حکومت رهبرانو ژمنې وکړې، چې د خبریالانو د کار په وړاندې پرتې ستونزې به حلوي؛ خو نه یوازې دا، چې د خبریالانو ستونزې نه دي حل شوي، بلکې اطلاعاتو ته د لاسرسۍ په برخه کې د هرې ورځې په تېریدو له ګڼو ستونزو سره مخ کیږي.

خبریاله: لیدا نیازۍ

About Ariana News

Avatar

Check Also

په بغلان کې د تخار د ورسج امنیه قومندان ووژل شو

(Last Updated On: November 15, 2019)د بغلان ولایت پولیسو څرګنده کړې، چې د ناڅرګندو وسلوالو …