عاجل خبرونه

په لښکرګاه ښار کې د وروستي برید لامل وظیفوي غفلت دی

(Last Updated On: June 24, 2017)

په هلمند کې اوس هم د جګړو اور بل دی، د تاوتریخوالي په تازه پېښه کې یو موتر بم درې ورځې مخکې د لښګرګاه په ښار کې وچاودید، چې څلور دېرش تنه یې ووژل او شاوخوا شپېته نور یې ټپیان کړل.

د همدې پېښې په غبرګون کې کابل ته د هلمند ځینې اوسیدونکي او مدني فعالان راغلي، چې خپل غږ چارواکو ته ورسوي.

دوی په کابل کې د دې قضیې د جدي څېړلو غوښتنه کړې ده.

د هلمند اوسیدونکی آغا محمد قریشي وایي، په خوږاشینۍ سره، چې د سیمه ییزو امنیتي چارواکو له بې پروایۍ وسلوالو کسانو پولیسو ته د تنخواګانو پایله پر لاس ورکړه.           

دوی حکومت او نړیواله ټولنه په هلمند کې د امنیت د تامین په برخه کې په بې پامي تورنوي او وایي؛ کومه ژمنه، چې حکومت او نړیوالې ټولنې د حالاتو د ښه والي په برخه کې کړې وه، نه ده پلې شوې.

پخوانی پوځي حکمت الله حکمت وایي، د نړیوالې ټولنې ستر ځواک او دغه راز د حکومت ۳۰ زره کسیز پوځ او سیمه ییز پولیس زمونږ د هلمندیانو تر څنګ دی؛ نو ولې نشو کولی، چې جګړه تر څارنې لاندې ونیسو؟ که تاسې د هلمندیانو د تلفاتو بشپړ شمېر ته پاملرنه وکړئ و به ګورئ، چې د هر هلمندي د کورنۍ دوه کسه وژل شوي دي.          

دوی حکومت ته لس ورځې وخت ورکړ، چې غوښتنو ته یې ځواب وکړي، که نه؛ نو په وینا یې پاڅون به وکړي او پراخ اعتراضونه به پر لار واچوي.

 

About Ariana News

Avatar

Check Also

په پکتیا کې د افغانستان د صنایعو خونې ولایتي څانګه پرانستل شوه

(Last Updated On: June 25, 2019)په پکتیا ولایت کې د افغانستان د صنایعو خونې اجرائیوي …