عاجل خبرونه

له ولسمشریزو ټاکنو سره د درې نورو ټاکنو نوی مهالوېش په ډاګه شو

(Last Updated On: December 30, 2018)

د ټاکنو خپلواک کمیسیون رییس د یکشبې پر ورځ( د مرغومې ۹) یوې خبري ناستې ته ویلي، چې د پارلماني ټاکنو له ستونزو او ننګونو مو زدکړل، چې ولسمشریزې، ولایتي شوراګانو، ولسوالیو شوراګانو او د غزني پاتې پارلماني ټاکنې به د وري پر۳۱ نه، بلکې له درې میاشتني ځنډ سره د چنګاښ پر ۲۹ تر سره شي.

د دغو ټاکنو د ځنډ ستر لامل له بېلابېلو اړخونو سره له خبرو اترو وروسته امنیتي او اقلیمي حالات او د کمیسیون نه چمتوالی ښودل شوی دی.  

ولسمشرۍ هم له دغه نوي مهالوېشه هرکلی کړی دی.

د ولسمشرۍ د ویاند مرستیال شاه حسین مرتضوي د ټاکنو نوی مهال وېش ستایلی او په خپل فیسبوک کې یې لیکلي، چې حکومت د ټاکنو خپلواک کمیسیون نوي مهالوېش ته هرکلی وایي.

 دغه راز ولسمشرۍ په ډاګه کړې، چې حکومت له نوي مهالوېش سره سم هر راز همکاریو ته چمتو دی.

همدارنګه د ټاکنو خپلواک کمیسیون د پکتیا ولایت د ولسي جرګې د ټاکنو لومړنۍ پایلې هم اعلان کړې، چې محمد نواب منګل، یار باز خان حمیدي، محمد ابراهیم غښتلی، سید حسن ګردیزی او راضیه یې د راتلونکې ولسي جرګې بریالي نوماندان دي.

دا په داسې حال کې ده، چې د ځینو څرګندونو له مخې تر اوسه د ولسمشریزو ټاکنو لپاره ۶۱ احتمالي نوماندانو معلوماتي کڅوړې تر لاسه کړي؛ خو نه یوازې دا، چې نومونه یې ثبت شوي ندي، بلکې ډېرو یې خپل مرستیالان هم غوره کړي ندي.

About Ariana News

Avatar

Check Also

اسلامي امارت به په افغانستان کې د جمهوري نظام ځای ناستی نشي

(Last Updated On: August 23, 2019)د دولت جوړوونکې ټاکنیزې ډلې مشر اشرف غني، چې د …