تازه خبرونه
په پکتیا کې د دوه غبرګو چاودنو د قربانیانو جنازې خاوروته وسپارل شوې
په پکتیا کې د هغو کسانو مړي خاورو ته وسپارل شول، چې پرون( د زمري پر ۱۲) د ګردیز ښار د حسینيه جومات په دوه غبرګو ځانمرګو چاودنو کې یې ژوند له لاسه ورکړی و.
د جمعې پر ماسپښین دوه ځانمرګي بریدګر، چې د ښځو جامې يې پرتن وې؛ لو مړی د جومات پر دوه ساتونکیو ډزې وکړې او وروسته جومات ته ننوتل او ځانونو ته یې چاودنه ورکړه. وروستي ارقام ښيي، چې څلور دېرش لمونځ کوونکي وژل شوي او له سل ډېر ټپیان دي.
د دغه برید د قربانیانو کورنۍ پر سیمه ییزو چارواکو نیوکه کوي، چې پولیس له بریده خبر ول؛ خو د دغه برید په مخنیوی کې پاتې راغلل.
د خواجه حسن د کلي قومي مشر شیرین ګردېزی وايي، د پکتیا امنیتي چارواکو د دې پېښې په مخنیوي کې ناغیړي کړي او د ټپیانو په لیږدونه کې یی هم همکاري نه ده کړې.
د پکتیا امنیه قومنداني د خلکو دا ادعا ردوي، چې ګنې د دغه برید په اړه مخکې معلومات موجود ول. دیني عالمان هم په مقدسو ځایونو کې دا ډول بریدونه ناروا بولي او د نړۍ پر عالمانو غږ کوي، چې د دا ډول بریدونو پر وړاندې خپل دریځ روښانه کړي.
دیني عالم سید حسین حسیني پر مقدسو ځایونو بریدونه حرام بللي او له عالمانو غواړي، چې په دې اړه خپل بشپړ دریځ روښانه کړي.
په ګردیز کې د دغه برید مسوولیت تراوسه کومې وسلوالې ډلې پر غاړه نه دی اخیستی؛ خو طالبانو ویلي، چې د دوی کسان په دې برید کې لاس نلري.
د یادونې ده، چې د هېواد په نورو برخو کې دې ته د ورته بریدونو مسوولیت داعش ډلې پرغاړه اخیستې دي.
خبریال: فریدالله احمدزی
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
نړۍ20 hours ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ