په کندهار کې وسلوالو د یوې موسسې ۵ کارکوونکي وژلي

(Last Updated On: مې 21, 2018)

 

په کندهار کې د وسلوالو په برید کي د تاپی پروژې ۵ ماینپاکان  وژل شوي او یو ژوندی نیول شوی دی.

  په کندهار کې د  موسسې مسوولین وایي، په ملنګ کاریز سیمه کې مو کارکوونکي پر کار بوخت ول، چې وسلوالو پرې برید کړی او دوی یې ووژل.

د کندهار والي ویاند محمد داوود احمدي ويلي، دا پېښه نن سهار نهه بجې د میوند ولسوالۍ د ملنګ کاریز په سیمه کې رامنځته شوې ده.

د کندهار امنیه قومندانۍ ویاند ضیا دراني وايي، دغو کسانو امنيتي ځواکونو ته ډاډ ورکړى و، چي د دولت وسلوال مخالفان له دوى سره کومه ستونزه نه لري؛ نو بايد امنيتي ځواکونه د دوى د امنيت د ساتلو په موخه سيمې ته ور سره ولاړ نه شي، ځکه ياده پېښه را منځته شوې ده .

هغه زیاتوي؛ په دې اړه يې پلټني پيل کړي، چي دا بريد کومي وسلوالې ډلي تر سره کړی دی.

د محلي سرچینو په وینا؛ د کندهار په ساحه کي د تاپي پروژې د لومړنيو کارونو د پيل لومړۍ ورځ وه، چي دا پېښه رامنځته شوې ده.

وسلوالو طالبانو تر اوسه په دې اړه څه ندي ویلي

خبریال: بريالي رحيمي

About Ariana News

Check Also

اجرائیه رییس عبدالله د ايران له ولسمشر سره لیدلي

(Last Updated On: سپتمبر 25, 2018) د افغانستان د ملي وحدت حکومت اجرائیه رییس داکتر …