په نورستان کې وسلوال طالبان شاتګ ته اړ شوي

(Last Updated On: July 27, 2017 3:14 pm)

د نورستان ولایت پر وانت وایګل ولسوالۍ د طالبانو پیل شوي بریدونه پر شاه تمبول شوي دي.

د هېواد دفاع وزارت په یوه خپره شوې خبرپاڼه کې په ډاګه کړې، چې سلګونه طالبانو تېره شپه له درې خواوو د دغه ولایت پر وانت وایګل ولسوالۍ بریدونه وکړل، چې د امنیتي ځواکونو له بشپړ ټینګار سره مخ شول.

 دغه وزارت دا هم څرګنده کړې، چې امنیتي ځواکونو د ملاتړیو ځمکني او هوایي ځواکونو په مرسته وکولی شول، چې دښمن ته درانده زیاونه واړوي.  

د خبرپاڼې د څرګندونو له مخې په دې پېښه کې ۴۶ وسلوال طالبان وژل شوي او ۵۰ نور ژوبل دي.

دغه راز ویل شوي، چې د هوایي ځواک په بریدونو کې د دوي یو شمېر وسلې، مهمات او د لیږد رالیږ یو شمېر وسایط هم له منځه وړل شوي دي.

د دغه وزارت د معلوماتو له مخې دښمن غوښتل د وانت وایګل له نیولو وروسته کتمدېش، برګمټال، نورګرام، مندول او دوآب ولسوالۍ هم وګواښي؛ خو بریالي نشول.

طالبانو د دې ماتې په اړه تر دې دمه رسنیو ته بشپړ معلومات نه دي ورکړي.

About Ariana News

Check Also

په زابل کې بندي طالب پولیسو ته مرګ و ژوبله اړولې

(Last Updated On: September 24, 2018 2:01 pm) چارواکو څرګنده کړې، چې د زابل ولایت …