عاجل خبرونه

له هند سره د هوایي دهلیز روانه سوداګري ګټوره نده

(Last Updated On: جولای 18, 2017)

د سوداګرۍ او صنایعو خونې مسوولین وایي، له هند سره د هوایي دهلیز له لارې روانه سوداګري ګټوره نده.

 د سوداګرۍ او صنایعو خونې مرستیال خانجان الکوزی وایي، چي د هوا له لارې د سوداګریزو توکو په لیږد کې آریانا هوايي شرکت له هوکړې سره سمه همکاري نه کوي او د هندوستان په هوايي ډګرونو کې هم له ستونزو سره مخ يو.

د نوموړي په وینا؛ په روان کال کې د تازه میوې محصولات زیات دي او له آریانا افغان هوايي شرکت سره د شوې هوکړي له مخي باید دغه میوې په بیړه هندوستان ته د هوا له لارې ولیږدول شي؛ خو دغه شرکت له هوکړې سره سمه هندوستان ته  تازه میوه نه لیږدوي.

الکوزي په بشپړ ټینګار زیاته کړې؛ له آریانا سره مو هوکړه کړي وه، چي هره ورځ به زمونږه پېنځه ټنه تازه میوه هند ته استوي؛ خو اوس داسې نه کیږي. تراوسه دوه پروازه شوي؛ خو زمونږه میوه ډېره پاتې ده.

د نوموړي په وینا؛ هر وځ له افغانستان څخه ۲۵۰۰ ټنه انګور او تازه میوه ګاونډ هېواد پاکستان او ایران ته صادریږي. په تازه هوکړه کې پاکستان د افغان سوداګرو پر مخ د واګې بندرهم خلاص کړی.

د آریانا افغان هوايي شرکت د پلور رییسعبدالعلی فروغ بیا وايي، مونږ په ټوله معنا تیاری لرو. که د سوداګرۍ او صنایعو خو نه خپل انتقالات تنظیم کړي مونږه هیڅ ډول ستونزه نه لرو.

د نوموړي په وینا؛ که د سوداګرۍ او صنایعو خوني له خوا د پروازونو دقیق مهالوېش راکړ شي؛ نو حاضر يو، چې په چټکۍ هندوستان ته تازه میوه ولیږدوو.

خبریال: اسلم حجاب

About Ariana News

Check Also

د کابل پوهنتون د لیلیې زدکوونکیو نښته کړې

(Last Updated On: نوومبر 15, 2018) د کابل پوهنتون دلیلې د محصلینو ترمنځ د پنجشنې …