تازه خبرونه
په مشرانو جرګه کې پر دیني عالمانو ځانمرګی برید له تند غبرګون سره مخ شو
مشرانو جرګې په کابل کې د دیني عالمانو پر غونډه ځانمرګی برید له اسلامي موازینو سره په ټکر کې وباله او څرګنده شوه، چې دا ډول بریدونه هیڅ اسلامي صبغه نلري.
په پلازمېنه کابل کې پر هغو دیني عالمانو ځانمرګی برید، چې روانه جګړه او ځانمرګي بریدونه یې د اسلام خلاف وبلل؛ د مشرانو جرګې د غړو تند غبرګون راپورته کړ.
دوی وايي، چې سخت دریځي وسلوال د اسلام له نوم څخه ناوړه استفاده کوي او د پردیو د لمسون له مخې په افغانستان کې جګړې کوي.
د مشرانو جرګې غړې نجیبه حسیني وایي: طالبانو ادعا کړې، چې د عالمانو ناسته د امریکایانو پر فرمایش جوړه شوې وه. زه ترې پوښتنه کوم، چې تاسې د چا پر فرمایش جنګیږئ؟ آیا تاسې خپلواک یاست؟ په داسې حال کې، چې نه یاست او د اسلام د سپیڅلي دین د احکامو له مخې داسې کوم دلیل هم نلرئ، چې جګړه پرې روا وبولئ!
د مشرانو جرګې یو بل غړي عبدالله قرلق څرګنده کړې: د روژې په مبارکه میاشت کې یې دغه کړنې د سیاسي زوال ښکارندویي کوي او وایي، چې دا د یهودو او نصاراوو پروګرام دی. په داسې حال کې، چې زه خپله په غونډه کې ناست وم؛ نه یهودو ماته ویلي وه او نه نصاراوو. په داسې حال کې، چې خپلې هڅې یې د یهودو او نصاراوو په نغوته ترسره کیږي.
د مشرانو جرګې دوه یم مرستیال محمد آصف صدیقي وايي، چې پر دیني عالمانو برید پر ټول اسلام برید ګڼل کیږي او هیڅ ډول توجه نلري.
د کابل له دیني او مذهبي غونډې مخکې په کور د ننه او بهر هم دا ډول غونډې جوړې شوې وې، چې د افغانستان روانه جګړه یې ناروا بللې ده؛ خو وسلوال طالبان دا ډول غونډې او فتواګانې ردوي او د سولې لپاره تیاری نه ښيي.
خبریال: رفع صدیقي
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ