عاجل خبرونه

په کابل کې د کار ملي نندارتون جوړ شو

(Last Updated On: April 29, 2018 7:50 pm)

د افغانستان د سوداګرۍ او صنایعو خونې مسوولین وايي، چې د اتیا شرکتونو په ګډون دغه نندارتون به له خلکو سره مرسته وکړي، چې د کار موندنې مهارتونه تر لاسه کړي.

د افغانستان څه کم نیم وګړي د فقر تر سرې کرښې لاندې اوسیږي او د هرې ورځې پر تېریدو د بې روزګاره کسانو په شمېر کې هم زیاتوالی راځي.

د افغانستان د سوداګرۍ او صنایعو خونې مسوولینو د کار د نړیوال سازمان پر مرسته د کار ملي نندارتون پرانیست.

د بابر په بڼ کې دغه نندارتون د کارګرو او د کار د خاوندانو تر منځ د اړیکو برابرولو ته زمینه برابروي او کارګران د بازار له غوښتنو سره سم ځانونه سمبالوي.

د سوداګرۍ او صنایعو خونې مرستیال خان جان الکوزی وایي: بیکاري زمونږ ستره ننګونه ده؛ حکومت او خصوصي سکتور باید کاري زمینې برابرې کړي.

د کار ملي نندارتون ته ګڼ شمېر هغه کسان راغلي وه، چې زدکړې یې کړي؛ خو دندې ورته نه پیدا کیږي.

فاطمه نومې وایي: درې کاله کیږي، چې پوهنتون مې پای ته رسولی؛ خو تر دې دمه مې کار ندی موندلی.

اکبر نومی وایي: دولت ناکامه دی؛ د کارکولو لپاره زرګونه کسانو زدکړې کړي، خو اوس هم بیکاره دي.

د کار او ټولنیزو چارو وزارت مسوولین هم هڅې کوي، چې کاري فرصتونه رامنځته کړي او د بې کارۍ دا لوړه کچه راټيته کړي.

د کار او ټولنیزو چارو وزارت مرستیال لعل اریوبي وایي: دغه راز نندارتونونه د بیکارۍ کچه راټیټولی شي. مونږ هم هڅه کوو، چې د بیکارۍ ننګونه له منځ یوسو.

د یو شمېر څرګندونو له مخې؛ په افغانستان کې د کار پر شرایطو برابر یو اعشاریه نهه میلیون وګړي بېکاره دي.

About Ariana News

Check Also

پولیسو په ننګرهار ولایت کې د لوی ملي ائتلاف خیمې ټولې کړې

(Last Updated On: September 18, 2018 6:07 pm) د ننګرهار والي ویاند څرګنده کړې، چې …