عاجل خبرونه

په هرات کې له ۲۰ ډېرو طالبانو ته مرګ و ژوبله اوښتې

(Last Updated On: April 10, 2018)

د هرات ولایت سیمه ییزو چارواکو په ډاګه کړې، چې د دې ولایت د چشت شریف په اړوند سیمه کې د امنیتي ځواکونو او طالبانو په نښته کې ۱۵ طالبان وژل شوي او اته نور ټپیان دي.

د هرات والي ویاند جیلاني فرهاد آریانا نیوز ته څرګنده کړې، چې دغه پېښه تېره شپه د چشت شریف په سربیشه کلي کې رامنځته شوې ده.

د نوموړي د څرګندونو له مخې؛ په دې نښته کې یو امنیتي پولیس او یو بل اربکی وژل شوي او د امنیتي ځواکونو څلور سرتېري ټپیان دي.

ښاغلي جیلاني فرهاد زیاته کړې؛ طالبانو هڅه کوله، چې په دې ولسوالۍ کې د سلما بند ډاډمن امنیت له منځه یوسي، خو امنیتي ځواکونو یې مخه ونیوله.

طالبانو  د دغې پېښې په اړه تر دې دمه څه نه دي ویلي.

چشت شریف د هرات ولایت یوه ناامنه ولسوالي ده، چې له اړوند سیمو څخه تل امنیتي ځواکونه ګواښل کیږي.

About Ariana News

Avatar

Check Also

له طالبانو سره له سولې وروسته خوشبیني لږه ده

(Last Updated On: July 15, 2019) له طالبانو سره د مرکچي پلاوي غړي وایي، طالبان به …