عاجل خبرونه

له یوه امریکايي شرکت سره د بلخاب د مسو د کیندلو تړون لاسلیک شو

(Last Updated On: April 20, 2019)

د سرپل سیمه ییز چارواکي وایي، ډېر ژر به د دغه ولایت په بلخاب ولسوالۍ کې د مسو او ډبرو سکرو د کانونو د کیندلو چارې پیل شي.

د یوه امریکایي شرکت او کانونو او پترولیم وزارت تر منځ د یادې سیمې د کانونو د کیندلو تړون لاسلیک شو.

د سرپل والي وايي، د کانونو د کیندلو چارې به په غویی میاشت کې پیل شي.

د سرپل والي عبدالقادر آشنا په خبره د دغو کانونو له کیندلو سره به د سیمې شاوخوا اووه زره خلکو ته مستقیم او غیر مستقیم کارونه پیدا شي.

که څه هم افغان حکومت ۲۰۱۴ کال کې د مسو کان د کیندلو تړون له یوه بریتانوي شرکت (AGMC) سره لاسلیک کړی و؛ خو د ناڅرګندو دلایلو له مخې، تر اوسه یې کار ندی پیل شوی.

د سرپل ولایتي شورا راییس محمدنور رحماني وایي، د دې پروژې له  پلي کیدو سره به په امنیتي وضعیت کې هم ښه والی راشي.

مدني مخکښ  عزت الله صمیم وایي، دا پروژې د کار موندنې لپاره ګټورې دي.

د بلخاب مسو کان د هېواد د مسو ستر کان دی، چې نږدې پېنځه سوه کیلو متر مربع ځمکه کې اټکل شوی او  ویل کیږي، چې په دې کان کې له سل میلیون ټنو ډېر نګه مس شته.

About Ariana News

Avatar

Check Also

که امریکا خپلو ژمنو ته ژمنه پاتې نشي، جګړه به وغزوو- د طالبانو ګواښ

(Last Updated On: August 20, 2019)د طالبانو د سیاسي دفتر ویاند سهیل شاهین آریانا نیوز …