عاجل خبرونه

په افغانستان کې د نا امنیو پر پراخیدو سیاسي اندېښنه په ډاګه شوه

(Last Updated On: December 4, 2017)

د افغانستان د عدالت ګوند چارواکو د هېواد  پر اوسنیو حلاتو یوې جوړې شوې ناستې ته په ډاګه کړې، چې له یوې خوا ناامني مخ پر ډېریدو ده او له بلې خوا د حکومت مخالفین هم د شخصي ګټو لپاره هېواد بحران ته ور ټيل وهي.

د عدالت ګوند ویانده ماریا توتاخېل وايي، چې حکومت او سیاسي مخالفین دې له نا مشروع غوښتنو او تربګنیو تېر شي او د پردیو د چوپړ په ځای دې خپل هېواد ته خدمت وکړي.

د نوموړې په وینا؛ په اوسني وخت کې زمونږ لومړیتوب د ملي او سیاسي ثبات ساتل دي.

د هغهې د وینا له مخې ولس امنیت، خدمت او سوکالي غواړي.  

د عدالت ګوند د دارلانشا رييس فضل الله ابراهیمي هم له حکومت څخه غواړي، چې خپله انرژي په بیځایه لاسوهنو ونه لګوي او کوښښ وکړي، چې امنیت ټينګ کړي.

له دې مخکې هم یو شمېر سیاسي ډلو د حکومت پر کړنو نیوکې کړي؛ خو حکومت وايي، چې د ځينو سیاسي ډلو نیوکې له انصاف څخه لرې دي.

خبریاله: افسون محمدي

About Ariana News

Avatar

Check Also

په حکومت کې د فساد سترې دوسیې څېړل شوې ندي

(Last Updated On: December 10, 2019)د افغانستان رونټیا څار بنسټ څرګنده کړې، چې د پخواني …