عاجل خبرونه

په بلخ کې وسلوالو مخالفینو یو پل پر بمونو الوځولی

(Last Updated On: August 3, 2017)

وسلوالو مخالفینو د بلخ په چهاربولک ولسوالۍ کې یو ستر پل پر بمونو الوځولی او په دې توګه یې د څو ولسوالیو نښلیدونکې لار تړلې ده.

چهاربولک او چمتال د بلخ دوه هغه ولسوالۍ دي، چې تر اوسه په کې د وسلوالو د ځپلو لپاره ډېرعملیات تر سره شوي؛ خو ویل کیږي، چې ګواښونه او پای ته نه دي رسیدلي.

د بلخ پولیسو ویاند شېرجان درانی وایي، چې په چهاربولک او چمتال کې امنیتي ګواښونه ډېر شوي؛ خو ډېر ژر به د وسلوالو مخالفینو د ځپلو لپاره عملیات پیل شي.

وسلوالو مخالفینو د چهارشنبې په ورځ د چهار بولک ولسوالۍ په بیست پیکال سیمه کې یو پل، چې څو ولسوالۍ یې نښلوي، پر بمونو والوځاوه.

پولیس زیاتوي، د ماین چاودنې په یوه پېښه کې، چې چهاربولک کې وشوه، دوه ملکي وګړي هم ووژل شول.

د یادونې وړ ده، چې د بلخ لیرې پرتې سیمې له تېرو درې کلونو راهیسې له امنیتي ګواښونو سره مخ شوي او دې کار ان په مرکز کې خلک اندېښمن کړي دي.

About Ariana News

Avatar

Check Also

افغانستان کې د کرونا ویروس مثبتې پیښې له ۱۰۰ پورته شوې

(Last Updated On: March 29, 2020) په افغانستان کې د کرونا ویروس مثبتې پیښې د …