عاجل خبرونه

په دنده کې له قانونه سرغړوونکي به شکایتونو کمیسیون ته وروپېژندل شي

(Last Updated On: November 16, 2019)

د ټاکنو خپلواک کمیسیون پرېکړه کړې؛ دارالانشا به د هغو کارکوونکیو نوملړ د ټاکنیزو شکایتونو کمیسیون ته واستوي، چې په دندو کې یې له قوانینو سرغړونه کړې ده.

که څه هم له تېرې اوونۍ راپدیخوا په ولایتونو کې د ولسمشریزو ټاکنو د مشکوکو محلونو د رایو بیا شمېرنه ځنډیدلې؛ خو اوس د ټاکنو خپلواک کمیسیون پرېکړه کړې؛ د ټولو هغو کارکوونکیو نوملړ به د ټاکنیزو شکایتونو کمیسیون ته واستوي، چې د دندې پر وخت یې له قوانینو سرغړونې کړې دي.

د ټاکنو د خپلواک کمیسیون ویاند عبدالعزیر ابراهیمي ويلي، چې سرغړوونکي به د رایو د بیا شمېرنې په بهیر کې ونډه ونلري.

د نوموړي د څرګندونو له مخې؛ له هغو کارکوونکیو پر وړاندې، چې بایو متریک ماشینونه یې ورک شوي او د پایو په فورمو کې پر لاسوهنو تورن دي؛ قانوني کړنې تر سره شي.  

د ټاکنو په خپلواک کمیسیون کې اوس خبرې روانې دي، چې څه ډول د رای ورکوونکیو وروستی شمېر اعلان کړي او له کومو لارو کولی شي، په ولایتونو کې د مشکوکو محلونو رایې بیا و شمېري.

د ټاکنو خپلواک کمیسیون د دارالانشا رييس حبیب الرحمن ننګ وايي؛ دوی د کمیسیون لارښوونې ته په تمه دي، چې څه وخت د رایو بیا شمېرنه پیل کړي.

د ولسمشریزو ټاکنو د لومړنیو پایلو د اعلان لپاره دوه ځلې نېټې و ټاکل شوې، چې وروستۍ هغه یې د لړم پر درویشتمه وه؛ خو کمیسیون ونه توانید، چې پایلې اعلان کړي. اوس هم نده معلومه، چې لومړنۍ پایلې به څه وخت اعلانیږي.

About Ariana News

Avatar

Check Also

د بغلان ـ کندوز پر لویه لار طالبانو د پلټنې پوسته جوړه کړې

(Last Updated On: February 16, 2020) د بغلان ـ کندوز پر لویه لار د پلخمري …