تازه خبرونه
که امریکا خپلو ژمنو ته ژمنه پاتې نشي، جګړه به وغزوو- د طالبانو ګواښ
د طالبانو د سیاسي دفتر ویاند سهیل شاهین آریانا نیوز ته ویلي؛ که امریکا د تېرو تر سره شویو اته پړاو خبرو ژمنو ته ژمنه پاتي نشي، جګړه به ورسره روانه وساتل شي او د سولې خبرې به هم زیانمنې کړي.
د امریکا ولسمشر ټینګارکړی، چې له طالبانو سره د سولې له هوکړې وروسته به هم د استخباراتو یوه د پام وړ برخه په افغانستان کې پاتې شي.
د طالبانو سیاسي دفتر د ترمپ د دغو څرګندونو په اړه خبرداری ورکوي؛ که امریکا له افغانستان څخه ټول پوځیان د استخباراتي مامورینو په ګډون ونه باسي، د سولې خبرې به لومړني حالت ته وروګرځي.
افغان حکومت بیا د ترامپ د خبرو هرکلی کوي، چي ویلي یې دي؛ په افغانستان کې د ځینو بهرنیو ځواکونو حضور له نړیوالې ترهګرۍ سره یوه اړتیا ده.
د ولسمشر ویاند صدیق صدیقي څرګنده کړې، چې په افغانستان کې د نړیوالې ترهګرۍ پر وړاندې د مبارزې لپاره د بهرنیو ځواکونو شتوالی یوه اړتیا ده.
طالبانو ته نږدې کسانو په ډاګه کړې، چې که امریکا له افغانستان څخه د خپلو ځواکونو د ویستلو لپاره له رامنځته شوي فرصت ګټه وانخلي؛ خطرناکې پایلي به ولري.
د طالبانو په واکمنۍ کې د المپیک کمیتې رییس عبدالشکور مطمئن ویلي، چې که امریکا ترې شاتګ وکړي؛ پایلې به یې خطرناکې وي او دا به ناشونې شي، چې طالبانو ته د خبرو کولو بله بلنه ورکړي.
طالبانو او امریکایانو د اتم پړاو خبرو په پای کې ویلي وه، چې وروستۍ هوکړې ته نږدې شوي؛ خو اوس دواړو لوریو له خپلو مشرانو سره خپلمنځي مشورې او خبرې پیل کړي او تمه ده، چې په راتلونکیو ورځو کې به د ځینو بهرنیو هېوادونو او ټولنو په شتوالي کې د سولې هوکړه لاسلیک او د افغانانو خپلمنځي خبرو پړاو ته وردننه شي.
خبریال: شاهپور فرهمند
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
نړۍ23 hours ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ