په بلخ کې د پوهنتون یو استاد د وسلوالو له بریده روغ رمټ وتلی

(Last Updated On: May 21, 2019)

د بلخ ولایت مدني مخکښ او د بلخ پوهنتون استاد تېر ماښام په داسې حال کې، چې د پوهنتون دوه نور استادان هم ورسره ول د مزارشریف ښار د سید آباد په اړوند سیمه کې له یو وسلوال برید روغ رمټ وتلی دی.

دغه برید د پولیسو د اووه مې امنیتي حوزې په اړوند سیمه کې د دوه موتر سایکل سپرو لخوا د ښاغلي محمد ناصر امیني پر موتر ترسره شوی دی.

د بلخ پولیسو ویلي، چې د اړوند پېښې په اړه څېړنې پیل شوې دي.

دا په داسې حال کې ده، چې د مزارشرف ښاریان په ښار کې دننه د نامسوولو کسانو له تګ راتګه اندېښمن شوي دي.

له دې مخکې د بلخ ولایت یو بل مدنې مخکښ هم تر برید لاندې راغلی و او وسلوالو بریدګرو ترې موتر او اړوند څیزونه له ځانه سره وړي وه، چې تر دې دمه د دغه ولایت پولیس د بریدګرو پر نیولو بریالي شوي ندي.

About Ariana News

Avatar

Check Also

په غزني ښار کې د نوملیکنې ۲۴ مرکزونه بند دي

(Last Updated On: June 17, 2019)په غزني کې د ټاکنو خپلواک کمیسیون مسوولین وایي، د …