په افغانستان کې ۶ امریکایي سرتېرو ته مرګ و ژوبله اوښتې

(Last Updated On: November 27, 2018)

په افغانستان کې پرېکنده ملاتړ ماموریت څرګنده کړې، چې نن سې شنبه د غزني ښار ته نږدې په یوه چاودنه کې درې امریکایي سرتېري وژل شوي او درې نور ټپیان دي.

د ناتو  د څرګندونو له مخې یو امریکایي قراردادي هم په دې پېښه کې ټپي شوی دی.

دوی دا هم په ډاګه کړې، چې ټپیان د درملنې لپاره روغتون ته لیږدول شوي دي.

ناتو زیاته کړې، چې د وژل شویو سرتېرو بشپړ هویت به له ۲۴ ساعتونو وروسته په ډاګه شي.

اوسمهال امریکا په افغانستان کې لږ تر لږه ۱۴ زره سرتېري لري، چې ډېر یې افغان ځواکونو ته روزنه او مشوره ورکوي.

د ګزارشونو له مخې؛ تر دې دمه په روان میلادي کال کې ۱۱ بهرني سرتېري په بېلابېلو پېښو کې وژل شوي دي.     

 

About Ariana News

Check Also

له یوه امریکايي شرکت سره د بلخاب د مسو د کیندلو تړون لاسلیک شو

(Last Updated On: April 20, 2019)د سرپل سیمه ییز چارواکي وایي، ډېر ژر به د …