په غزني کې ۶ پولیس د غلا او قتل په تورنیول شوي

(Last Updated On: جنوري 1, 2018)

دغزني امنیتي چارواکو ويلي، چې د غزني ولایت د قره باغ او ګیلان ولسوالیو په اړوند سیمو کې۶ پولیس او دوه د دوی ملاتړي نیول شوي، چي د کابل ـ کندهار پر لویه لار به یې د خلکو پرځورونه او وسلوالو غلاوو لاس پورې کاوه.

د غزني امنیه قومندان محمد زمان خوستی د څرګندونو له مخې؛ دغه اته کسه زمونږ د تېرو څلور ورځو د پلان له مخې نیول شوي، چي په کې د ملي او سیمه ییزو پولیسو ۶ تنه سرتېري هم شته.

له دغو کسانو سره دوه غلا شوي موتر او دوه میله غیر قانوني وسله هم د پولیسو لاس ته ورغلې ده.

د نیول شویو ۸ تنو غلو په اړه څېړنې روانې دي؛ خو یو نیول شوی کس ځان بې ګناه بولي.

ښاغلی خوستی زیاتوي؛ دا هغه کسان دي، چې د لارې د امنیت لپاره ګومارل شوي وه او د جنایتکارانو پر وړاندې یې وسله اوږې ته کړې وه؛ خو بې خبره له دې، چې دا د خلکو ساتونکي خپله تر خولې په فساد، جنایت او سړي تښتونه کې ښکېل ول.

له دې مخکې پر یاده لویه لار د مسافرینو د ځورولو او له دریورانو د ناقانونه افغانیو د تر لاسه کولو خبر ورکړ شوی و؛ خو امنیتي چارواکي یې د عاملانو پر نیولو بریالي شوي نه دي.

About Ariana News

Check Also

خلیلزاد د ولسمشریزو ټاکنو د ځنډیدو وړداندیز کړی

(Last Updated On: نوومبر 13, 2018) وال ستریت ژورنال په ډاګه کړې، چې، ترمپ د …