تازه خبرونه
له طالبانو ملاتړي هېوادونه پر کږه لار روان دي- عبدالله عبدالله
د افغانستان د ملي وحدت حکومت اجرائیه رییس وایي: کوم هېو ادونه، چې د خپلو ګټو لپاره له طالبانو ملاتړ کوي، پر کږه لار روان دي؛ ځکه، چې د ناامنه افغانستان په شتون کې به سیمه امن نه شي.
د پخواني جهادي قومندان ایت الله بهشتي( شورای انقلاب اتفاق افغانستان بنسټوال) په یوویشتم تلین کې اجرائیه رییس عبدالله عبدالله پرته له دې، چې د کوم هېواد نوم واخلي وویل؛ هر هېواد، چې خپلې ګټې د افغانستان په ناامنیو کې لټوي، تېروتي دي.
نوموړی وایي، د یوې ترهګرې ډلې د له منځه وړلو لپاره باید بله ترهګره ډله پیاوړې نه شي.
هغه له داعش سره د مبارزې لپاره د سیمه ییزې اجماع وړاندیز هم وکړ.
اجرائیه رییس عبدالله عبدالله په ډاګه کړه، چې داعش ته د هڅو زمینه هم هغو هېوادونو برابره کړې، چې افغانستان یې د جګړې پر ډګر بدل کړی دی.
د ولسمشر دوه یم مرستیال سرور دانش وایي، د سیاسي او ټولنیزو بدلونونو په اړه قضاوت له وخت مخکې دی. مونږ عادت شوي یو، چې له تفکر او اسنادو پرته قضاوت کوو. قضاوت باید ناپېیلی وی پرته له دې، چې وویل شي؛ څوک دی او څه کار کوي.
د غونډې ویناوال وایي؛ په نظام کې ځینې کړۍ نه غواړي، چې ستونزې حل شي.
د احمدشاه مسعود د بنسټ رییس احمدولي مسعود وایي، زمونږ اصلي دښمن، زمونږ پټ دښمن په مونږ کې دننه دی، چې نورو ته د وضعیت د بحراني کیدو زمینه برابروي.
د ولسي جرګې رییس عبدالروف ابراهیمي له ستونزو څخه د وتو لار د خلکو یووالي بولي او وایي، قومي نفاق او قومي اختلافاتو ته طرحې پلې کیږي؛ دیني علما باید د خلکو په پوهولو کې خپله دیني او انساني دنده تر سره کړي.
په دغه راز مراسمو کې ویناوال تل د خلکو او سیاسي مشرانو ترمنځ پر یوالي ټینګار کوي او دا کار له بحرانه ورته د وتو یوه غوره لار ښکاري.
خبریاله: لیدا نیازی
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ