په سريلنکا کې ګڼې چاودنې رامنځته شوي

(Last Updated On: April 22, 2019)

په سريلنکا په کلیساوو او هوټلونو د ګڼو چاودنو له امله د رپوټونو له مخې لږترلږه ۲۰۷ کسان وژل شوي او څلور سوه نور ټپیان شوي دي.

رپوټونه وايي، لږ تر لږه اته بمي بریدونه شوې دي. درې چاودنې په کوچچیکاډ نیګومبو او بټیکالوا کې د عیسویانو د ځانګړي اختر ‘ایسټر’ پرمهال پر کلیساوو شوې دي.

درې چاودنې د پلازمېنې کولمبو پر هوټلونو شوې دي.

پولیس وايي، د لومړي وزیر استوګنځي ته څېرمه پر یوه مشهور هوټل چاودنه کې لږترلږه یو کس وژل شوی.

پر خواله رسنیو خپرو شویو انځورونو کې ښکاري چې د یوې کلیسا چت نړېدلی او غولی یې په وینو لړلی دی.

ځینو رسنیو د حکومت له خوا د اعلان شوې مرګ ژوبلې پر تله د وژل شویو شمېر ډېر ښودلی دی.

د سري لانکا ولسمشر مېتریپالا سیریسینا په یوه خبرپاڼه کې پر خلکو غږ کړی چې ارام پاتې او له چارواکو یې غوښتي چې په پلټنو کې همکاري وکړي.

د مالیې وزیر منګالا سماراویرا پر ټویټر لیکلي، دا د وژلو لپاره همغږي بریدونه ښکاري چې “ګڼ بې ګناه خلک پکې وژل شوي.”

یوه بل وزیر هرشا دي سیلوا په کوچچیکاډ کې د چاودنې صحنه “زړه بوږوونکې” بللې ده چې په وینا یې، “هر ځای مړي پراته وو”.

داسې وېره هم شته چې ښايي سريلنکا ته د “اسلامي دولت” (داعش) نومې ډلې جنګیالي راستانه شوي وي.

About Ariana News

Avatar

Check Also

۹۵ اعشاریه ۸ په سلو کې ښځې د طالبانو له واکمنیدو سره مخالفې دي- څېړنه

(Last Updated On: July 18, 2019)د بشري حقونو خپلواک کمیسیون ویلي؛ تر سره شوې څېړنه …