عاجل خبرونه

یو شمېر نوماندانو په ټاکنیزو هڅو کې قانون نقض کړی

(Last Updated On: October 4, 2018)

د ټاکنیزو شکایتونو خپلواک کمیسیون مني، چې د ولسي جرګې ځینو نوماندانو په ټاکنیزو کمپاینونو کې د ټاکنو قانون تر پښو لاندې کړی؛ خو هغه شکایتونه به ونه څېړل شي، چې اسناد ونلري.

په کابل ښار کې ټاکنیزو کمپاینونو نوی رنګ او نوی شان خپل کړی؛ ځینو نوماندانو او ملاتړیو یې د تبلیغاتو لپاره له هر غوراوي کار اخیستی او د خلکو پر ملکیتونو خپل ټاکنیز توکي ځوندوي.

د ټاکنیزو شکایتونو خپلواک کمیسیون وایي؛ ځینو نوماندانو، چې ټاکل شوې ولسي جرګې ته به لار پیدا کړي، سر له اوسه قانون تر پښو لاندې کړی دی.

د ټاکنیزو شکایتونو خپلواک کمیسیون غړې حمیرا حقمل وایي: مونږ هغه نوماندان هم وینو، چې د ملت کور ته روان دي؛ خو قانون نه پېژني. دوی د خلکو پر ملکیتونو خپل ټاکنیز توکي تپي، ځوړندوي او په دې توګه د ټاکنو قانون تر پښو لاندې کوي.              

ټاکنیزو شکایتونو خپلواک کمیسیون ته ځینې شکایتونه رسیدلي؛ خو اسناد نلري. اوس کمیسیون خبرداری ورکوي؛ هغه شکایتونه نه څېړل کیږي، چې اسناد ونلري له همدې کبله باید شکایت کوونکي اړوند کمیسیون ته له اسنادو سره ورشي.

آغلې حمیرا حقمل زیاتوي؛ هر هغه شکایت به واخیستل شي، چې اسناد ولري. له سند پرته شکایتونه نه ساتل کیږي او نه پرې غورکیږي.   

د ټاکنیزو شکایتونو خپلواک کمیسیون مني، چې ښایي را روانې ټاکنې په بشپړ ډول رڼې او عادلانه نه وي؛ خو په خبره یې هیله دا ده، چې ټاکنې په پرتلیز ډول عادلانه تر سره شي.

د ټاکنیزو شکایتونو خپلواک کمیسیون رییس عبدالعزیز آریایي وایي: د ولسي جرګې په ټاکنو کې د میرمنو ګډون به د روانو ټاکنو مشروعیت ډېر کړي.         

د ټاکنیزو شکایتونو خپلواک کمیسیون له سیاسي ګوندونو، مدني بنسټونو او خلکو سره خبرې اترې پیل کړي، چې ټول همغږي شي او د درغلیو مخه ونیسي.

خبریال: باعث حیات

About Ariana News

Avatar

Check Also

د افغانستان په هرات ولایت کې د کرونا درې شکمنې پېښې ثبت شوي

(Last Updated On: February 23, 2020)  د هرات ولایت د عامې روغتیا ریاست په ډاګه …