تازه خبرونه
یو شمېر وړو طالب وسلوالو خبرو ته لیوالتیا ښودلې-متیس
کابل ته په ناڅاپي سفر راغلي د امریکا دفاع وزیر ویلي، چې د طالبانو یو شمېر وړو وسلوالو ډلو له افغان حکومت سره خبرو ته لیوالتیا ښودلې ده.
له هغې وروسته، چې امریکا له وسلوالو طالبانو سره د مخامخ خبرو وړاندیز رد کړ؛ د دغه هېواد دفاع وزیر جیمز متیس کابل ته راغی او په ډاګه یې کړه، چې د وسلوالو طالبانو یو شمېر وړې ډلې له افغان دولت سره خبرو ته لیواله شوې دي.
جیمز متیس وویل: مونږ غواړو؛ وسلوال طالبان له افغان حکومت سره د سولې داسې خبرو ته اړ کړو، چې د سولې نوښت هم له افغانانو سره وي. افغان دولت له وسلوالو مخالفینو سره د سولې د خبرو دروازې پرانیستې دي. وړو وړو ډلو لیوالتیا ښودلې، چې له افغان دولت سره د سولې خبرې وکړي. مونږ هڅه کوو، چې د وسلوالو طالبانو کلیدي غړي د سولې خبرو ته وهڅوو او دا د طالبانو لپاره ښه فرصت دی.
متیس له ولسمشر غني سره هم لیدلي او هغه ته یې ډاډ ورکړی، چې له افغانستان سره به خپلو همکاریو ته دوام ورکوي.
ولسمشرغني وایي، چې په هېواد کې یو شمېر مخالفتونه د حل وړ دي او داسې بدلونو نه به رامنځته شي، چې خلک یې په تېرو څلور لسیزو کې په تمه ول.
دغه راز ولسمشر له پاکستان سره د دولت په دولت د خبرو اترو او په سیمه کې له ترهګرۍ سره پر مبارزه ټینګار کړی دی.
د افغانستان د ملي دفاع وزارت د ویاند مرستیال محمد رادمنش وايي، چې د امریکا دفاع وزیر هېواد ته راغلی او له چارواکو سره یې خبرې اترې کړې دي.
د هغه د څرګندونو له مخې؛ له ترهګرۍ سره د مبارزې په برخه کې د امریکا هڅې د افغانستان پر ثبات مثبت اغېز شیندلی شي.
یو شمېر د نظر خاوندان وايي، چې پر وسلوالو طالبانو د امریکا فشارونو یو څه پایله ورکړې ده.
سیاسي کارپوه ضیا دانش وايي؛ سولې ته د وسلوالو طالبانو د اړ کولو لپاره په کار ده، چې پر دغې ډلې فشارونه نورهم زیات شي.
وسلوالو طالبانو په رسمي توګه له ا مریکا غوښتي وه، چې د افغانستان د کړکیچ د اواري لپاره ور سره خبرې وکړي؛ خو امریکا له طالبانو وغوښتل، چې له افغان حکومت سره د سولې خبرې وکړي.
خبریال: رفیع صدیقي
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ