عاجل خبرونه

پر تاپي سترې اقتصادي پروژې کار باید چټک شي- خانجان الکوزی

(Last Updated On: جنوري 11, 2019)

د سوداګرۍ خونې چارواکي وايي، نږدې لس میاشتي وشوې، چې په افغانستان کې د تاپي پروژې د کار عملي چارې پیل شوي؛ خو تر دې دمه يي د کار د پرمختګ په اړه هیڅ  معلومات نشته.

د سوداګرۍ خوني مسوولین وايي؛ د ملي وحدت حکو مت په رامنځته کیدو تر یوه بریده د سترو سیمه ییزو اقتصادي پروژو کارونه پیل شول، چې په کې د تاپي، کاسازر او د ریل پټلیو پروګرامونه د یادونې دي.

د سوداګرۍ خونې مرستیال زیاتوي؛ له لس میاشتو ډېره موده وشوه، چې د افغانستان په خاوره کې د تاپي د کار بهیر پیل شوی، خو اوس يې هم  برخه لیک څرګند ندی.

دوی له حکومته غوښتنه کوي، چې د دغو سترو اقتصادي پروژو د کارونو د چټکتیا لپاره خپلي هڅي کړندۍ کړي.

د سوداګرۍ خونې مرستیال خانجان الکوزی وایي؛ دغه سترې سیمه ییزې اقتصادي پروژې، چې له افغانستان څخه جنوبي آسیا ته د غزیدو په حال کې دي باید کارونه يي چټک شي په ځانګړي توګه تاپي پروژه، چې بې برخه لیکه ښکاري.

د کانونو او پترولیم وزارت بیا وايي؛ په هېواد کې د تاپي پروژې د پلي کوونکي  شرکت له  کارونو څارنه روانه ده، چې په دې وروستیو کې د دغې پروژې په چارو کې ډېر پرمختګونه هم رامنځته شوي دي.

د کانونو او پترولیم وزارت ویاند قدیر مطفی وایي، په هېواد کې مو له تاپي پلي کوونکي شرکت سره تازه  خبرې کړي او د پروژې د استملاک او انجنیرۍ په برخه کې ډېر پرمختګونه رامنځته شوي دي.

د کانونواو پترولیم وزارت مسوولین وايي، چې په پوره د قت افغان حکومت د لويو سیمه ییزو اقتصادي پروژو د پلي کولو لپاره پلان لري او همداراز په کارونو کې تر اوسه هیڅ ځنډ هم ندی راغلی او پرمختګونه هم لرو.

خبریال: اسلم حجاب

About Ariana News

Check Also

د کابل په بمي چاودنه کې زیانمن خلک د حکومت همکاري غواړي

(Last Updated On: جنوري 15, 2019) د تېرې شپې( د مرغومي ۲۴) د بمي چاودنې …