تازه خبرونه
ملي وحدت حکومت پخپل وخت د ټاکنو د ترسره کولو اراده نلري
د افغانستان د آزادو او عادلانه ټاکنو د بنسټ اجرائیه رييس یوسف رشید څرګنده کړې، چې حکومت د ټاکنو تر سره کولو ته نیت نلري او د ټاکنو خپلواک کمیسیون هم خپلواکه نه دی. د حکومت او کمیسیون تر منځ واټن پراخه شوی او د ټاکنو خپلواک کمیسیون کارتونه هم له لومړنیو پړاوونو تېرشوي نه دي. حکومت او کمیسیون دواړه پخپل وخت د ټاکنو د تر سره کولو وس نلري او کیدی شي تر سره کول یې وځنډیږي.
د ټاکنو خپلواک کمیسیون مرستیال معاذالله دولتي وايي؛ مونږ اوس هم د حکومت لخوا د بشپړ مالي ملاتړ او د ټاکنیزو حوزو د امنیت خوندي کولو ډاډ نه دی ترلاسه کړی؛ کمیسیون د ټاکنو طرحه حکومت ته سپارلې او لس مکتوبونه یې لیږلي؛ خو حکومت تر اوسه هیڅ ډول ځواب نه دی ورکړی.
د افغانستان د شفافو ټاکنو د بنسټ ريیس نعیم ایوب زاده بیا په دې باور دی، چې حکومت د ټاکنو خپلواک کمیسیون په چارو کې لاسوهنه کوي او د کمیسیون چارې یې پڅې کړې دي.
ولسمشرۍ او سپېدار ماڼۍ بیا دا نه مني، چې ګواکي د ټاکنو خپلواک کمیسیون په چارو کې لاس وهي؛ خو ټینګار کوي، چې د راتلونکیو ټاکنو د تر سره کولو لپاره اراده پخه شوې ده.
د ولسمشر د ویاند د دفتر سرپرست سید شاه حسین مرتضوي وایي، حکومت پخپل وخت د ټاکنو تر سره کولو ته ژمن دی؛ مالي لګښت او امنیت ته یې هم ځانګړې کړنې تر سره شوې دي.
د اجرائيه ریاست د ویاند مرستیال جاوید فیصل د ټاکنو د تر سره کولو ډاډ ورکوي او پوښتي: کله، چې د ټاکنو خپلواک کمیسیون خپلواک وي بیا؛ نو ولې یې تر سره کولو ته چمتوالی نلري. په داسې حال کې، چې حکومت پخپل وخت د ټاکنو ترسره کولو ته پخه اراده او چمتوالی لري.
له دې مخکې هم د ټاکنو خپلواک کمیسیون مسوولینو ویلي وه، چې ښايي پارلماني او د ولسوالیو شوراګانو ټاکنې پخپل وخت تر سره نه شي؛ یوه یا دوه میاشتې وځنډیږي.
خبریاله: افسون محمدي
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
نړۍ22 hours ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ