تازه خبرونه
څوک، چې د سولې خنډ کیږي؛ د افغانستان له مشرۍ بې برخی دی- عبدالله عبدالله
اجرائیه رييس ویلي؛ هغه کسان، چې د څوکۍ د ساتلو لپاره د سولې پر وړاندې له لیونتوب ډګې چغې وهي، د هېواد د رهبرۍ صلاحیت نلري.
دا مراسم د افغانستان د سولې عالي شورا د پخواني رييس برهان الدین رباني د ترورو د اتمې کلیزې په مناسب جوړ شوي دي. برهان الدین رباني هغه ځانمرګي بریدګر وواژه، چې ویل کیدل د سولې د پیغام په پلمه تر هغه ور رسیدلی و.
په دې تلینغونډه کې زیاتره خبرې پر ټاکنو او سوله راڅرخیدلي دي.
د حکومت اجرائیه رییس عبدالله عبدالله، چې د سولې عالي شورا د پخواني مشر برهان الدین رباني د ترور په اتم تلین کې خبرې کولې په ډاګه کړه، چې که څه هم ټاکنې لومړۍ شوي؛ خو په وینا یې؛ سوله د افغانانو لومړیتوب دی.
د سولې عالي شورا رييس محمد کریم خلیلي ویلي، چې له ټاکنو وروسته باید ډېره پاملرنه سولې او د جګړې پای ته راوګرځي.
له دې غونډې د ټاکنو خپلواک کمیسیون ته هم ګوتڅنډنې وشوې، چې باید په ټاکنو کې د درغلیو مخه په جدي توګه ونیسي.
د بهرنیو چارو وزارت سرپرست صلاح الدین رباني د ټاکنو خپلواک کمیسیون ته ګوتڅنډنه وکړه، چې که دا ځل په ټاکنو کې د درغلیو مخه ونه نیسي؛ نو په وینا یې زغم به ونکړي او پړه به هم د همدوي پر غاړه وي.
محمد محقق هم نیوکه وکړه، چې یو شمیر کسان له دولتي امکاناتو په کمپاین کې برخه اخلي.
د اجرائيي ریاست دوه یم مرستیال محمد محقق وایي، چې یو شمېر ناځوانه سیالان ټول قانوني معیارونه تر پښو لاندې کوي؛ هڅه کیږي، چې دولتي امکانات د ځان په ګټه وکاروي او دولتي ادارې هو د درغلیو له وهحوي.
برهان الدین رباني پخوانی جهادي مشر او ولسمشر په وروستیو کلونو کې د افغانستان د سولې عالي شورا ريیس د هغه ځانمرګي بریدګر لخوا، چې ویل کیږي د سولې د جعلي پیغام راوړونکی یې ځان معرفي کړی و؛ اته کاله مخکې په کابل کې ووژل شو.
خبریال: باعث حیات
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ