Connect with us

سوداگري

هند په کابل کې پر للندر بند کار پیلوي

Ariana News

خپور شوی

 په

(Last Updated On: زمری ۲, ۱۳۹۷)

هند غواړي په څو راتلونکیو میاشتو کې د نړیوال بانک پر همکارۍ د کابل پر للندر بند(شاتوت) کار پیل کړي.

د انرژۍ او اوبو وزارت وایي، هند د شاه توت بند جوړېدو ته ملاتړلې او په دې وروستیو کې یې نوم هم پر للندر بند اوښتی دی.

له دې مخکې هندي رسنیو ویلي وه، چې هند به پر دغه بند د زمري میاشتې پر لومړیو کې کار پیلوي.

د اوبو او برښنا وزارت وایي،  تر یوې میاشتې به د سیمې د استملاک کار پای ته ورسیږي او تدارکاتو ته به وسپارل شي.

د للندر پروژې مدیر ظریف ظریف وایي؛ للندر بند د ۱۴۶میلیون مترمکعب اوبو توان لري، چې دوه میلیون کسانو ته د څښاک اوبه برابروي او څلور زره هکتاره ځمکې ته ۹۷ میلیون متر مکعب اوبه برابرولی شي. د دې بند د جوړېدو لګښت ۲۳۶ میلیون دالرو ته رسیږي، چې د هند او نړیوال بانک لخوا ورکول کیږي.

اقتصادي کارپوه سید مسعود آریانا نیوطز ته په دې اړه وویل: نه یوازې پر شاتوت بند، بلکې که پر نورو ۴۴ بندونو، چې وړاندیز شوي؛ کار پیل شي هم به اقتصادي وده رامنځته شي او هم د اوبو له بحرانه ژغورل کیږو.

د پوهنتون استاد عبدالبصیر عظیمي هم په دې اړه ویلي، چې: د دغه بند جوړول به په کابل کې د اوبو کمیدو مخه ونیسي.

د للندر بند تر څنګ په شکر دره ولسوالۍ کې د شاه او عروس بند د جوړېدو په حال کې دی، چې په دې بند کې د کار پڅوالي تخنیکي ستونزې جوړې کړي او دې کار یو لړ اندېښنې را پورته کړې دي.

خبریاله: سمیرا ظفری

Continue Reading
Advertisement

تازه خبرونه

د ګرځند کریدت کارتونو ۲.۲ میلیارد افغانیو ډېر عاید حکومت ته سپارل شوی

Ariana News

خپور شوی

په

توسط

(Last Updated On: زمری ۱۲, ۱۳۹۹)

د مخابراتو او معلوماتي ټکنالوژۍ وزارت ویلي، چې د روان مالي کال له پیل راپدیخوا د ګرځند(موبایل تیلیفون) کریدت کارتونو له لس سلنې مالیې ۲.۲ میلیارد افغانیو ډېر عاید  راټول شوی او د حکومت خزانې ته سپارل شوې دي.

وزارت زیاته کړې، چې دا مالیه د ریل تایم سیستم له کارولو راټوله شوې ده.

د مخابراتو او معلوماتي ټکنالوژۍ وزارت ویاند عبدالصمد حامد پویا څرګنده کړې، چې مونږ د ۲۰۲۰ کال له پیله تر دې دمه ۲.۲ میلیارد افغانیو ډېرې راټولې کړي او حکومتي خزانې ته سپارل شوې دي.

د هېواد کارپوهان پدې باور دي، چې اوس هم په دې لس سلنه مالیې راټولولو کېرڼښت او  شفافیت نشته.

دوی ويلي؛ تر دې دمه د مخابراتو وزارت ندی توانیدلی، چې د مخابراتي شرکتونو د فعالو سیم کارتونو او مصرف کوونکیو کارتونو حسابونه تائید کړي.

د اقتصادي چارو کارپوه سلیم توپان ویلي: مونږ دا منو، چې د مخابراتو وزارت یو څه کار کړی؛ خو که د لګښت کارتونو ۱۰ سلنه مالیه هم رڼه راټوله شوې وي؛ نو شمېر به یې له راټول شوي عایده لوړ شي.

د ریل تایم یا د رښتیني وخت سیستم په مخابراتو او معلوماتي ټکنالوژۍ وزارت کې تر ټولو جنجالي موضوع وه او ده. نیوکه دا ده، چې د رښتیني وخت سیستم نیمګړی دی او نشي کولی په شفاف ډول د ګرځند پېرودونکیو له لګښتیزو کارتونو  لس سلنه مالیه راټول کړي.

Continue Reading

تازه خبرونه

چین، افغانستان، پاکستان او نیپال له کرونا سره د ګډې مبارزې هوکړه وکړه

Ariana News

خپور شوی

په

توسط

(Last Updated On: زمری ۷, ۱۳۹۹)

چین، افغانستان، پاکستان او نیپال د خپلو هېوادونو د اقتصاد د ښه کیدو لپاره له کرونا ویروس سره د ګډې مبارزې او همکارۍ هوکړه وکړه.

دغه هوکړه تېره شپه د اړوند هېوادونو د بهرنیو چارو وزیرانو په ویدیوي ناسته کې رامنځته شوه.

د اسوشیتید پرس د راپور له مخې؛ په دې کنفرانس نه یوازې له کرونا ویروس سره د ګډې مبارزې پر لارو چارو خبرې وشوې، بلکې له دې ناروغۍ څخه د رامنځته شویو اقتصادي ستوزو د حال او همکاریو په اړه هم خبرې اترې تر سره شوې.

د چین د بهرنیو چارو وزیر وانګ یي ویلي؛ د یوه ګاونډ په توګه چمتو يو، چې له افغانستان، پاکستان او نیپال سره د ستونزو په حل کې همکاري روانه وساتو، د خلکو له روغتیا ملاتړ وکړو، کار او تولید ته وده ورکړو او د خلکو د هوسا ژوندانه لپاره د کرونا تر پای ته رسیدو پورې خپلې هڅې ډاډمنې کړو.

افغانستان، نیبال او پاکستان له چین سره په اړوند برخو کې پر ګډو اقتصادي او روغتیایي همکاریو ټینګار څرګند کړ او ژمنه وشوه، چې د روغتیا لپاره د ورېښمو لارې د رامنځته کولو لپاره کار او  هڅې نورې هم ګړندۍ شي.

د یادې سرچینې د څرګندونو له مخې؛ دغو هېوادونو پر دیجیتلي همکاریو هم ټینګار کړی او ویل شويو چې د سوداګرۍ پیاوړتیا ته ډېره اړتیا لیدل کیږي.

چین د نړیوالو قوانینو تر چتر لاندې له پرمختیایي هېوادونو ملاتړ او د دوی ګډې اقتصادي ګټې په نړیوال سیستم کې یوه اړتیا بولي او څرګندوي، چې د نظامونو تر منځ همکاري یوه نړیواله اړتیا ده.

Continue Reading

تازه خبرونه

د تاجکستان وارداتي برښنا له ۳۵۰ څخه ۴۰ میګاواتو ته راټیټه شوه

Ariana News

خپور شوی

په

توسط

(Last Updated On: زمری ۷, ۱۳۹۹)

د افغانستان برښنا شرکت ویلي، چې په تاجکستان کې د اوبو د لږوالي له کبله د دوشنبې له ورځې د دوی  وارداتي برښنا له ۳۵۰ میګاواته څخه ۴۰ میګاواتو ته راکښته  شوې ده.

د برښنا شرکت ویاند زیاته کړې، چې له ازبکستان سره د چټکو خبرو له لارې بریالي شوي، چې ترې ۲۰۰ میګا واته برښنا وغواړي او ټاکل شوې ۲۰۰ میګا واته نوره برښنا هم تر لاسه کړو.

د افغانستان د برښنا شرکت ویاند وحیدالله توحیدي ویلي، چې دا پېښه د یکشنبې د سهار له ۷ بجو پلې شوې؛ خو برښنا شرکت بریالی شوی، چې کابل ته له ازبکستان څخه ۲۰۰ میګا واته برښنا تر لاسه کړي. اوس له کورنۍ برښنا سره ۳۰۰ میګا واته برښنا لرو. هڅې روانې دي، چې ۲۰۰ میګاواته نوره برښنا هم تر لاسه کړو. اوس کابل له څه نا څه ښه برښنا لري.

د برښنا شرکت د څرګندونو له مخې؛ د تاجکستان وارداتي برښنا په کابل، ننګرهار، لغمان، لوګر، پکتیا، خوست، پروان، پنجشېر، کاپیسا، بغلان او د کندوز ولایت په یو شمېر سیمو کې تر کار اخیستل کیدو.

د ۲۰۱۴ کال په نومبر کې بیات پاور بریالی شو، چې د هېواد والو لپاره په لومړي ځل له طبیعي ګازه ۴۰ میګاوات برښنا تولید کړي.

اقتصاد کارپوهانو ویلي، چې حکومت باید له هېوادنیو وړتیاوو ګټه پورته کړي. لکه بیات پاور، چې له طبیعي  ګازو څخه برښنا تولیدوي؛ نور پانګوال هم په دې اړه پانګونې ته وهڅوي.

د دوی د څرګندونو له مخې د افغانستان ګاز پانګونې ته اړتیا لري، چې د برښنا تولید ته د سونګ توکي چمتو شي.

د کارپوهانو د څرګندونو له مخې؛ د برښنا په تولید کې د طبیعي ګاز کارول لکه، چې اوس بیات پاور، چې په افغانستان کې له ګازو څخه ۴۰ میګاواته بریښنا تولیدوي.

اقتصادي کارپوه حکیم الله صدیقي ویلي؛ که د برښنا د تولید پر سکتور کار شوی وای، اوس به مونږ د برښنا یو صادروونکی هېواد وو. هیله من یم لکه بیات پاور، چې جوزجان ښار رڼا کړی؛ نور پانګوال هم هغه ته ورته د برښنا د تولید لپاره پانګونه وکړي، چې په دې اړه د خلکو ستونزې حل شي.

د هېواد یو بل اقتصادي کارپوه سلیم توپان په ډاګه کړې؛ اړینه ده، چې حکومت دې کار ته پام راواړوي او په راتولونکي کې مونږ باید د بندونو د پرانستو لیدونکي شو او سولري برښنا ولرو؛ ځکه مونږ د نړۍ دوه یم لمریز هېواد یو او دا له دې سرچینې باید ګټه پورته کړو، چې نورې ستونزې ونلرو.

برښنا شرکت ویلي، چې په افغانستان کې د برښنا تولیدولو ته مونږ له لمر، ګازو او اوبو وړتیاوې لرو.

 دا مهال د کندهار ولایت لمریز سیستم ۴۰ میګا واته برښنا تولیدوي او د هلمند د برښنا بند هم ۱۰۰ میګا واته برښنا تولیدوي.

توحیدي دغه راز د خصوصي بنسټونو د پانګونې په اړه ویلي: د هېواد په سهیل کې بیات او غضنفر ګروپ له طبیعي ګاز څخه د برښنا په تولید کې پانګونه کړې، چې د بیات پاور د برښنا رسولو پروژه برښنا هم تولیدوي.

هغه زیاته کړې، چې د خصوصي سکتور لپاره د برښنا د تولید او وړاندې کولو اړتیا شته او حکومت چمتو دی، چې ورته د پانګونې زمینه برابره او ورسره مرسته وکړي.

Continue Reading

Trending