Connect with us

تازه خبرونه

ډېر ژر به حکومت د چین خپلمنځي ناستې ته یو پلاوی ولیږي- سرچینې

Ariana News

خپور شوی

 په

(Last Updated On: November 4, 2019)

ویل کیږي، چې د ارګ پلاوی به د جمعي پر ورځ( د لړم ۱۷) چین ته په سفر کې له طالبانو سره مخامخ ناسته تر سره کړي.  

 یوې سرچینې آریانا نیوز ته ویلي؛ ولسمشرۍ ماڼۍ د دې لپاره، چې د سیاسیونو لخوا اعتراضونه او نیوکې ونشي، د بیجینګ په ناسته کې یې د ګډون کوونکي پلاوي جوړښت نه افشا کوي.

افغان حکومت په کور دننه د هغو سیاسیونو ملاتړ او یووالي ته اړتیا لري، چې کشالې یې بې شمېره دي. یعنې هغه ملاتړ او یووالی، چي له طالبانو سره د مخامخ خبرو اترو لپاره تر ټولو لومړنۍ اړتیا ده. دا د هغو سیاسیونو غبرګونونه دي، چې له طالبانو سره یې د مذاکراتو لپاره د پلاوي د ترکیب په اړه  لري.

ځینې سیاستوال وایي؛ باید د مرکچیانو جوړښت واضح وي، د افغانستان خلک پوه شي، چې له آدرسه یې څوک له طالبانو سره خبرې کوي.

په ولسي جرګه کې د غزني استازی قیوم سجادي ویلي؛ په خواشینۍ، چې اوس هم د افغان حکومت او د افغان حکومت د پلویانو تر منځ په حکومت کې دننه د اندونو پوپیرونه شته. ما تل ټینګار کړی، چې د پلاوي د جوړښت پر ځای باید خبرې پر اجندا راوڅرخي.                

په تېرو څو ورځو کې د افغان ټولنې بېلا بېلو لوریو ترمنځ لیدنې، غونډې او ناستې تر سره کیږي؛ د هېواد له سرسختو د یپلوماتانو نیولې تر د نظام وفادارو او منتقدو سیاسیونو پورې، ټول د باثباته افغانستان لپاره هڅې کوي، چې په دې اړه د افغانستان لپاره د آلمان ځانګړي استازي د ملي امنیت شورا له سلاکار سره کتلي دي.

د ملي امنیت شورا ویاند کبیر حقمل ویلي، چې جرمني د خبرو له پیله د خپلمنځي خبرو په اړه همکاري کړې او له هغې تجربې څخه، چې مونږ یې له دې هېواده لرو؛ له شخصي او سیاسي تاویلو- ماویلو څخه یې د همکارۍ لپاره ګټه پرته کوي.                     

سره له دې پوښتنه دا ده، چې ولې ارګ یا هم د سولې په چارو کې د دولت وزارت د بیجینګ په ناسته کې د ګډون کوونکي پلاوې نوملړ نه ډاګیزه کوي؟

سیاسي هڅاند احمد سعیدي په دې اړه ویلي، چې د افغانستان حکومت د دې لپاره د پلاوي جوښت نه په ډاګه کوي، چې د افغانستان خلک یې نه مني. حکومت داسې يو پلاوی غوره کوي، چې نه پوهیږي او منونکي وي.                   

له دې وړاندې ولسمشرۍ ماڼۍ او د سولې په چارو کې د دولت وزارت ویلي وه، چې د بیجینګ په ناسته کې د ګډون لپاره چمتوالی لري او د ګډون کوونکي پلاوي غړي هم ټول اړخیزه دي؛ خو  د پلاوې په اړه یې جزئیات تر دې دمه وړاندې نکړل.

تازه خبرونه

اشرف غني او خلیلزاد د افغانستان د سولې پر راتلونکي پړاو خبرې وکړې

Ariana News

خپور شوی

په

توسط

(Last Updated On: March 1, 2021)

ولسمشر محمد اشرف غني نن له غرمې مخکې په افغانستان کې د سولې لپاره د امریکا له ځانګړي استازي زلمي خلیل زاد سره وکتل.

ولسمشرۍ څرګنده کړې؛ ولسمشراشرف غني نن له غرمې مخکې د افغانستان د سولې لپاره د امریکا د بهرنیو چارو وزارت له ځانګړي استازي ډاکتر زلمي خلیلزاد سره وکتل.

ولسمشرۍ په ډاګه کړې؛ په دې ناسته کې د سولې پروسې پر راتلونکیو ګامونو بحث وشو او دواړو لوریو د دې پروسې پر ګړندي کولو هم ټینګار کړی دی.

ډاکتر زلمي خلیلزاد د سولې لپاره پر داخلي اجماع، سیمه ییزې او بین المللي ډيپلوماسۍ خوښي وښوده او یو ځل بیا یې په افغانستان کې د سولې د ټینګښت لپاره د امریکا د اغېزناک رول ډاډ څرګند کړ.

د امریکا د نوي حکومت لخوا د افغان سولې لپاره د امريكا د بهرنيو چارو وزارت د ځانګړي استازي زلمي خلیلزاد د دندې له غزولو وروسته؛ زلمي خلیلزاد خپل کاري سفر له خپل نوي مرستیال سره په ګډه له جرمني پیل کړ. دی له هغه هېواده افغانستان ته راغی؛ قطر، پاکستان، عربي متحده اماراتو او ځينو نورو هېوادونو ته به هم سفرونه ولري او د افغان سولې د خبرو د بري لپاره به د دې هېوادونو ملاتړ او مرسته تر لاسه کړي.

دا په داسې حال کې ده چې د ملي پخلاینې عالي شورا رییس عبدالله عبدالله د دوشنبې پر سهار په کابل کې له خلیلزاد سره د افغانستان د سولې بهیر په اړه خبرې کړې دي.

Continue Reading

تازه خبرونه

خلیلزاد د ملي پخلاینې عالی شورا له مشرتابه او غړیو سره ولیدل

Ariana News

خپور شوی

په

توسط

(Last Updated On: March 1, 2021)

د ملي پخلاینې عالي شورا مشر عبدالله عبدالله د دوشنبې پر سهار په کابل کې د امریکا د سولې له ځانګړي استازي زلمي خلیلزاد سره د افغانستان د سولې پر روان بهیر بحث او خبرې کړې دي.

عبدالله عبدالله په خپل یوه ټویټ کې څرګنده کړې؛ مونږ په دوحه کې  د سولې، د تړون د بیاکتنې او د راتلونکيو پرمختګونو په اړه خبرې وکړې.

هغه ویلي، چې مونږ د تاوتریخوالي د سمدستي پای او د سولې خبرو د ګړندۍ کیدو غوښتنه کوو.

سیمې ته د خلیلزاد سفر له طالبانو سره د امریکا د ولسمشر جو بایډن تر مشرۍ لاندې د خبرو د بیا پیل ښکارندویي کوي.

د امریکا د نوي حکومت لخوا د افغان سولې لپاره د امريكا د بهرنيو چارو وزارت د ځانګړي استازي زلمي خلیلزاد د دندې له غزولو وروسته؛ زلمي خلیلزاد خپل کاري سفر له خپل نوي مرستیال سره په ګډه له جرمني پیل کړ. دی له هغه هېواده افغانستان ته راغی؛ قطر، پاکستان، عربي متحده اماراتو او ځينو نورو هېوادونو ته به هم سفرونه ولري او د افغان سولې د خبرو د بري لپاره به د دې هېوادونو ملاتړ او مرسته تر لاسه کړي.

یو کال مخکې د کب پر لسمه د قطر په دوحه کې د امریکا او طالبانو ترمنځ په افغانستان کې د سولې رامنځته کولو تړون لاسلیک شوی، چې افغان حکومت ترې بې برخې پاتې شوی او اوس حکومت د امریکا د ولسمشر جو بایډن د نوې ادارې لخوا پرېکړې ته له بیاکتنې هرکلی کوي.

Continue Reading

تازه خبرونه

د دوحې تړون د سولې پر ځای افغانان له ترهګرۍ او وحشت سره مخ کړي ـ د ملي امنیت شورا

Ariana News

خپور شوی

په

توسط

(Last Updated On: March 1, 2021)

د افغانستان ملي امنیت شورا ویاند تېره ورځ ویلي؛ د امریکا او طالبانو ترمنځ تړون، چې تېر کال د قطر په دوحه کې لاسلیک شوی؛ افغانانو ته د سولې او اوربند پر ځای امریکا او طالبانو ته سوله او اوربند تضمین کړی دی.

د ملي امنیت شورا ویاند رحمت الله اندړ په خپل یوه ټویټ کې څرګنده کړې؛ افغانانو، چې د دوحې له هوکړه ليکه د سولې او امنيت اړوند کوم توقعات لرل هغه یې تر لاسه کړي ندي.  

د نوموړي د څرګندونو له مخې؛ دغه تړون تر اوسه پورې يوازې له امریکا سره اوربند يقيني کړی، له افغانانو سره اوس هم د طالب رابطه يوازې تر قتل، غارت، ترور او وحشت محدوده ده.

رحمت الله اندړ یاد تړون عملي نه بولي او په دې اړه څرګندوي: اوس هم په دې تړون کې د افغانانو لپاره د هيله مندۍ څه نشته او د خپلمنځي خبرو بهیر هم د طالبانو له لاسه ټکنۍ شوی دی.

رحمت الله اندړ ویلي؛ که د دوحې تړون ته د افغانانو له لیدلوري وکتل شي، د سولې په تمه وخت ضایع شوی، افغانانو ته درانده ځاني او مالي زیانونه اوښتي او په ټوله کې افغانستان ویجاړ شوی دی.

یو کال مخکې د کب پر لسمه د قطر په دوحه کې د امریکا او طالبانو ترمنځ په افغانستان کې د سولې رامنځته کولو تړون لاسلیک شوی، چې افغان حکومت ترې بې برخې پاتې شوی او اوس حکومت د امریکا د ولسمشر جو بایډن د نوې ادارې لخوا پرېکړې ته له بیاکتنې هرکلی کوي.

د لاسلیک شوي تړون له مخې؛ د ناټو او امریکا ټول بهرني سرتېري د می پر لومړۍ نېټه له هېواده وځي؛ خو ناټو او افغان حکومت د سولې تر راتلو د ځواکونو پر پاتې کیدوټینګار څرګندوي.

دا په داسې حال کې ده، چې طالبانو د یکشنبې پر ورځ د امریکا او طالبانو تر منځ د تړون د لومړۍ کلیزې په ویاړ له امریکا غوښتي، چې په تړون کې له ژمنې سره سم ګامونه پورته کړي او که نه د د سولې بهیر به زیانمن کړي.

Continue Reading

Trending

آریانا نیوز: ټول حقونه خوندي دي