Connect with us

تازه خبرونه

په هېواد کې پر کرونا ویروس د اخته کسانو شمېر ۷۸۴ ته رسیدلی

Ariana News

خپور شوی

 په

(Last Updated On: April 15, 2020)

د عامې روغتیا وزارت وایي، له تېرو څلیریشت ساعتونو څخه په یوولس ولایتونو کې د کرونا اویا مثبتې پېښې ثبت شوي، چې تر اوسه له دې ویروسه ۲۵ کسان مړه دي؛ ۴۳ کسان بېرته ترې رغیدلي او د هېواد له زندانونو هم د کرونا ویروس د مخنیوي لپاره ۲۵۳ بندیان راخوشې شوی دي.

د عامې روغتیا وزیر فیروز الدین فیروز ویلي، په تېرو ۲۴ ساعتونو کې د کرونا ویروس اویا تازه مثبتې پېښې ثبت شوي، چې ۳۱ یې د کابل، ۲۲ د هرات، ۳ د کندهار، ۳ د غزني، ۲ د میدان وردګ، ۲ د کونړ، ۲ د ننګرهار، یوه د فاریاب، یوه د روزګان، ۲ د نیمروز او یوه د بغلان ولایتونو دي، چې له دې سره په ټول هېواد کې د کرونا پر ویروس د اخته کسانو شمېر ۷۸۴ ته رسیدلی دی.

په کرونا اخته درېیم ډاکټرهم ژوند له لاسه ورکړ؛ ډاکټر اقبال عمري د کابل په یوه روغتون کې د ماشومانو د جراحي متخصص په توګه دنده تر سره کوله، چې یوه اوونۍ مخکې پر کرونا اخته شوی و او د چارشنبې پر ورځ د افغان – جاپان په روغتون کې ومړ.

دا راز یو اتیا کلن سړی هم په هرات کې مړ شوی، چې مړه شوي پېنځه ویشت کسانو ته ورسیدل؛ خو له دې ناروغي دري څلویښت نور ښه شوي دي.

د زندانونو د تنظیم چارو لوی رییس راشد توتاخېل ویلي؛ په زندانونو کې د کرونا ویروس د مخنیوي لپاره د څرخي پله له زندانه ۲۵۳ بندیان آزاد شول.

د دوی د څرګندونو له مخې؛ د هېواد له زندانونو تر اوسه د ولسمشر د فرمان له مخې، له پېنځه زره ډېر بندیان د هېواد له زندانونو خلاص شوي او دا لړۍ روانه ساتل شوې ده.

تازه خبرونه

حکمتیار په پاکستان کې د سولې بهیر په اړه له قریشي سره خبرې وکړې

Ariana News

خپور شوی

په

توسط

(Last Updated On: October 20, 2020)

د پاکستان د بهرنیو چارو وزیر شاه محمود قریشي د حزب اسلامي له مشر ګلبدین حکمتیار سره په کتنه د افغانستان د سولې په بهیر کې د خرابوونکیو له شتون خبرداری ورکړی دی.

د حزب اسلامي رهبر حکمتیار پرون پاکستان ته درې ورځنی سفر کړی، چې موخه یې له پاکستانيو حکومتي چارواکو سره د افغان سولې پر بهیر بحث او خبرې دي.

د حزب اسلامي له مشر سره په دې کتنه کې د پاکستان د بهرنیو چارو وزیر شاه محمود قریشي د افغانستان د سولې له بهیره خپل ملاتړ یو ځل بیا په ډاګه کړ او وایي، چې په افغانستان کې د جګړې لپاره هیڅ نظامي حل نشته.

د پاکستان د بهرنیو چارو وزارت ویاند زاهد حفیظ ویلي: د بهرنیو چارو وزیر قریشي لد حزب له رهبر  ګلبدین حکمتیار سره د دوه اړخیزو اړیکو په اړه خبرې وکړې. پاکستان تل د افغانستان د سولې له بهیره ملاتړ کړی. مونږ اوس هم په دوحه کې د افغانانو تر منځ خبرو اترو ته هیله من یو.

دغه راز د حزب اسلامي رهبر ويلي؛ اسلام آباد په افغانستان کې د جګړې دوام ته هیله من ندی او چمتو دی، چې د افغانستان د سولې په بهیر کې مثبت رول ولوبوي.

په داسې حال کې، چې د دوحې د سولې خبرو له ناڅرګند برخلیک سره مخ دی او د افغانستان په ځینو برخو کې تاوتریخوالی روان دی؛ نو تمې دا دي، چې اسلام آباد به د دې وضعیت د پای ته رسولو لپاره خپلې هڅې ونسپموي.

پاکستان د افغانستان د سولې په بهیر کې یو له مهمو لوبغاړیو څخه دی او له همدې کبله افغان چارواکي او سیاسي مشران غواړي په افغانستان کې د سولې د خوندي کولو لپاره ورسره ګډ کار وکړي.

Continue Reading

تازه خبرونه

عبدالله او روحاني د سولې بهیر په اړه خبرې تر سره کړې

Ariana News

خپور شوی

په

توسط

(Last Updated On: October 20, 2020)

د ملي پخلاینې عالي شورا مشر د سیمه ییزو هېوادونو د مشرانو د ملاتړ تر لاسه کولو لپاره د دوشنبې پر ورځ د ایران له ولسمشر حسن روحاني سره د افغانستان د سولې د روان بهیر او دوه اړخیزو همکاریو په اړه بحث او خبرې کړې دي.

عبدالله عبدالله د ایران له ولسمشر حسن روحاني سره له کتنې وروسته څرګنده کړې: مونږ د افغانستان د سولې بهیر، په دوحه کې د روانو خبرو او دوه اړخیزو اړیکو په اړه نظرونه تبادله کړل.

داکتر عبدالله د سولې په اړه د ایران د ولسمشر له ملاتړه مننه کړې او وایي، چې ایران د ګاونډ په توګه کولی شي په افغانستان کې د سولې بهیر په پرمختګ کې ارزښتمن رول ولوبوي.

د ایران ایرنا خبري آژانس سره په خبرو کې  عبدالله عبدالله ویلي؛ د افغانستان خلک د ټولو افغانانو لپاره تل پاتې او د منلو وړ سوله او همدارنګه په تېرو ۱۹ کلونو کې د لاسته راوړنو ساتنه غواړي.

هغه دا هم په ډاګه کړې، چې د سیمې هېوادونو ترمنځ همکاري کولی شي د سولې بهیر او روانو خبرو اترو ته وده ورکړي او بریالۍ پایله ترلاسه شي.

د نوموړي د څرګندونو له مخې؛ د ګاونډ هېوادونو مرسته او ملاتړ زمونږ لپاره په سیمه ییزه او نړیواله کچه د مشورې لپاره ډېر ارزښت لري.

د ملي پخلاینې عالي شورا د رسنیو  دفتر څرګنده کړې؛ داکتر عبدالله عبدالله او ورسره پلاوی یې سهار ایران ته له دوه ورخني سفره کابل ته راستانه شول. نوموړي په دې سفر کې د ایران له ولسمشر، بهرنیو چارو وزیر، د ولسي جرګې له مشر او نورو چارواکو سره د سولې د بهیر، د دوحې د خپلمنځي خبرو او دوه اړخیزو همکاریو په اړه بحث او خبرې کړې دي.

د یادونې ده، چې د سولې بهیر ته د سیمه ییزو هېوادونو د مشرانو د ملاتړ تر لاسه کولو په لړ کې د ملي پخلاینې عالی شورا مشر او ورسره پلاوي یې پاکستان او هند ته هم سفرونه تر سره کړي دي.

Continue Reading

تازه خبرونه

د خوست ولایت د ځاځي میدان ولسوال په لوګر کې ووژل شو

Ariana News

خپور شوی

په

توسط

(Last Updated On: October 20, 2020)

د خوست ولایت د ځاځي میدان ولسوال عبدالحی ځاځی نن له غرمې وروسته د لوګر ولایت د التمور په اړوند سیمه کې د ناڅرګندو وسلوالو لخوا تر برید لاندې راغلی او له خپل ساتونکي سره وژل شوی دی.

پېښه د پکتيا او لوګر ولايتونو مسوولينو تائيد کړې ده.

د سیمه ییزو چارواکو د څرګندونو له مخې؛ پېښه په اړوند سیمه کې هغه مهال رامنځته شوه، چې دی له خپل ساتونکي سره کابل ته پر لاره و.

د پکتیا والي ویاند عبدالرحمن منګل ویلي، چې په دې پېښه کې د هغه یو ساتونکی هم وژل شوی او یو بل ملکي وګړی ټپي دی.

ویل کیږي، چې وژل  شوي کسان او ټپي د پکتیا حوزوي روغتون ته لیږدول شوي دي.

د پېښې پړه تر دې دمه چا پر غاړه نده اخیستې.

Continue Reading
Advertisement

Trending