Connect with us

تازه خبرونه

په هلمند کې د بهرنيو ځواکونو په بريد کې ۳۱ ملي پولیسو ته مرګ و ژوبله اوښتې

Avatar

خپور شوی

 په

(Last Updated On: غویی ۲۷, ۱۳۹۸)

د هلمند ولايت د ولايتي شورا ریيس وايي؛ تېره شپه د پولیسو د شهرا د ٦٠١ کندک مسوولینو په نهرسراج سيمه کي وسلوالو طالبانو ته کمين نيولى و، چي بهرنيو ځواکونو پخپل سر پرې بمبارد کړى او د دې کنډک د شهرا د قومندان په کډون يې ١٧ پوليس وژلي دي.

د هلمند ولايتي شورا ریيس عطاالله افغان وايي، د نهرسراج په سيمه کي د پولیسو د شهرا د ٦٠١ کندک مسوولینو تېره شپه وسلوالو طالبانو ته کمين نيولى و، چې پر وسلوالو طالبانو بريد وکړي؛ خو بهرنيو هوايي ځواکونو پر امنيتي ځواکونو هوايي بريد تر سره کړ، چي په کي د دې شهرا د قومندان په ګډون ١٧ تنه وژل شوي او ١٤ تنه نورهم ټپيان دي.

په ورته وخت کي د والي وياند هم پېښه مني؛ خو وايي، چې د پېښې د څېړلو په موخه یو پلاوی ټاکل شوى دى.

د هلمند والي وياند عمر ځواک هم پېښه تائيدوي او وایي، چي پېښه د هوايي بريد له کبله را منځته شوې ده.

هغه زیاته کړې، چې ډېر ژر به د پېښې په اړه حقیقت په ډاګه شي؛ خو وایي، چې په دې پېښه کي ٨ پوليس وژل شوي او ١٢ نور ټپي دي.

د کورنيو چارو وزارت مسوولينو هم دا پېښه تائيد کړې او څرګندوي، چې پېښه د بهرنيو ځواکونو د هوايي بريد له کبله رامنځته شوې او د څېړنو لپاره يې یو پلاوی هلمند ته ليږل شوى دى.

خبریال: بريالي رحيمي

تازه خبرونه

د ایراني پوځیانو لخوا اوبو ته په اچول شويو کسانو کې ماشومان هم ول

Avatar

خپور شوی

په

توسط

(Last Updated On: غبرګولى ۸, ۱۳۹۹)

تازه موندنې ښيي چې د ایراني سرحدي پوځیانو لخوا د هریرود سیند ته د غورځول شوو افغانانو په جمع کې ماشومان هم شامل ول.

په هرات کې د هغو کسانو کورنیو له ایران سره په پوله کې د ایراني پوځیانو له خوا سیند ته د غورځول شویو کسانو د پوره څېړنې غوښتنه کړې او د بشري حقونو خپلواک کمیسیون هم څرګنده کړې، چې په دې پیښه کې څو ماشومان هم مړه شوي دي.

د ایران په خاوره کې سیند ته د افغان مسافرو د غورځیدلو په اړه د هرات د محلي چارواکو څلورم کنفرانس جوړ  شو؛ خو د څیړنو پایلې اوس هم روښانه شوې ندي.

 د هرات والي سید وحید قتالي ویلي، چې د څېړنې پایله به د بهرنیو چارو وزارت لخوا اعلان شي. په داسې حال کې، چې د دغې پېښې د قربانیانو کورنۍ د پېښې اصلي عاملین ایراني پوځیان بولي.

د بشري حقونو خپلواک کمسیون مرستیال نعیم نظري ټینګار کړی، چې په دې پېښه کې ۱۰ کسانو ژوند له لاسه ورکړی، ۱۵ کسان تريتم او ۲۱ نور ژغورل شوي دي.

د یاد کمیسیون د څرګندونې له مخې؛ په دې پېښه کې څو دولس کلن ماشومان هم سیند ته غورځول شوي او مړه شوي دي.

د پېښې د قربانیانو د کورنیو استازی مولوي جان محمد وایي؛ دولت تراوسه ندی توانیدلی، چې د پېښې عاملین پر ایراني چارواکو ایراني پوځیان ومني.

هغه زیاته کړې، چې دولت باید د څيړنو پایلې ژر اعلان کړي.

که څه هم دا پېښه له ملي او نړیوالو غبرګونونو سره مخ شوې او ولسمشر یې د جدي څېړنې لارښوونه هم وکړه؛ خو د نږدې یوې میاشتې له تېریدو تراوسه د دغې څېړنې پایلې اعلان شوې ندي.

Continue Reading

تازه خبرونه

د طالب بندیانو د خلاصون تخنیکي پلاوی کابل ته رارسیدلی

Avatar

خپور شوی

په

توسط

(Last Updated On: غبرګولى ۸, ۱۳۹۹)

د طالبانو یو پلاوی کابل ته د بندیانو د خلاصون د ځیني تخنیکي لارو چارو په موخه کابل ته راغلې.

په قطر کې د طالبانو د سیاسي دفتر غړي او ویاند کابل ته د طالب بندیانو د تصدیق او خوشې کولو پر نیت د یو تخنیکي پلاوي له رسیدو خبر ورکړی او د ملي امنیت شورا دفتر هم منلې، چې دا پلاوی یوازې د دواړو لوریو د بندیانو د خوشي کولو د تخنیکي کارونو په اړه کابل ته راغلی دی.

د طالبانو یو پېنځه کسیز پلاوی د طالب بندیانو د خوشي کولو د څرنګوالي، تثبت او هویت د پېیژندنې او دولتي بندیانو د خوشي کولو په اړه د خبرو په موخه کابل ته رسیدلی دی.

په قطر کې د طالبانو د سیاسي دفتر ویاند سهیل شاهین ویلي، چې: د افغانستان اسلامي امارت یو پېنځه کسیز تخنیکي ټیم د بندیانو د خوشی کولو، تصدیق او تثبیت په موخه کابل ته لیږل شوی او دا ټیم به په تخنیکي برخه کې د دوی ستونزې حل کړي.

د ملي امنیت شورا دفتر هم منلې، چې د طالبانو او حکومت تخنیکي پلاوی د دواړو لوریو د بندیانو پرخوشي کولو کار کوي.

د امریکا دفاع وزیر ویلي؛ د افغانستان دولت د طالب بندیانو له خوشي کولو سره وښوده، چې غواړي د بین الافغاني خبرو پر لوري ګامونه واخلي.

پنتاګون په دې باور دی، چې د افغانستان حکومت د دوه زره طالب بندیانو له خوشي کولو سره د سولې په برخه کې یو اغېزمن ګام پورته کړی دی.

ډېر په دې باور دي، چې د سولې په برخه کې رامنځته شوی فرصت باید له لاسه ورنکړ شي.

داسې ښکاري، چې د سولې خبرو د پیل لپاره رامنځته شوي خنډونه اوس د لیرې کیدو په حال کې دي.

Continue Reading

تازه خبرونه

په هېواد کې د کرونا ویروس د مثبت پېښو شمېر۱۳۰۳۶ ته لوړشو

Avatar

خپور شوی

په

توسط

(Last Updated On: غبرګولى ۸, ۱۳۹۹)

د عامې روغتیا وزارت ویلي؛ په تېرو څلیریشت ګړیو کې د کرونا ویروس ۱۰۷۲ شکمنې بېلګې کتل شوي، چې ۵۸۰  یې مشبتې او له دې سره پر جرونا د اخته کسانو ټول شمېر هم ۱۳۰۳۶ ته پورته شوی دی.

د عامې روغتیا وزارت د روغتیایي خدمتونو مرستیال وحیدالله مجروح وایي: له تېرو ۲۴ ګړیو څخه په کابل کې ۳۲۲، په هرات کې ۱۳۹، په پنجشېر کې۲۷، په بلخ کې ۲۲، په فراه کې ۲۱، په پکتیا کې ۲۰، په فاریاب کې ۱۵او په پروان کې ۱۴ پېښې ثبت شوي، چې ورسره د ټولو مړه شویو کسانو شمېر هم ۲۳۵ رسیدلی دی.

نوموړی په هېواد کې د طبی وسایلو له لږوالي خبرداری ورکوي او وایي: که ژر دا طبی توکي او وسایل برابر نشي له ستونزو سره به مخ شو.

د عامې روغتیا وزارت ټینګار کوي، چې خلک  دې لږ تر لږه ماسک، ټولنیز واټن او د لاسونو مینځلو ته پاملرنه وکړي.

Continue Reading

Trending