Connect with us

تازه خبرونه

په ننګرهار کې نارنج ګل میله او مشاعره سوله ییزه تر سره شوه

Ariana News

خپور شوی

 په

(Last Updated On: وری ۱۰, ۱۳۹۸)

په ننګرهار کې د نارنج ګل دودیزه میله او مشاعره سوله ییزه تر سره شوه، چې په کې د هېواد له بېلابیلو سیمو څخه راغلیو لیکوالو او شاعرانو ګډون کړی و.

د شنبې پر ورځ( د وري لسمه) د نارنج ګل په عطرین چاپېریال کې جلال آباد ښار د نارنج ګل د دودیزې میلې او مشاعرې کوربه و، چې د هېواد له بېلابیلو سیمو څخه په کې، ګڼو لیکوالو، شاعرانو او حکومتي چارواکو ګدون کړی و.

د ننګرهار والي شاه محمود میاخېل وایي، چې شاعران دې په خپلو اشعارو کې سوله زمزمه کړي، سولې ته ذهني بستر چمتو کړي او د خلکو په ویښتابه او هڅونه کې برخه واخلي او په دې توګه خپل ملي او ټولنیز رسالت تر سره کړي.

دې مشاعرې ته د افغان ولسمشر محمد اشرف غني پيغام د ولسمشر سلاکار لال پاچا ازمون وړاندې کړ، چې په کې نوی کال د سولې کال وبلل شو.

د مشاعرې ژبه پر سوله ورټوله وه او د جګړې له ښېکلو غاړیو غوښتنه کیده، چې د جګړې پرځای قلم واخلي.

د سولې روانو هڅو پرادب کلک اغېز کړی؛ ان دومره، چې د ملي ځواکونو سرتېروهم  طالب ته د ورو خطاب وکړ.

د نظام پرواکمنانو هم نیوکې وشوې؛ تراب چارواکو ته ورپه زړه کړه، چې د وطن په بربادۍ کې دوی هم بربادېږي.

سږنۍ مشاعره تر تېرو دوه مشاعرو یوڅه خوندوره وه.

داځل بیخي په آزاد ماحول کې جوړه شوې وه او هرچا په کې د خپلې خوښې شعرونه وړاندې کړل.

په مشاعره کې لسګونه شاعرانو شعرونه وویل او د ورځې پر درې بجو پای ته ورسیده.

 د نارنج ګل میله او مشاعره له تېرې نیمې پيړۍ راهسې په ننګرهار کې ترسره کېږي.

خبریال: رحمت الله زیارمل

تازه خبرونه

سوله به خصوصي سکتور ته د پانګونې ډېر فرصتونه رامنځته کړي

Ariana News

خپور شوی

په

توسط

(Last Updated On: زمری ۲۱, ۱۳۹۹)

د افغانستان خصوصي سکتور ویلي، چې د سولې له هغې کړنې هرکلی کوي، چې کیدی شي په کې ځایی او نړیوالو سوداګریو ته د پانګونې پراخ فرصتونه چمتو، اقتصادي وده، پرمختګ او پراختیا رامنځته کړي.

د سوداګرۍ او پانګونې خونې چارواکو زیاته کړې، چې د سولې د راتلو لپاره هیلې زیاتې شوي او د دې بهیر پراختیا کولی شي د هېواد ر اقتصادي پراختیا مثبت اغېز ولري.

دوی په ډاګه کوي، چې ښکېلې غاړې باید له دې فرصته ګټه پورته کړي.

د خصوصي سکتورغړيو څرګنده کړې؛ د لوې جرګې د پرېکړې له مخې د سولې عملي  پروګرام  ته لار اواره شوې او د سولې له راتلو سره به په هېواد کې د پانګونې او اقتصادي هڅو لړۍ  پيل شي.

د سوداګرۍ او پانکونې خونې غړی خانجان الکوزی وایي: د لویې جرګې هغه پرېکړه، چې د زندانیانو د آزادی په اړه رامنځته شوه؛ د هېواد پر اقتصاد به مثبته اغېزه ولري.

د صنایعو او کانونو خونې مسوولین وایي؛ ښکېلې خواوې باید په هېواد کې د جګړې لړۍ ودروي او د سولې په راتلو او د امنیت له خوندي کیدو سره به په هېواد کې سترې پانګونې تر سره شي.

د صنایعو او کانونو خونې مرستیال سخي احمد پيمان ویلي؛ د بندیانو له خوشي کیدو مو هیله داده، چې سم دلاسه د سولې خبرې پيل او پانګونې ته زمینه برابره شي.

د کرنې او مالدارۍ  خونه او ځمکني  ترانسپورت د تولنې مسوولینو ویلي، په ېواد کې د سولې له راتلو سره به په لوړه کچه د کار زمینه  برابره او د فقر کچه به  تر خپلې  وروستۍ کچې را ټيټه شي.

د ځمکني ترانسپورت د تولنې مرستیال نظير احمد خلیل څرګنده کړې؛ د سولې لپاره تر ټولو اړینه  شېبه  رامنځته شوې، چې باید ګټه ترې پورته شي. مونږ باید نور له سیاسي او اقتصادي بحرانه خلاص شو.

د کرنې او مالدارۍ خونې مرستیال میرویس حاجې زاده ویلي؛ باورې یم، چې د سولې له راتلو سره به په  هېواد کې  د کرنې او مالدارۍ ترڅنګ په بېلا بېلو برخو کې افغان پانګوال پانګونه تر سره کړي، چې له دې سره به کارونه هم رامنځته شي.

د اقتصادي چارو کار پوهان هم په دې باور دي، چې د سولې په برخه کې له رامنځته شوي فرصته پوره واخلو، چې اقتصادي خوځښتونه پراخهیا و مومي.

د اقتصادي چارو کارپوه حکیم الله صدیقي وایي، چې د جګړی دواړه خواوې باید د افغانستان د ثبات او اقتصادي پر مختګ لپاره کار وکړي؛ ځکه، چې په امنیت کې کار اواقتصادي وده دواړه خوندي دي.

د خصوصي سکتور غړي وایي که امنیت رامنځ ته شي؛ نو د هېواد په کانونو، کرنې، خدماتو، د انرژۍ  د تولید په ګډون په نورو برخو کې هم په لوړه کچه پانګونې کیدی شي.

Continue Reading

تازه خبرونه

ناتو په افغانستان کې د سولې له بهیره ملاتړ ته چمتوالی څرګند کړ

Ariana News

خپور شوی

په

توسط

(Last Updated On: زمری ۲۱, ۱۳۹۹)

د ناتو لوی منشي ینس ستولتنبرګ د سولې له پلان شویو خبرو اترو څخه د هرکلی تر څنګ څرګندوي، چې مونږ له دې بهیره ملاتړ ته په افغانستان کې خپل شتون چمتو کوو.

د ناتو لویمنشي په خپل یوه تویت کې څرګنده کړې: ما له ولسمشر غني او د ملي پخلاینې عالي شورا له مشر عبدالله عبدالله سره خبرې کړي او د افغانانو تر منځ له راتلونکیو خبرو هرکلی کړم. ټولې خواوې باید د سولې لپاره دا تاریخي فرصت وکاروي. ناتو د ترهګرۍ پروړاندې په مبارزه کې له افغانستان سره ولاړ ده؛ ځکه، چې مونږ د سولې له بهیره ملاتړ ته خپل شتون چمتو کوو.

دا په داسې حال کې ده، چې تېره شپه ولسمشر اشرف غني د طالبانو د ۴۰۰ ناندریزو بندیانو د خوشې کولو فرمان لاسلیک کړ.

ولسمشرۍ ماڼۍ د طالب بندیانو د خوشې کیدو د فرمان لاسلیک کیدل منلې او وایي، چې د لاسلیک د مراسمو پر مهال یو شمېر افغان مشران هم حاضر ول.

د یکشنبې پر ورځ د سولې مشورتي لویې جرګې ولسمشر ته وړاندیز وکړ، چې ۴۰۰ طالب بندیان  دې خوشې شي. که څه هم تر منځ یې د خونړیو بریدونو د ترسره کولو مشران هم شته دی.

حکومت ویلي؛ د یکشنبې پر ورځ په دوحه کې د افغانانو خپلمنځي خبرې ترسره کیدونکې دي او ټاکل شوې، چې د حکومت مرکچي پلاوی د چارشنبې پر ورځ له کابله د قطر پر لوري روان شي.

Continue Reading

تازه خبرونه

د افغان سکهانو دوه یمه ډله د چارشنبې پر ورځ له هېواده وځي

Ariana News

خپور شوی

په

توسط

(Last Updated On: زمری ۲۱, ۱۳۹۹)

ټاکل شوې د افغانستان د سکهانو دوه یمه ۱۸۰ کسیزه ډله هم د چارشنبې پر ورځ له هېواده هند ته ولاړه شي.

هندي رسنیو په ډاګه کړې؛ کیدی شي دوی په کابل کې د داعش د هغه ځانمرګي برید او چاودنو د قربانیانو خپلوان وي، چې تېر مارچ د دوی پر درمسال ترسره شو او لږ تر لږه یې ۲۵ افغان سکهان ووژل.

د هندي سکهانو ټولنې ورسره د همکارۍ ژمنه کړې او تر دې دمه یې ۱۱ سکهان له افغانستان څخه ایستلي دي.

د سکهانو لومړۍ ډلې د نیدان سینګ ساچوا په ګډون، چې په جون کې له پکتیا تښتول شوې و، تېره میاشت له کابل څخه ووت.

د دهلي د درمسالونو د مدیریت کمیتې مشرماجندر سینګهـ سیرسا یوې سنګاپوري رسنۍ ته څرګنده کړې وه؛ مونږ به د دوی له کورنیو سره له خپلې وسې سره سمې مرستې وکړو. مونږ د هغوی د ماشومانو په ښوونه او روزنه کې هم همکاري کوو.

دغه راز د سکهانو ټولنې اجرائیوي مشر جاګدیپ سینګهـ تایمز اف انډیا ته په ډاګه کړې، چې دغه ټولنه له هغو افغان سکهانو او هندوانو سره مرسته کوي، چې غواړي د ډاډمنو اسنادو له مخې افغانستان پریږدي.

هغه زیاته کړې، چې دې ټولنې تر دې دمه د افغان سکهانو او هندوانو ۳۵۰ غوښتنلیکونه تر کار لاندې نیولي، چې هند ته یې راولیږدوي.

تر ۱۹۸۰ لسیزې پورې په افغانستان کې له ۸۰۰۰۰ ډېرو سکهانو او هندوانو د هېواد په بېلابېلو سیمو کې ډاډمن ژوند کاوه؛ خو ډېري یې په ۱۹۹۲ زېږدیز کال کې د وخت د شوروي اتحاد له ړنګیدو وروسته له هېواده کډې بار کړې او ووتل.

ځینو یې ​​د طالبانو او په ځانګړي توګه د نوي نظام له رامنځته کیدو سره د آرام ساه واخیسته او بېرته هېواد ته راستانه شول او حکومت هم افغان سکهان بېرته راستنولو ته وهڅول؛ خو په وروستیو کلونو کې د داعش لخوا پرې بریدونه ترسره شول او اوس په هېواد کې له ۷۰۰ لږ سکهان ژوند کوي.

Continue Reading

Trending