Connect with us

تازه خبرونه

په ننګرهارکې ناامنیو د نوماندانو ټاکنیزې سیالۍ پیکه کړي

Ariana News

خپور شوی

 په

(Last Updated On: تله ۷, ۱۳۹۷)

نوماندان د کمپاینونو لپاره ارام چاپېریال غواړي؛ خو عام خلک ترې ګیله من دي، چې انځورونه او بینرونه پر ناسمو ځایونو لګوي.

د برښنا ستنې د شپې واټونه روښانه کوي او د ورځې د ولسي جرګې نوماندانو ته پر چوپه خوله کمپاین تر سره کوي؛ خو د جلال آباد ښاروالۍ د نوماندانو له دې کړنې ناخوښي ښیي او وايي، چې دغه کمپیاین یې د ښاروالۍ له همغږۍ پرته پخپلسر پیل کړی دی.

د جلال آباد ښاروالۍ د عامه اړیکو مسوول سیدهمایون غریبمل وایي؛ هر هغه نوماند، چې غواړي خپل انځور ولګوي مهرباني دې وکړي ښاروالۍ ته دې راشي. ښاروالۍ به ورته ټاکلي ځایونه غوره او بیا دې ترې تبیلغاتي کار واخلي.

عام خلک هم ګیله من دي، چې د نوماندانو پلویان د ښار د چاپېریال خیال نه ساتي.

د جلال آباد استوګن شفیع الله وايي، نوماندانو د خلکو د هټيو پر لوحو، دروازو او نورو داسې ځایونو انځورونه لګولي، چې له کبله یې عامو خلکو ته زیان اوښتی.

د جلال آباد ښار یو بل استوګن ذاهدالله افغان د نوماندانو پر پلویانو نیوکه کوي او وایي، نه یوازې د کورونو پر دیوالونو انځورونه لګوي، بلکې د جوماتونو دیوالو هم ترې ناامنه شوي دي.

د ننګرهار ولایتي شورا مرستیال عبیدالله شینواری وايي، که له وړاندې د نوماندانو د بېنرونو، شعارونو او انځورونو لپاره ځایونه مشخص شوی وای؛ اوس به دا ستونزه نه وه.

د نوموړي د څرګندونو له مخې، دې کار او ناامنیو ټاکنیزې هڅې او کمپاینیزي سیالۍ کم رنګه کړې دي.

د ولسي جرګې د نوماندانو ترمنځ کمپاینېزي سیالۍ د تلې د میاشتې پر ۶ نېټه پیل شوي، چې درې اوونۍ به روانې وي.

د یادونې ده، چې په ننګرهار کې ۱۳۷ کسان ټاکنیزې سیالۍ کوي، چې یوازې ۱۴ کسان به ترې ولسي جرګې ته لار پيدا کړي.

خبریال: رحمت الله زیارمل

تازه خبرونه

د سولې مشورتي جرګې غړي د ۴۰۰ طالب بندیانو د خوشې کولو غوښتنه کوي

Ariana News

خپور شوی

په

توسط

(Last Updated On: زمری ۱۹, ۱۳۹۹)

د سولې مشورتي لویې جرګې یو شمېر کمیتې د حکومت له بنده د طالب بندیانو مشروطه آزادي غواړي او وایي، چې نړیواله ټولنه باید په ځانګړي توګه د دغو بندیانو د آزادۍ په اړه د خپلمنځي خبرو پیل تضمین کړي او پر اوربند دې هم هوکړه وشي.

دغه راز یو شمېر نورې کمیتې د حکومت د مرکچي پلاوي پر جوړښت د بیا کتنې غوښتونکي دي.

د سولې مشورتي لویې جرګې دوه یمه ورځ د پنځوس کمیتو د څلور سوه طالب بندیانو د آزادولو په تړاو خپله پرېکړه وکړه؛ خو د هوکړې اکثریت برخه مشروط اعلان شوه.

وایي، نړیواله ټولنه په ځانګړې توګه امریکا دې د بندیانو د آزادېدو په بدل کې تضمین ورکړي، چې اوربند ټینګ شي.

په ځینو کمیتو کې د طالبانو له آزادولو سره جوخت د اووه سوه حکومتي پوځي بندیانو آزادي هم وغوښتل شوه.

د سولې مشورتي لویې جرګې ځینو کمیتو ته د مرکچي پلاوي اوسنی جوړښت د منلو ندی او په دې اړه د بیا کتنې غوښتنه لري.

د سولې مشورتي لویې جرګې غړي مني، چې ټولو کمیتو د بندیانو آزادولو لپاره موافقې رایې کارولي؛ خو په مشروط ډول.

د سولې مشورتي لویې جرګې ۵۰ ګونو کمیتو وړاندیز وکړ، چې حکومت او د ملي پخلاینې عالي شورا دې د بندیانو په خوشې کولو او د افغانستان د سولې د خبرو اترو په اړه لاندې ټکي په پام کې ونیسي:

۱- د تلپاتې او پتمنې سولې ترلاسه کولو لپاره دواړه خواوې باید نرمی وښیې.

۲- ۴۰۰  طالب بندیان دې خوشې شي، چې د سولې د خبرو د ځنډولو پلمه پاتې نشي.

۳- غیر مشروط اوربند د طالب بندیانو له خوشې کیدو سره رامنځته کیږي او دواړه خواوې باید دې ته ژمن شي.

۴- د سولې خبرې باید ژر تر ژره پیل شي.

۵- د سولې خبرو اترو لپاره ټولګډونه ملي شورا رامنځته کول د دې وړتیا لري، چې د تېرو ۱۹ کلونو له ارزښتونو او لاسته راوړنو څخه ساتنه وکړي.

۶- د افغانانو په مشرۍ د سولې خبرې باید په غوره ډول په افغانستان کې ترسره شي.

۷- هغه هېوادونه، چې د افغانستان په مسله کې ښکېل دي باید د طالبانو ملاتړ ودروي او تاوتریخوالی ډېر نکړي.

۸- طالبان باید نور د داعش تر نامه لاندې ترهګریز بریدونه ترسره نکړي.

۹- بندیان باید په ملي او نړیوال ضمانت خوشې شي، چې د جګړې ډګر ته ستانه نشي.

۱۰- د خبرو اترو له پیل، بریا او په افغانستان کې د تلپاتې سولې رامنځته کیدو څخه د نړیوالې ټولنې تضمین.

۱۱- د هېواد د ملي ځواکونو د بندیانو خوشې کول، چې د ملي روحیې د ضعیفیدو مخه پرې ونیول شي.

۱۲- په پرېکنده توګه د جمهوري نظام او د سولې په خبرو اترو کې د تېرو ۱۹ کلونو د لاسته راوړنو ساتنه.

۱۳- له اساسي قانون او ولسواکۍ څخه دفاع، په خبرو اترو کې په ځانګړي توګه د اساسي قانون دوه یم فصل ته درناوی.

۱۴- په اساسي قانون کې د داخلي مدني آزادیو او حقونو ساتنه، په ځانګړي توګه د ښځو حقونو او آزادیو ساتل.

۱۵- د بیان او مطبوعاتو آزادي خوندي کول.

۱۶- د خبرو په بهیر کې د افغانستان له خلکو سره د سولې خبرو پرمختګ.

۱۷- دولت باید د جګړې د قربانیانو د کورنیو رضایت ترلاسه کړي.

۱۸- د ټولنې ټولې برخې په ځانګړي توګه ښځې او ځوانان باید د سولې په خبرو اترو کې ګډون وکړي.

۱۹- د خبرو اترو پلاوی باید د خبرو اترو لپاره پوره وړتیا ولري.

۲۰- د ملګرو ملتونو، نړۍ او سیمه ییز قدرتونو تر څارنې او تضمین لاندې د سولې تړونونو تر سره کول.

د سولې مشورتي لویې جرګې مشر عبدالله عبدالله وایي، د خبرو پیل لپاره هیڅ خنډ نشته او سبا به د بندیانو آزادولو لپاره وروستۍ پرېکړه کیږي.

نوموړي زیاته کړې؛ د  جرګې له پای ته رسیدو درې ورځې وروسته د افغانانو خپلمنځي خبرې پیلیږي. طالبانو ته نږدې سرچینو ویلي، د څلور سوه طالب بندیانو له خلاصون وروسته امکان نلري، چې په درې ورځو کې خبرې پیل او د ښکېلو خواوو غوښتنې وروستۍ شي.

د ځینو ولایتونو د ولایتي شورا غړي ټینګار کوي، چې د طالبانو د بندیانو له آزادولو وروسته د جګړې د دوام لپاره هیڅ پلمه نه پاتې کیږي او طالبان باید ژر د سولې خبرو ته حاضر شي.

د یادونې ده، چې د اشرف غني په واکمني کې دا دوه یمه مشورتي لویه جرګه ده او اوسنۍ جرګه د څلور سوه طالب بندیانو برخلیک ټاکلو په تړاو د خلکو له استازیو نظر اخیستل کیږي. دې جرګې ته د برېکنده ماموریت ځواکونو په همکارۍ کلک امنیت نیول شوی او هر ځای د پولیسو، ملي اردو او امنیتي مامورینو منسوبین او موتر ښکاري، چې امنیت یې ورته خوندي کړی دی.

Continue Reading

تازه خبرونه

د بلجیم بایسکل ځغلوونکی ووت فان آیر د میلان سانرمو سیالیو ګټونکی شو

Ariana News

خپور شوی

په

توسط

(Last Updated On: زمری ۱۹, ۱۳۹۹)

بلژیکي بایسکل ځغلوونکي ووت فان آیر د ایټالیا د میلان سانرمو بایسکل ځغلونې په سیالۍ کې پر فرانسوي بایسکل ځغلوونکي جولیان ال فیلیپ بریالی شو.

آیر د شنبې پر ورځ له ۳۰۵ کیلومتره خغلونې وروسته د دغو سیالیو مانومینت نومې یادګاري جایزه تر لاسه کړه.

د جامبو ویسما ځغلوونکی، چې تېره شنبه د کلاسک سترید بینچ ګټونکی او ​​یوازنی ځغلوونکی دی؛ د پوګیو د غرونو په لمنو کې له خپل سیال ال فیلیپ مخکې شو.

آسترالیایي مایکل میتیوس هم په دې سیالۍ کې درېیم ځای خپل کړ.

ټاکل شوې وه، چې دغه سیالۍ د مارچ په نیمایي کې تر سره شوې وای؛ خو د کووید – ۱۹ وبا له کبله وځنډول شوې.

Continue Reading

تازه خبرونه

د افغانستان ښځو د نړۍ د ښځو مشرانو ته سرخلاصی لیک استولی

Ariana News

خپور شوی

په

توسط

(Last Updated On: زمری ۱۸, ۱۳۹۹)

د افغانستان د ښځو شبکې د نړۍ د ښځو له مشرانو غوښتي، چې د دوی تر خوا ودریږي او په افغانستان کې د ښځو له حقونو ساتنه وکړي.

د افغان ښځو شبکې په یو سر خلاصي لیک کې د نړۍ د ښځو مشرانو ته ویلي، چې: مونږ دا لیک؛ ځکه لیکو، چې اندېښمن یو.

دوی په دې لیک کې دا هم ویلي؛ تر دې دمه دا خبرې ننداریزې وې او هغه چا کړي، چې له ځواک و واکه برخمن شوي او هغه څوک غږیږي، چې هېواد وال یې راته وژلي دي.

دې میرمنو څرګنده کړې؛ وېره لري، چې د دوی حقونه او آزادي به له خطر سره مخ شي. لکه څرنګه، چې د خبرو مشري روانه ده؛ نو د ښځو آزادیو او حقونو ته نه درناوی ترې پوره په ډاګه کیږي.

په دې لیک کې راغلي: مونږ وېره لرو، چې زمونږ لاسته راوړنې به له خطر سره مخ شي او یوازې به له دې ځواکمنو کسانو سره په لنډمهاله حل لپاره زړې، زیانمنې او له منځه ولاړې شو. مونږ په دې بهیر کې د ښکېلو کسانو د فشارونو په اړه اندېښمنې یو.

دې ساده شیانو ته په پاملرنه، چې په ټوله نړۍ کې میرمنې ورته ډېره پاملرنه نکوي؛ مونږ په تېرو ۱۹ کلونو کې پر ډېرو هڅو سربېره یا ترې بې برخې یو او یا مو له لاسه وځي.

د عایداتو حق لرل او خپلو کورنیو ته یې چمتو کول دي. هره ورځ کوچني شیان لکه له غچ او وېرې پرته د کور پریښودل، په پارک کې ګرځیدل او په عامه توګه له یو ملګري سره خندا کول؛ مو حق دی.

دوی په لیک کې په ډاګه کړي؛ دا بنسټیز اړخونه دي، چې مونږ یې د بیا له لاسه ورکولو په اړه اندېښمنې یو. مونږ نشو کولی هغه څه له لاسه ورکړو، چې مونږ ستاسې په مرسته ترلاسه کړي دي.

د ښځو شبکې څرګنده کړې: مونږ پوهیږي، چې په افغانستان کې د میرمنو د برابرۍ او مساواتو د لاسته راوړلو لپاره اوس هم اوږده لار په مخ کې لرو؛ خو مونږ  شاتګ زغملی نشو. مونږ به د خپلو د خپلو ماشومانو له حقونو څخه دفاع  روانه ساتو.

د نړۍ په کچه د میرمنو مشرانو ته په دې لیک کې راغلي، چې ښځې د دغو مشرانو ملاتړ ته اړتیا لري. په ځانګړي توګه هغه څوک، چې دریځ یې د افغانستان پر راتلونکې اغېزمن دی.

په لیک کې راغلي: مونږ هیله لرو، چې تاسې د افغانستان لپاره د پرېکړو په کولو کې زمونږ د مساواتو او برابر انسان په توګه زمونږ ارادې ته درناوی وکړئ.

په لیک کې زیاته شوې: مونږ هیله من یو، چې تاسې به یوه عادلانه، ټولګدونه او تلپاتې سوله وڅرئئ. لکه څرنګه یې، چې مونږ غوښتونکي یو. مونږ په دې هیله یو، چې تاسې به له زمونږ سره د ښځو د حقونو او په افغانستان کې د تلپاتې سولې لپاره ودریږئ.

د ښځو شبکې غړیو دا هم ویلي: مونږ باوري یو، چې د میرمنو په توګه تاسې د تلپاتې سولې او د ټولو لپاره د مساوي او برابرو حقونو په اړه زمونږ په غوښتنه کې زموږ سره واوسئ.

Continue Reading

Trending