Connect with us

تازه خبرونه

په ننګرهار کې د داعش جنګیالي تسلیم شوي

Ariana News

خپور شوی

 په

(Last Updated On: وږی ۱۱, ۱۳۹۷)

د ننګرهار ولایت مسوولین وايي؛ وروستۍ څرګندونې ښيي، چې د داعش په لیکو کې د ایران، ترکیې، ازبکستان، چیچنیا او پاکستان اتباع شته.

صدیق الله او سجاد نومي، چې د کوزې پښتونخوا اورکزي دي؛ له درې کالونو راپدیخوا د داعش د جنګیالیو په توګه د افغان حکومت پر ضد جنګیدل. دواړه میرمنې او لادونه لري او د یکشنبې پر ورځ حکومت ته تسلیم شوي دي.

د داعش تسلیم شوی جنګیالی صدیق الله وایي، د داعش جنګیالیو ته د دیورند له کرښې اخوا پوځي زدکړې ورکول کیږي؛ وسله او نور امکانات هم په پاکستان کې تر لاسه کوي.

نوموړي دا هم ویلي، چې په تېرو درې کلونو کې یې د مشرانو په امر ګڼ خلک په بېلابيلو بڼو وژلي دي؛ ځکه، چې د داعش جنګیالیو ته ټول افغانان کافر معرفي شوي؛ خو داسې نه ده.

سجاد او صدیق الله له خپلو میرمنو او درې بچیو سره ملي امنیت ته تسلیم شوي اوخپله وسله یې سرتېرو ته سپارلې ده.

دواړو یوځای شويو جنګیاليو څرګنده کړې، چې د داعش د عامه وژنې مفکورې تسلیمدو ته اړ کړل.

د ننګرهار والي ویاند عطاالله خوږیاڼی  وايي، وروستۍ موندنې ښيي، چې د داعش په لیکو کې ګڼ بهرني اتباع افغان ضد جګړې او هڅې تر سره کوي.

په ننګرهار کې چارواکو ويلي،  چې د عملیاتو له ډېرولو سره یې د داعش پر جنګیالیو کړۍ راتنګه شوې؛ ځکه، خو ډلې ډلې تسلیمیږي، چې څه موده وړاندې په فاریاب ولایت کې هم یوه ۲۰۰ کسیزه ډله حکومت ته تسلیمه شوې وه.

د یادونې ده، چې داعش د خپل مشر د وژنې په غبرګون کې د تازه بریدونو ګواښ کړی دی.

خبریال: رحمت الله زیارمل

تازه خبرونه

عبدالله عبدالله د سولې خبرو د پیاوړتیا لپاره پاکستان ته سفر کوي

Ariana News

خپور شوی

په

توسط

(Last Updated On: تله ۶, ۱۳۹۹)

ټاکل شوې، چې سبا د ملي پخلاینې عالي شورا د مشر عبدالله عبدالله په مشرۍ دوه پنځوس کسیز پلاوی د پاکستان پلازمېنې اسلام آباد ته سفر وکړي.

د ملي پخلاینې عالي شورا مشر د سپتمبر پر اته ویشتمه اسلام آباد ته ځي او ټاکل شوې، چې د خپلمنځي خبرو په اړه د پاکستان له لومړي وزیر عمران سره خبرې وکړي.

په پام کې ده، چې عبدالله عبدالله به د پاکستان له لوی درستیز سره د سولې خبرو پر پیاوړتیا هم وغږیږي.

ځينې د نظر خاوندانو ويلي، چې پاکستان کولی شي پر طالبان فشار راوړي او په خپلمنځی خبرو کې رامنځته شوې ستونزه حل کړي.

د ملي پخلاینې عالي شورا ویاند فریدون خوځون څرګنده کړې، چې له عبدالله عبدالله سره د هغه د دوه مرستیالانو په ګډون دوه پنځوس کسیز پلاوی هم ملتیا کوي.

د سولې په چارو کې د دولت وزیره فرخنده زهرا نادري، سید اسحاق ګیلاني، مصطفی مستور هم د دغه پلاوي غړي دي او محمد معصوم ستانکزی او محمد ناطقي به له قطر څخه په اسلام آباد کې له دغه پلاوي سره مل شي.

د نظر ځينې خاوندان په دې باور دي، چې که پاکستان پر طالبانو فشار راوړي؛ کیدای شي په خپلمنځي خبرو کې رامنځته شوې ستونزې حل شي.

دا په داسې حال کې ده، چې ولسمشر غني د شنبې پر ورځ له عمران سره په خبرو کې پر اوربند ټینګار کړی او هغه ته یې د کابل د سفر بلنه ورکړې او دا غوښتنه منل شوې ده.

Continue Reading

تازه خبرونه

څلیریشت کاله مخکې طالبانو کابل نیولی و

Ariana News

خپور شوی

په

توسط

(Last Updated On: تله ۶, ۱۳۹۹)

څلیریشت کاله مخکې د تلې پر شپږمه طالبانو کابل ونیوه او د برهان الدین رباني د حکومت له ماتولو وروسته یې پلازمېنه کابل ونیوه؛ سپین رپی یې پورته او امارتي نظام یې جوړ کړ.

طالبانو کابل ته له ننوتو سره سم پخوانی ولسمشر داکتر نجیب ځندۍ کړ او خلکو ته یې د خپل حکومت څرنګوالی په ډاګه کړ.

طالبانو پر ټنګ ټکور او نڅاوو بندیز ولګاوه او په نصاب کې یې د خلکو په وینا له خپلې روحیې سره جوړ دیني مضامین ځای پر ځای کړل.

نجونې د هغه وخت د شرایطو سره سم له ښوونځيو را وګرځول شوې او ښځو په دولتي ادارو کې د کار اجازه نه درلوده.

ځينې کسان، چې د هغه وخت خاطرې ور سره دي وايي، چې په جګړو کې وران شوي کابل د طالبانو له راتګ وروسته داسې بڼه غوړه کړه، چې ګواکي دلته ژوند په ټپه دریدلی او ساکښان ترې تښتیدلي وي.

د افغانستان د سولې کور غړې نګینه یاري د طالبانو د واکمنۍ پرمهال د څو کلونو وه؛ خو وایي، چې له هغه وخته ترخې خاطرې لري.

هغه وايي، چې اوس هم د طالبانو د امر باالمعروف د نوم په اوریدو د ډار احساس کوي.

له شل کلونو جګړو وروسته اوس له طالبانو سره د سولې خبرې روانې دي.

کابل ښاریان وايي، چې له جګړې ستړي دي او چمتو دي، چې طالبان ومني؛ خو پدې شرط، چې پخوانیو ظلمونو ته مخه نکړي.

طالبانو کابل ته د ننوتو د ورځې په مناسبت په خپل پیغام کې د تلې شپږمه د استقلال ورځ بللې او افغانانو ته یې مبارکي ویلې ده.

 طالبانو پېنځه کاله حکومت وکړ او د امریکا په مشرۍ د نړیوال ایئلاف په بریدونو کې یې واکمني ړنګه شوه؛ خو کرار کښینناستل او نولس کاله یې بیا جګړه وکړه.

له تېرو دوه اوونیو راپدیخوا په قطر کې د حکومت او طالبانو ترمنځ خبرو ته د اړیکو ټینګولو دمه ییزې خبرې روانې دي، چې څنګه کیدای شي، روانې جګړې ته د پای ټکی کیدي.

Continue Reading

تازه خبرونه

له افغانستان څخه د بهرنیو ځواکونو بېړني وتل معقول نه بریښي- عمران خان

Ariana News

خپور شوی

په

توسط

(Last Updated On: تله ۶, ۱۳۹۹)

د پاکستان لومړي وزیر عمران خان نیوکه کړې او خبرداری ورکوي، چې له افغانستان څخه د بهرنیو ځواکونو بېړني وتل نامعقول” دي؛ ځکه، چې سوله ییز افغانستان د سیمه ییزو ورانکارو په ګټه ندی.

په واشنګتن پوست کې د نوموړي د خپرې شوې لیکنې له مخې؛ اوس باید نړیواله ټولنه له جګړې وروسته د افغانستان لپاره پر نړیوالو مرستو کار وکړي.

هغه په ډاګه کړې: هغه چا، چې د افغانستان د سولې په بهیر کې پانګونه کړې؛ باید د بهرنیو ځواکونو د وتلو د ناسم مهالوېش له غوراوي سره خپل ټینګار څرګند کړي.

د پاکستان لومړي وزیر عمران خان لیکلي؛ له افغانستان څخه په بیړه د بهرنیو ځواکونو وتل معقول ندي. مونږ باید د سیمه ییزو ورانکارو پروړاندې هم ودریږو، چې په سوله کې پانګونه نکوي او په افغانستان کې بې ثباتي د خپلې سیاسي جفرافیې په ګټه بولي.

 نوموړي زیاته کړې، چې پاکستان به له ځان او ګاونډ هېوادونو سره په سوله کې د یو متحد، خپلواک او آزاد افغانستان په ترلاسه کولو کې له افغانانو ملاتړ روان وساتي؛ خو پاکستان په دې باور دی، چې د سولې خبرې باید له زور پرته تر سره شي. مونږ له ټولو خواوو غواړو، چې تاوتریخوالی راکم کړي.

هغه دا ټینګار هم کړی: لکه څنګه، چې د افغانستان حکومت طالبان د یو سیاسي واقعیت په توګه پېژني؛ نو تمه ده، چې طالبان به هم د افغانستان رامنځته شوي پرمختګونه په رسمیت وپېژني.

هغه څرګنده کړې: پاکستان هم د امریکا په څېر نه غواړي، چې افغانستان یو ځل بیا د ترهګرو لپاره خوندي پټنځای شي؛ پاکستان کې اوس هم په افغانستان کې د میشتو بهرنیو ترهګرو ډلو لخوا تر بریدونو لاندې دی.

د عمران خان د څرګندونو له مخې؛ دغه تروریستي ډلې د نړۍ سولې ته ښکاره ګواښ دی. مونږ هیله من یو، چې د افغانستان حکومت به په خپله خاوره کې د نادولتي سیمو د څارنې لپاره اړینې هڅې تر سره  او ترهګرې ډلې پرینږدي، چې د افغانستان او د پاکستان په ګډون د سیمې د نورو هېوادونو د خلکو او په کې د میشتو نړ یوالو ځواکو نو پر ضد بریدونه تر سره کړي.

عمران خان په ډاګه کړې: اوس د دې وخت رارسیدلی، چې له سولې وروسته پر پروګرامونو کار پیل شي؛ نړۍ څنګه کولی شي له جګړې وروسته په افغانستان کې له تلپاتې سولې سره مرسته وکړي؟ څنګه کولی شو، چې په پاکستان او نورو هېوادونو کې د میلیونونو افغان کډوالو لپاره هېواد ته د ستنیدو شرایط برابر کړو او په عزت او ویاړ سره بېرته خپل هېواد ته راستانه شي؟

هغه دا هم ورزیاته کړې د افغانانو ترمنځ خبرې اترې ستونزمنې دي؛ ټولې خواوې صبر او جوړجاړي ته اړتیا لري او پرمختګ هم شونی دی؛ خو ورو او له کړاوه به دک وي.

ښاغلي خان آینګارکړی: کیدی شي ان خنډونه هم وي؛ ځکه، چې افغانان د خپل راتلونکي لپاره په ګډه کار کوي. دا باید په یاد ولرو، چې د خبرو اترو د میز تر شا تم کیدل د جګړې په ډګرونو کې د وینو له توئیولو غوره دي.

Continue Reading
Advertisement

Trending