Connect with us

تازه خبرونه

په هېواد کې لوږه ۹ میلیون وګړي ګواښي

Ariana News

خپور شوی

 په

(Last Updated On: May 3, 2018)

چارواکو په ډاګه کړې، چې د افغانستان خلک له یوې خوا جګړې له رواني رنځ سره مخ کړي او له بلې خوا بېوزلي او لوږه یې ۹ میلیون کسان ګواښي.

اجرایي ریاست وايي، له یوې خوا خلک خوراکي خوندیتوب نه لري او له بلې خوا وچکالي راروانه ده، چې کولی شي د انسانانو تر څنګ څارویو ته هم زیان واړوي.

د اجرائیه ریاست د ویاند مرستیال جاوید فیصل وایي: مونږ د اجرائیه رییس په مشرۍ یوه کمیته جوړه کړې؛ د نړیوالو سازمانونو تر څنګ د دولت له ټولو ادارو سره په کې بحث کیږي، چې د وچکالۍ ستونزو ته د چمتوالي لپاره امکانات برابر شي.

اجرائیه ریاست وايي، د لوږې د ګواښ تر څنګ خوارځواکي هم په هېواد کې زیاته شوې، چې۳ نیم میلیون ماشومان دا مهال ترې رنځ وړي.

د ملګرو ملتونو سازمان هم په افغانستان کې له وچکالۍ څخه اندېښنه ښودلې او ویلي یې دي، چې له دې سره به خوارځواکي نوره زیاته شي.

د کرني، اوبو لګولو او مالدارۍ وزارت وايي، دا مهال ۱۵ ولایتونه د وچکالۍ له جدي ګواښ سره مخ دي.

د کرنې اوبو لګولو او مالدارۍ وزارت ویاند اکبر رستمي وایي: وچکالي په درې کټه ګوریو کې ارزول شوي، چې ۱۵ ولایتونه له جدي ګواښ سره مخ دي. دا، چې وچکالي پر مالدارۍ اغېز لري؛ نو مونږ د ځینو ولایتونو لپاره امکانات برابر کړي او پېنځه ولایتونه له ډېر جدي ګواښ سره مخ دي، چې هرات، بادغیس، غور، جوزجان او فاریاب دي.

اقتصادي کارپوه حسیب الله موحد وایي: د افغانستان زراعتي سکتور اقلیمي دی؛ که په هېواد کې واوره او باران ډېر ووریږي تولیدات به مو ښه وي او که نه وچکالي به وي او ترې بېلابېلې ستونزې را پورته کیږي.

حکومت وايي؛ تر دې مهاله یو شمېر ولایتونو ته خوراکي او د څارویو مواد رسیدلي او هڅه کیږي، چې نور امکانات هم ورته را جلب شي.

خبریال: خلیل الرحمن امید

تازه خبرونه

په خوست کې ۹ ساعته وسلوال برید د لس بریدګرو په وژل کیدو پای ته رسیدلی

Ariana News

خپور شوی

په

توسط

(Last Updated On: October 27, 2020)

په خوست ولایت کې د پولیسو ځانګړیو ځواکونو پر مرکز سهارني موتر بم برید له ۵ پولیسو ژوند اخیستی او د ۱۰ ملکي وګړیو په ګډون ۳۵ نور ټپیان دي.

 کورنیو چارو وزارت ویاند طارق آرین څرګنده کړې، چې نن سې شنبه سهار سهار مهال د خوست ولایت د ځانګړیو پولیسو مرکز ته نږدې موتر بم چاودنه او نښته رامنځته شوې ده.

نوموړي زیاته کړې، چې مرکز ته د بریدګرو د وردننه کیدو مخنیوی شوی دی.

اوس د خوست امنیتي چارواکو وروسته له ۹ ګړیو خبر ورکړ، چې برید د بریدګرو په وژل کیدو پای ته رسیدلی دی.

د خوست امنيه قومندان مل پاسوال غلام داود تره خېل ویلي؛ بريدګر لس کسان ول، چې درې کسانو یې ځانونو ته چاودنه ورکړې او اووه نور له افغان ځواکونو سره په جګړه کې ووژل شول.

 تره خېل زياتوي، چې په دې بريد کې د پوليسو د ځانګړې قطعې ۵ پولیس وژل شوي او د لس ملکي وګړی په ګډون ۲۵ نور ټپيان دي.

د خوست والي ویاند طالب منګل ویلي، چې په خوست کې د پولیسو د ځانګړي قطعې پر دیوال د موتر بم چاودنه شوې ده.

هغه زیاته کړه، چې امنیتي ځواکونو د پیښې ځای ته نږدې یو بل موتر بم  شنډ او له منځه وړی دی.

تر دې دمه د پېښې مسوولیت ته هیچا غاړه نده ایښې ا؛ خو امنیه قومندان داود یې پړه پر حقاني شبکې وراچوي، چې مشر یې د طالبانو مرستیال دی. 

Continue Reading

تازه خبرونه

په کابل کې له دوه چاودنو درې کسان وژل شوي او یوولس نور ټپیان دي

Ariana News

خپور شوی

په

توسط

(Last Updated On: October 27, 2020)

نن له غرمې وروسته د کابل ښار د لسمې حوزې د چهار قلای وزیرآباد په اړوند سیمه کې نښلیدونکي ماین چاودنې درې ملکي وګړي وژلي او لس نور ټپیان دي.

دغه راز پر موتر سایکل سپرو وسلوالو غلو د کابل ښار د درېیمې امنیتي حوزې د پل سرخ په اړوند سیمه کې له یوه صراف څخه درې میلیون او پېنځه سوه زره افغانۍ د خلکو په مخ کې چور کړې او صراف یې پر ډزو  ټپي کړ.

د سې شنبې له غرمې وروسته د کابل ښار د لسمې حوزې د چهار قلای وزیرآباد په سیمه کې د مقناطیسي ماین چاودنې درې تنه ووژل او لس نور ټپیان کړل. ټول وژل شوي او ټپیان ملکیان دي.

د کابل والي محمد یعقوب حیدري ویلي، که پولیس دې پېښې ته پاملرنه نه وي کړې، باید وپوښتل شي.

نږدې یوه اوونۍ کیږي، چې د ولسمشر لومړي مرستیال د کابل د امنیت ساتنې مسوولیت پر غاړه اخیستی  او د کابل په بېلابېلو سیمو کې یې تر څارنې لاندې کسانو انځورونه ځړولي او له خلکو غوښتنه شوې، چې له امنیتي ځواکونو سره د دوي په نیولو کې همکاري وکړي.

Continue Reading

تازه خبرونه

د ۲۰۲۰ کال په لومړیو ۹ میاشتو کې ۵۹۳۹ ملکي وګړي زیانمن شوي – یوناما

Ariana News

خپور شوی

په

توسط

(Last Updated On: October 27, 2020)

په افغانستان کې د ملګرو ملتونو مرستندویه پلاوي (یوناما)په یوه نوي راپور کې، چې د سې شنبې پر ورځ خپور شو په ډاګه شوي، چې د سږکال په لومړیو ۹ میاشتو کې د ملکي تلفاتو شمېر د تېر کال د ورته مودې په پرتله شاوخوا ۳۰ سلنه راټیټه شوې؛ خو دا، چې ملکي وګړیو ته په کې زیان اوښتی؛ غونی ځیږوونکې ده.

یوناما پخپل وروستي درې میاشتني راپور کې څرګنده کړې؛ د جنورۍ له لومړۍ د سپتمبر ۲۰۲۰ پورې ۵۹۳۹ ملکي وګړي ځاني زیانم شوي؛ ۲۱۱۷ وژل شوي او ۳۸۲۲ نور ترې ټپیان دي.

یاد مامریت په خپل وروستي راپور کې ښيي: د تاوتریخوالي لوړې کچې پر ملکي وګړیو ویجاړونکې اغېزې کړي او افغانستان د نړۍ ترټولو وژونکې سیمه پاتې شوې ده.

یوناما ویلي؛ پداسې حال کې، چې د ملکي تلفاتو شمېر د ۲۰۱۲ کال په لومړیو نهو میاشتو کې ترټولو ټیټه ده، خو ملکي وګړیو ته زیان رسول ټکان ورکوونکی پاتې دی.

یوناما یوځل بیا د جګړو له اړخونو، چې تاوتریخوالی پای ته ورسوي. دوی ویل، چې ښکېلې خواوې کولی شي د تاوتریخوالي کچه ډېره راټیټه او د ملکي زیانونو مخه ونیسي.

 یوناما په ګوته کړې؛ د ملکي تلفاتو په مستند شمېر کې کوم کمښت ندی راغلی، چې د سولې په اوسنيو خبرو کې د ښکیلو خواوو له امله رامنځته شوي؛ ځکه، چې په سپتمبر کې یې د افغانانو ترمنځ خبرې پیل شوې دي.

یوناما په هلمند کې د جګړې د شدت په اړه خپله اندېښنه راپورته کوي او وایي؛ په ننګرهار، لغمان او غور کې بریدونه شوي او په تخار کې هوایی برید  او یو ځانمرګي برید، چې د کابل د کوثر ښوونیز مرکز زدکوونکیو تر سره شوي، چې په دغو بریدونو کې له ۴۰۰ ډېر ملکیان مړه او ټپیان دي.

په دغه برید کې، چې د کوثر ښوونځي پر زدکوونکیو تر سره شوی ۳۰ زدکوونکې وژل شوي او ۷۰ نور ټپیان دي.

د دغه برید ډېري قربانیان هغه ردکوونکي دی، چې له اطرافي سیمو د کانکور آزموینې لپاره یې زدکړې تر سره کولې.

د یوناما راپور ښيي، چې د تېرو ۹ میاشتو د زیانونو ۳۱ سلنه ماشومان او ۱۳ سلنه ښځې دي.

په دې راپور کې د ۵۸ سلنې ملکي تلفاتو پړه پر وسلوالو مخالفانو اچول شوې ده.

دغه راپور په تېرو ۶ میاشتو کې د طالبانو لخوا د مرګ و ژوبلې ډېروالی ښيي؛ خو د دوی لخوا اوس د ملکي تلفاتو په رامنځته کولو کې ۳۲ سلنه لږوالی راغلی دی.

په دې ګزارش کې راغلي؛ ملکي زیانونه په ناپېژاندو بریدونو کې زیاتوالی ښيي؛ خو د داعش په بریدونو کې کموالی راغلی دی.

ملګرو ملتونو د ۲۸ سلنې ځاني زیانونو پړه پر دولت پلوه ځواکونو اچوي، چې د تلفاتو په کچه کې یې ۳۴ سلنه کموالی راغلی دی.

د دغه راپور په پای کې ملګرو ملتونو ویلي؛ چې د حکومتي ځواکونو پر هوایي بریدونو د ملکي وګړیو په ځاني زیانونو کې ۷۰ سلنه ډېروالی راغلی دی.

  دا په داسې حال کې ده، چې لږ تر لږه په ۲۰ ولایتونو کې د حکومتي ځواکونو او طالبانو تر منځ جګړه روانه ده، چې عام وګړي په کې زیانمن کیږي او طالبانو د یوناما راپور ته په نغوته کې ویلي، چې د یوناما خپور شوی راپور د حکومتي سرچینو له معلوماتو  جوړ شوی، چې رښتینې بڼه نلري او  ځاني زیانونه د حکومتي ځواکونو په هوایي او ځمکنیو بریدونو کې ډېر رامنځته شوي دي.

Continue Reading
Advertisement

Trending