Connect with us

سیمه ییز خبرونه

په پکتیکا کې د وسلوالو طالبانو پر یوه مرکز هوایي برید شوی

Avatar

خپور شوی

 په

(Last Updated On: غویی ۲۱, ۱۳۹۸)

امنیتي چارواکو څرګنده کړې، چې د پکتيکا په برمل ولسوالۍ کې د هوايي بريد په ترڅ کې د يوه سرګروپ په ګډون لس وسلوال طالبان وژل شوي.

 د پکتیکا د امنیه قومنداني ویاند شاه محمد آرین آریانانیوز ته ویلي، چې یاد برید د برمل ولسوالۍ په منګړیتۍ نومې سیمه کې بې پیلوته الوتکې کړی، چې په کې د یوه سرګروپ په ګډون لس وسلوال طالبان وژل شوي دي.

آرین زیاته کړې، چې برید د وسلوالو طالبانو پر مرکز تر سره شوی، چې په کې شته وسله او مهمات هم له منځه تللي دي.

په وژل شویو طالبانو کې د هغوی یو تن سرګروپ، چې سنګري یادیده هم شته.

د یادونې ده، چې په دغه هوایي برید کې ملکي وګړیو ته کوم مالي او ځاني زیان ندی اوښتی.

 وسلوالو طالبانو تر اوسه د یاد برید په اړه څه ندي ویلي.

خبریال: فریدالله احمدزی

تازه خبرونه

د ایراني پوځیانو لخوا اوبو ته په اچول شويو کسانو کې ماشومان هم ول

Avatar

خپور شوی

په

توسط

(Last Updated On: غبرګولى ۸, ۱۳۹۹)

تازه موندنې ښيي چې د ایراني سرحدي پوځیانو لخوا د هریرود سیند ته د غورځول شوو افغانانو په جمع کې ماشومان هم شامل ول.

په هرات کې د هغو کسانو کورنیو له ایران سره په پوله کې د ایراني پوځیانو له خوا سیند ته د غورځول شویو کسانو د پوره څېړنې غوښتنه کړې او د بشري حقونو خپلواک کمیسیون هم څرګنده کړې، چې په دې پیښه کې څو ماشومان هم مړه شوي دي.

د ایران په خاوره کې سیند ته د افغان مسافرو د غورځیدلو په اړه د هرات د محلي چارواکو څلورم کنفرانس جوړ  شو؛ خو د څیړنو پایلې اوس هم روښانه شوې ندي.

 د هرات والي سید وحید قتالي ویلي، چې د څېړنې پایله به د بهرنیو چارو وزارت لخوا اعلان شي. په داسې حال کې، چې د دغې پېښې د قربانیانو کورنۍ د پېښې اصلي عاملین ایراني پوځیان بولي.

د بشري حقونو خپلواک کمسیون مرستیال نعیم نظري ټینګار کړی، چې په دې پېښه کې ۱۰ کسانو ژوند له لاسه ورکړی، ۱۵ کسان تريتم او ۲۱ نور ژغورل شوي دي.

د یاد کمیسیون د څرګندونې له مخې؛ په دې پېښه کې څو دولس کلن ماشومان هم سیند ته غورځول شوي او مړه شوي دي.

د پېښې د قربانیانو د کورنیو استازی مولوي جان محمد وایي؛ دولت تراوسه ندی توانیدلی، چې د پېښې عاملین پر ایراني چارواکو ایراني پوځیان ومني.

هغه زیاته کړې، چې دولت باید د څيړنو پایلې ژر اعلان کړي.

که څه هم دا پېښه له ملي او نړیوالو غبرګونونو سره مخ شوې او ولسمشر یې د جدي څېړنې لارښوونه هم وکړه؛ خو د نږدې یوې میاشتې له تېریدو تراوسه د دغې څېړنې پایلې اعلان شوې ندي.

Continue Reading

تازه خبرونه

د طالبانو برید کې ۷ تنه سیمه ییز عسکر ووژل شول – پروان

Avatar

خپور شوی

په

توسط

(Last Updated On: غبرګولى ۸, ۱۳۹۹)

د سرچینې په وینا، وسلوالو طالبانو پروان ولایت کې د اردو پر یوې پوستې برید کړی او لږترلږه ۷ تنه ځایي عسکر یې وژلي دي.

دا پیښه د چهار شنبې پر شپه د پروان په سیاګرد ولسوالۍ کې رامنځته شوې ده.

یوې سیمه ییزې امنیتی سرچینې د نوم د نه ښودلو په شرط آریانا نیوز ته وویل چې وسلوالو د یادې ولسوالۍ د سرجوئی دختر په کلي کې په یوې پوستې برید وکړ.

سرچینه زیاتوي چې طالبانو دغه پوسته نیولې او په داسې حال کې چې پنځه افغان سرتیري دننه په کې ول، هغه یې سوځولی ده.

معلومات زیاتوي چې طالبانو دوه سرتیري په ډزو وژلي او دوه نور یې ژوندي نیولي دي.

خو طالبانو تر دې دمه په دې اړه څه نه دي ویلي.

Continue Reading

تازه خبرونه

د محرقې خوریدا چې کرونا رنځ ته ورته نښې لري اندیښنې راپارولي

Avatar

خپور شوی

په

توسط

(Last Updated On: غبرګولى ۷, ۱۳۹۹)

 د محرقې په نوم یوه موسمي ناروغۍ چې کرونا ته ورته نښې لري د خلکو او د روغتیايي چارواکو د اندیښنې لامل ګرځیدلې.

په داسې حال کې چې کووید-۱۹ ناروغي په چټکتیا سره خپریدو په حال کې ده، خلک یوې بلې ناروغۍ اندیښمن کړي چې د کرونا په شڅیر نښې نښانې لري او په یو شمېر ولایتونو کې په خلکو کې خپره شوې ده.

په ننګرهار کې د آریانا نیوز خبریال وایي دا ناروغي د ډاکټرانو په وینا له محرقې سره ډېر ورته والی لري او ښایي یوه داسې ناروغي وي چې په اوړي کې ډېره شي.

 ویل کیږي په کابل او هلمند کې هم محرقه په خلکو کې خپره شوې ده، خو په هلمند کې ډاکټران وایي دا محرقه نه بلکې هماغه د کرونا ویروس دی.

د دی ترڅنګ، د عامې روغتیا وزارت د  نورو موسمي ناروغیو د خپریدو په اړه هم اندیښنه لري چې کرونا ته ورته نښې لري. وحید مجروح، د عامې روغتیا وزارت مرستیال، وایي ننګرهار ته یې پلاوی استولی چې دا موضوع له نیژدې وڅيړي.

د روغتیا نړیوال سازمان هم له دې مخکې خبرداری ورکړی و چې په کرونا ویروس ډېر تمرکز به د یو شمېر نورو ناروغیو د ودې لامل و ګرځي.

Continue Reading

Trending