تازه خبرونه
په لغمان کې ماین چاودنې ۱۰ کسانو ته مرګ و ژوبله اړولې

سیمه ییزو چارواکو ویلي، چې د لغمان ولایت په دولت شاه ولسوالۍ کې ماین چاودنې درې ملکي وګړي وژلي او اووه نور ټپیان دی.
د لغمان والي ویاند اسدالله دولت زي څرګنده کړې، چې د دوشنبې پر ورځ( د مرغومي ۲) سهار مهال د یو قومي مشر د جنازې په مراسیمو کې ماین چاودنه شوې ده.
ښاغلي دولت زي زیاته کړې، چې دغه چاودنه له ځای پر ځای شوي ماین څخه رامنځته شوې، چې ټول قربانیان یې ملکي وګړي دي.
ویل کیږي، چې ټپیان مرکزي روغتون ته لیږدول شوي دي.
تر دې دمه د دغې چاودنې مسوولیت چا ندی منلی.
لغمان د هېواد په ختیځ کې یو له ناامنه ولایتونو څخه دی، چې وسلوال طالبان یې په لیرې پرتو سیمو کې پراخ شتون لري.
تازه خبرونه
قطري چارواکو د سترې محکمې د دوه قاضيانو وژنه وغندله

د قطر بهرنیو چارو وزیر په کابل کې د سترې محکمې پر موټر د ناڅرګندو وسلوالو برید، چې د دوه ښځینه قاضیانو په ګډون یې پېنځه کسانو ته مرګ و ژوبله اړولې؛ په کلکه وغانده.
د یکشنبې پر شپه د قطر بهرنیو چارو وزارت په یوه خپره شوې خبرپاڼه کې د انګېرنې او لاملونو له په پام کې نیولو پرته د تاوتریخوالي او تروریزم پر وړاندې خپل کلک دریځ په ډاګه کړ.
قطر نه یوازې د افغانانو د خپلمنځي خبرو په کوربتوب کې غوره هڅې تر سره کړي، بلکې د اړتیا پر وخت د منځګړیتوب ټټر یې هم وهلی دی.
د قطر چارواکو د قربانیانو کورنیو او د افغانستان خلکو ته خپله خواشیني هم وړاندې کړې ده.
د سترې محکمې دوه قاضیانې د یکشنبې پر سهار دندې ته پر لار ناڅرګندو وسلوال پر ډزو وژل شوي، چې د دوی د یو لاروي په ګډون یې درې نور کسان ټپيان کړي دي.
موخه ییزو وژنو په پلازمېنه کابل کې د وېرې کچه لوړه کړې ده. په دې بریدونو کې حکومتي چارواکي ، د مدني ټولنې مخکښان او خبریالان په نښه کیږي، چې د سولې خبرو د دوه یم پړاو له پیلېدو راپدیخوا ډېر شوي دي.
تر دې دمه هیچا د دې وژنو مسوولیت پرغاړه ندی اخیستی؛ خو یو شمېر حکومتي چارواکو یې پړه پر طالبانو اچولې ده.
دا په داسې حال کې ده، چې د یکشنبې پر ورځ ولسمشر اشرف غني یو ځل بیا پر ملکي وګړیو بریدونه وغندل او څرګنده یې کړه، چې ترهګري، وحشت او جرم د افغانستان د ستونزې حل ندی او له طالبانو یې وغوښتل، چې تلپاتې اوربند ومني.
تازه خبرونه
په دوحه کې د سولې خبرو پر ګړندي کیدو عبدالله خپل ټینګار څرګند کړ

د ملي پخلاینې عالي شورا مشر ډاکټرعبدالله عبدالله په دوحه کې د سولې خبرو د ګړندي کولو پر اړتیا ټینګار وکړ.
عبدالله عبدالله ویلي، چې د افغانستان د خپلمنځي خبرو جمهوریت پلوی پلاوي هوډمن او واک لرونکی دی، له اجنډا سره سم پر ېلابېلو مسایلو له طالبانو سره خبرې وکړي.
عبدالله زیاته کړې: یو له هغه مقرراتو څخه، چې زمونږ د خبرو اترو ډله پرې ټینګار کوي؛ هغه د خبرو د ګړندي کولو لپاره د هرڅه ترسره کول دي.
د ملي پخلاینې عالي شورا مشر اوربند له طالبانو سره د جمهوريت پلوي پلاوي د خبرو لومړۍ بحث بولي.
د نوموړي د څرګندونو له مخې، د افغانستان بهرني متحدین هم د دې نظر پلویان دي.
هغه ټینګار کوي: تر کومه ځایه، چې مونږ پورې اړه لري؛ هر اړخیزې سولې ته رسېدل، د تېرو۲۰ کلونو لاسته راوړنې زمونږ د خلکو د سرښندنو پایله ده او همدا اصل زمونږ د خبرو اترو د ډلې لارښوونه کوي.
عبدالله عبدالله په دې اند دی، چې سیمه ییزه او نړیواله اجماع د سولې لپاره د افغانستان یوه اړتیا ده؛ ځکه ، نو د سیمه ییزې او نړیوالې همکارۍ راجلبولو لپاره هڅې روانې دي.
که څه هم د دوحې د خبرو له پیل څخه دوه اوونۍ تېریږي، خو جمهوريت غوښتونکیو او طالب استازیو تر دې دمه د خبرو لپاره پر ګډه اجنډا هوکړه نده کړې.
تازه خبرونه
Zerbena: Interview with Nizamudin Khpalwak about the completion of Kamal Khan and Shorabak dam projects

-
تازه خبرونه 4 ورځې مخکې
حکومت باید له طالبانو سره روغه جوړه وکړي – زاخېلوال
-
تازه خبرونه 2 ورځې مخکې
د افغانستان او ترکمنستان ترمنځ د نوري فایبر په ګډون درې پروژې پرانیستل شوې
-
تازه خبرونه 5 ورځې مخکې
حکومت د نوي مالي کال د بودجې منل پر ولسي جرګې تحمیلوي – د ولسي جرګې غړي
-
تازه خبرونه 2 ورځې مخکې
د طالبانو بې پیلوټه الوتکو پر پامیر ۲۱۷ قول اردو بمونه غورزولي
-
تازه خبرونه 4 ورځې مخکې
امنیتي ځواکونو په کندهار کې ۳۶ وسلوال طالبان وژلي
-
تازه خبرونه 4 ورځې مخکې
په سیمه کې د سولې لپاره د کابل او تهران همکارۍ ته اړتیا ده – کریم خلیلي
-
تازه خبرونه 3 ورځې مخکې
د امریکايي سرتېرو له وتو وروسته طالبان د حکومت نیولو هڅه کوي- حمدالله محب
-
تازه خبرونه 2 ورځې مخکې
د کمال خان او شورابک بندونو ودانیزې چارې بشپړې شوې