Connect with us

بلخ @ps

په پروان او کابل ولایتونو کې ځانمرګو بریدونو مرګ و ژوبله رامنځته کړې

Avatar

خپور شوی

 په

(Last Updated On: وږی ۲۶, ۱۳۹۸)

په پروان ولایت کې د سې شنبې پر ورځ ( د وږي ۲۶) له غرمې مخکې ۱۱:۴۰ د ولسمشریزو ټاکنو د نوماند اشرف غني ټاکنیز کمپاین ته نږدې د موترسایکل پر مټ ځانمرګی برید رامنځته شوی، چې په کې۶۸ کسانو ته مرګ و ژوبله اوښتې ده.

سیمه ییزو چارواکو ویلي، چې پر موترسایکل سپور برید کوونکي خپل چاودیدونکي توکي د دغه ولایت د پولیسو ښوونیز مرکز په لومړي قراول کې هغه مهال وچول، چې د اشرف غني د ټاکنیز کمپاین ګډونکوونکي یاد مرکز ته وردننه کیدل.

نوموړی پروان ولایت ته په پوځي چورلکو کې د ټاکنیز کمپاین لپاره تلی و. که څه هم د دولت جوړونکې ټاکنیزې ډلې ټاکنیز کمپاین تر څېرمه ځانمرګی برید وشو، ملکیانو او پوځیانو ته یې تلفات واړول؛ خو غني د دې پېښې یادونه هم ونکړه او خپل ټاکنیز کمپاین یې روان وساته.

د پروان ولایت د ملکي روغتون مشر قاسم سنګین د څرګندونو له مخې؛ په دې پېښه کې د ۴ سرتېرو په ګډون ۲۶ ملکي وګړي وژل شوي او ۴۲ نور ټپیان دي، چې د ۱۱ کسانو روغتیایي حالت د اندېښنې وړ دی.

کورنیو چارو وزارت هم دغه ځاني زیان منلی دی.

د پروان والي ویاند شاه ولي شاهد ویلي، چې د پېښې ډېر قربانیان ملکي روغتون ته لیږدول شوي او ټول ولس د خپلو خواخوږ په لټه کې دی.

د نوموړي د څرګندونو له مخې؛ د ۱۱ ټپیانو روغتیایي حالت د اندېښنې وړ دی.

د پروان خلکو ویلي؛ سره له دې، چې بشپړ امنیتي تدابیر نیول شوي وه؛ نه پوهیږو ، چې برید کوونکي څنګه ځان دغې ټاکنیزې ناستې ته ورساوه.

دغه راز په کابل کې هم د سې شنبې پر ورځ( د وږي ۲۶) له غرمې وروسته د ملي دفاع وزارت د پېژنتون ریاست دروازې په مخکې یوه ځانمرګي خپل چاودیدونکي توکي والوځول.

د پېښې لیدونکي وایي، برید هغه مهال د خلکو په منځ کې رامنځته شو، چې ګڼ خلک د پېژنتون ریاست مخې ته دریدلي وه.

د دوي په وینا، د دې برید تلفات ډېردي، چې په کې ملکي افراد هم شته. که څه هم له پېښې څو ساعتونه تېر شوي؛ خو امنیتي بنسټونه د تلفاتو په اړه څه نه وایي.

موخه پوځي مرکز و؛ خو ملکي تاسیسات لکه دوکانونه او امنیتي بنسټونه هم زیانمن شوي دي.

طالبانو ویلي، چې په پروان او کابل کې یې ځانمرګي بریدونه تر سره کړي، چې په ګنو سرتېرو ته مرګ و ژوبله اوښتې ده.

د یادونې ده، چې د کابل له پېښې څو ساعته وروسته کورنیو چارو وزارت په ډاګه کړې، چې نن له غرمې وروسته یوه بجه یو ځانمرګي مسعود څلورلاري ته نږدې پر عام سړک ځان ته چاودنه ورکړې، چې په کې د ۶ سرتېرو په ګډون ۲۲ عام وګړي وژل شوي او ۳۸ نور ټپیان دي.

بلخ @ps

د اختر لمونځونه دې له روغتیايي سپارښتنو سره سم ادا شي- عالمان

Avatar

خپور شوی

په

توسط

(Last Updated On: غبرګولى ۳, ۱۳۹۹)

د بغلان ولایت دیني عالمانو له هېوادوالو غوښتي، چې د اختر لمونځونه دې د حج او اوقافو او عامې روغتیا وزارتونو له سپارښتنو سره سم ادا او تر سره شي.

د بغلان ولایت د حج او اوقافو ریاست چارواکي او دیني عالمان له عامې روغتیا وزارت سره د همغږۍ له مخې په هېواد کې د کروناویروس پر خوریدو اندېښنه ښیي او غواړي، چې هېوادوال د اختر لمونځونه له روغتیایي سپارښتنو سره سم ادا کړي.

دوی په یو پرېکړه لیک کې د جوماتونو له ملاامامانو هم غوښتي، چې تبلیغ او خطبې دې د سولې په اړه رالنډې او له کرونا ویروس څخه د خلاصون پر لارو چارو را وڅرخوي.

دیني عالمانو له کرونا ویروس سره د مبارې په موخه وقایوي ګامونه پورته کړي او د هغو جوماتونو ضد عفوني پیل شوي، چې د اختر لمونځ پکې ترسره کیږي. دغه راز سپارښتنې کوي، چې لمونځ دې په پرانستي ځای کې ادا،  واټن او ماسک کارول دې مراعت شي.

د بغلان د حج او اوقافو ریاست مشر نقیب الله سجاد ویلي، چې پر کرونا ویروس اخته او شکمن کسان دې د جماعت لمانځه ته نه راځي او خپل لمونځونه دې په کورونو کې کوي.

دغه راز د بغلان امنیه قومندان محمد ویس صمیمي هم په اختر کې د جوماتونو، ښار او لویو لارو د خوندیتوب ډاډ څرګند کړی دی.

د بغلان دیني عالمانو د هیواد له اوسیدونکو څخه وغوښتل، چې اختر له خپلو کورنیو سره ولمانځي اوله کورونا ویروس سره مبارزه پوره مبارزه وکړي او د خوریدو مخه یې ونیسي؛ له ګډط ناستې، ښکلولو، غېږ کې نیولو او روغبړ څخه دې ډډه وکړي.

Continue Reading

بلخ @ps

په بلخ کې په مشروطه توګه ښاري محدودیتونه لیرې شول

Avatar

خپور شوی

په

توسط

(Last Updated On: غویی ۲۱, ۱۳۹۹)

په بلخ کې له کرونا ویروس سره د مبارزې کمیسیون سر له ننه / د غویی ۲۱ په مشروطه توګه ښاري محدودیتونه لیرې کړل.

له هوټلونو پرته نور ټول اصناف سر له ننه کولی شي ښاري هڅې تر سره کړي؛ خو د کار او هڅو پر مهال دې روغتیایي اصولو ته پاملرنه ولري.

یو شمېر هېواد والو په داسې حال کې، چې دا ویروس مخ په پراختیا دی؛ دا راز پرېکړه زیانمنه بولي.

په داسې حال کې، چې له تېرو ۲۴ ګړیو راپدیخوا په بلخ کې ۴۳ مثبتې پېښې ثبت شوي او په دې ولایت کې د دې ویروس ټول شمېر ۳۰۰ ته رسیدلی دی.

Continue Reading

بلخ @ps

په هېواد کې سیلابونو ۷۰۰۰ کورنۍ زیانمنې کړي

Avatar

خپور شوی

په

توسط

(Last Updated On: غویی ۱۸, ۱۳۹۹)

د هېواد په یو شمېر ولایتونو کې د ویجاړوونکیو سیلابونو د راوتلو له کبله اووه زره کورنۍ زیانمنې شوې دي.

طبیعي پېښو ته د لاسرسي په چارو کې د دولت وزارت څرګنده کړې، چې د هېواد په ۲۵ ولایتونو کې د زورورو اورښتونو له کبله ۷۰۰۰ کورنۍ زیانمنې شوې دي.

د دغه بنسټ د څرګندونو له مخې؛ په یو شمېر ولایتونو کې دغو سیلابونو د مالي زیان تر څنګ ځاني زیانونه هم اړولي دي.

د یاد وزارت ویاند احمد تمیم عظیمي زیاته کړې، چې له ۶۰۰۰ بې ځایه شویو کورنیو سره د لومړنیو توکو مرسته تر سره شوې او له هغو کورنیو سره، چې کورونه یې بشپړ ویجاړ شوي؛ د نغدو پیسو مرسته شوې ده.

دغه راز د سمنګان ولایت په دوه ولسوالیو کې د سیلابونو له کبله ۱۰۰۰ کورنۍ بې ځایه شوي او سلګونه حیوانات له منځه تلي دي.

د سمنګان والي عبداللطیف ابراهیمي ویلي، چې اوس هم د دې ولایت په ځینو سیمو کې د سیلابونو د راوتلو وېره شته دی.

له دې سره همهاله په تېرو درې ورځو کې د هلمند ولایت د ګرشک، ګرمسیر، نادعلي او ناوه ولسوالیو سلګونه کورنۍ د سیلابونو له کبله بې ځایه شوي دي.

دغه راز په غور ولایت کې هم د سیلابونو له کبله سلګونه هکتاره کرنیزه ځمکه دغو وختي سیلابونو ویجاړه کړې ده.

Continue Reading

Trending