Connect with us

تازه خبرونه

په کابل کې د هوايي ځواکونو یو پيلوټ د انسان تښتوونکیو له منګولو وژغورل شو

Ariana News

خپور شوی

 په

(Last Updated On: April 1, 2020)

د کابل ښار د لسمې امنیتي حوزې اړوند په قلعه فتح الله سیمه کې دوه کسان د یوه کس د تښتونې پر مهال نیول شوي دي.
دوی غوښتل د وسلو او همر ډوله موټر پر کارولو د کابل ښار د درېیمې امنیتي حوزې په اړوند پرتو سیمو کې د هوايي ځواکونو یو پيلوټ وتښتوي، چې د پولیسو د پر وخت او چټکو هڅو په پایله کې نیول شوي دي.
له دې کسانو څخه یو همر موټر، یو میل کلاشینکوف، درې شاجورونه او یو څه نشه يي څښاک د پولیسو لاسته ورغلي دي.
د نیول شویو کسانو دوسیې د پولیسو تر څېړنو لاندې دي.

تازه خبرونه

طالبانو د بغلان ولایت بورکه ولسوالي ونیوله

Ariana News

خپور شوی

په

توسط

(Last Updated On: May 5, 2021)

د بغلان وړلایت سیمه ییزو چارواکو ویلي، چې امنیتي او دفاعي ځواکونه په تکتیکي بڼه له دې ولسوالۍ شاتګ کړی؛ خو خلکو پرې نیوکې کړ دي.

د بغلان د بورکې ولسوالي د چارشنبې پر سهار( د غویی ۱۵) د طالبانو تر بشپړې څارنې لاندې راغله. په دې ولایت کې پوځي او ملکي مسوولینو په یوه پوځي ناسته کې پرېکړه وکړه، چې له دې ولسوالۍ ووځي او لس بجې دا کار ترسره شو.

د بغلان د پولیسو ویاند احمد جاوید بشارت ویلي؛ حکومتي ځواکونو د نهرین ولسوالۍ تاوشخ غاښي ته شاتګ کړی دی.

د بغلان مرستیال والي ذبیح الله احساس ویلي؛ دا شاتګ تکتیکي دی او بېرته به دا ولسوالۍ ونیول شي.
د بغلان خلګ تاوتریخوالی او د ملکي او پوځي تلفاتو ډېروالی د اندېښنې وړ بولي د جګړې په ډګرونو کې د حکومت دغه تکتیک غندي.
طالبانو ویلي، چې بورکه ولسوالۍ یې له جګړې پرته نیولې ده.
Continue Reading

تازه خبرونه

هند او اروپايي ټولنه په افغانستان کې د بیړني اوربند غوښتونکي شول

Ariana News

خپور شوی

په

توسط

(Last Updated On: May 5, 2021)

اروپایي ټولنې او هند دواړو په افغانستان کې د سمدستي اوربند غوښتنه کړې او څرګندوي، چې د معنادارې سولې د رامنځته کولو لپاره له شرط  پرته د جګړې درول اړین دي.

په لندن کې د جي-۷ هېوادونو دغونډې په څنډه کې د اروپايي اتحادیې د بهرنیو چارو د وزیر جوزپ بوریل او د هند د بهرنیو چارو وزیر سوبراهمنیم جیشنکر په یوه ګډه اعلامیه کې ویلي، چې د سولې یو بریالی بهیر ښه باور، سیاسي حل، ډاډمنې ژمنې او د طالبانو ښکیلتیا ته اړتیا لري. دواړو لوریو د دې ډاډ په تکرارولو ټینګار وکړ، چې د افغانستان خاوره باید د ترهګرو ډلو لخوا د هند او اروپايي اتحادیې امنیت ته د ګواښ په توګه ونه کارول شي.

دواړو لوریو په کلکو ټکو کې د ټولو تروریستي هڅو غندنه کړې او د ترورېزم د تمویل، زیربناوو او د دوی د افراطي بڼو پر له منځه وړلو یې ټینګار وکړ او وایي، چې افغانستان به بیا هیڅکله د نړیوال تروریزم لپاره امن ځای نه وي.

د دواړو خواوو د ډیموکراسۍ، آزادۍ، د قانون حاکمیت او بشر حقونو ته د درناوی پر بنسټ د بین الافغاني او سیمه ییزو مسلو په اړه همکارۍ ته ژمنتیا څرګنده کړه او د افغانستان له سولې، امنیت، په ځان بسیاینې او هوساینې یې ملاتړ وکړ.

دوی د افغانستان د ملي حاکمیت او ځمکني بشپړتیا د درناوي او ساتنې غوښتنه کوي او د افغانانو پر مشرتابه او مالکیت د سولې بهیره روان ساتل غواړي.

هغو په دې اړه ویلي، چې په افغانستان کې هر ډول سیاسي جوړجاړی باید د ښځو، ځوانانو او لږه کیو په ګډون د ټولو افغانانو بشري حقونو او اساسي آزادیو ساتنه وکړي او دغه سیاسي حل باید اقتصادي، ټولنیزې، سیاسي او پرمختیايي لاسته راوړنو ته په نغوته کې باید ډیموکراټیک بنسټ ولري.

بوریل او جیشنکر ټینګار کړی، چې له افغانستان سره نړیوالې مرستې د سولې او جوړجاړی له پایلې سره تړلې دي.

دوی د افغانستان د ملي ځواکونو او ملکي وګړیو پروړاندې تاوتریخوالی او موخه ییزې وژنې د نه منلو وړ بولي او غندنه یې کوي.

د هندي او اروپایي استازیو په څرګندونو کې راغلي، چې په افغانستان کې امنیت په سیمه ییزه کچه د سیمې له امنیت سره تړلی دی.

دوی د افغانستان له ګاونډ هېوادونو او سیمه ییزو شریکانو غوښتي، چې سولې او ثبات ته د رسېدو لپاره له افغانستان سره مرسته وکړي.

Continue Reading

تازه خبرونه

امریکا له افغانستان خپل یوشمېر پوځي تجهیزات ایستلي دي

Ariana News

خپور شوی

په

توسط

(Last Updated On: May 5, 2021)

امریکايي چارواکو ویلي، چې د امریکا له پوځي تجهیزاتو څخه ډکې ۶۰ الوتکې له افغانستان څخه وتلي او د راتلونکې سې شنبې پر ورځ به ۱۳۰۰ نور اړوند تجهیزات ویجاړ شي.

د امریکا مرکزي قومندانۍ په ډاګه کړې: له افغانستان څخه به د امریکایي ځواکونو او تجهیزاتو ایستلو هڅې تر راتلونکې سې شنبې پورې له دوه څخه تر شپږ سلنې بشپړې شي.

دې ورځپاڼې د امریکایي چارواکو د څرګندونو له مخې په ډاګه کړې؛ باروړونکې جیټ الوتکې (سي – ۱۷) چې کولی شي ۱۷۹۰۰ پونډه توکي ولېږدوي، له افغانستان څخه پر لېږدولو اخته دي.

د امریکا مرکزي قومندانۍ زیاته کړې، چې د ځواکونو او تجهیزاتو د ایستلو په اړه امنیتي معلومات امنیتي شرایطو ته په کتو اټکلي وړاندې کیږي.

دې قومندانۍ منلې، چې په هلمند ولایت کې یوه پوځي اډه افغان ځواکونو ته سپارل شوې ده.

راپور دا هم په ډاګه کړې، چې امریکا به یو شمېر پوځي تجهیزات افغان ځواکونو ته وسپاري او ځینې به یې د پوځي عملیاتو لپاره نورو هېوادونو ته واستوي.

په امریکا کې یوې پوځي ورځپاڼې خبر ورکړی، چې له افغانستان څخه د امریکايي ځواکونو د وتلو بهیر د امریکا د ولسمشر جوبایډن پر سپارښتنه پیل شوي او د سپټمبر تر ۱۱ به بشپړ شي.

Continue Reading

Trending

آریانا نیوز: ټول حقونه خوندي دي