Connect with us

تازه خبرونه

په کابل کې د طالبانو د استخباراتو یو بل مسوول هم ونیول شو

Ariana News

خپور شوی

 په

(Last Updated On: غویی ۱۰, ۱۳۹۸)

امنیتي ځواکونو په کابل ښار کې د طالبانو د استخباراتو یو بل مسوول هم نیولی دی.

کورنیو چارو وزارت په ډاګه کړې، چې د پولیسو ځانګړیو ځواکونو تېره شپه د پېنځمې ناحیې د کوته سنګي په اړوند سیمه کې د طالبانو د استخباراتو یو بل مسوول هم له پېژندلو وروسته نیولی دی.

د یاد وزارت د څرګندونو له مخې؛ نیول شوی کس رحمت الله نومیږي، چې د پېنځمې ناحیې د نیازبیک د سیمې اوسیدونکی دی.

نوموړی په کابل ښار کې له یوې سیمې څخه بلې سیمې ته د کسانو پر لیږدولو او ورانکاریو تورن شوی دی.

دا په داسې حال کې ده ، چې تېره ورځ هم پولیسو د کابل ښار د کمپنۍ په اړوند سیمه کې د طالبانو د استخباراتو یو مسوول نیولی و.

طالبانو د دغې پېښې په اړه هم څه ندي ویلي.

تازه خبرونه

د افغانستان په پوهنتونونو کې سر له سبا حضوري زدکړې پیلیږي

Ariana News

خپور شوی

په

توسط

(Last Updated On: زمری ۱۴, ۱۳۹۹)

د ولسمشر ویاند ویلي؛ د کابینې د پرېکړې له مخې، د لوړو زدکړو وزارت طرحه د پوهنتونونو بیا پرانستې ته وروستۍ شوې؛ خو ښوونځي اوس هم نه پرانیستل کیږي.

په هېواد کې د کرونا وبا له رامنځته کیدو وروسته ځینو ښوونیزو او تحصیلي بنسټونو انلاین درسونه پیل کړل؛ خو اوس د کرونا وبا پېښې مخ په  کمیدو دي؛ ځکه، نو کابینې پرېکړه کړې ، چې د زمري له ۱۵ به په حضوري ډول پوهنتونونه د زدکړو لپاره پرانیستل شي.

د ولسمشر ویاند صدیق صدیقي ویلي؛ د لوړوزدکړو وزارت د طرحې له منل کیدو وروسته پرېکړه وشوه، چې سبا ته روغتیایي سپارښتونو ته په پاملرنه پوهنتونونه بیا پیل شي.

پوهنې وزارت هم د ښوونځیو بیا پرانیستو لپاره طرحه وړاندې کړې، چې په کابینه کې پرې وروستۍ پرېکړه ونه شوه.

د عامې روغتیا وزارت ویاند اکمل سمسور په دې اړه ویلي، چې د ښوونځیو او پوهنتونونو درسونه دې په تدریج سره پیل شي.

زدکړیالان هم خوښ دۍ او وایي، چې روغتیایي سپارښتنې باید رعایت شي.

وبه کتل شي، چې روغتیایي سپارښتنې به د زدکړیالانو لخوا رعایت شي او که نه.

Continue Reading

تازه خبرونه

د لبنان بیروت ښار یوې زورورې چاودنې ولړزاوه

Ariana News

خپور شوی

په

توسط

(Last Updated On: زمری ۱۴, ۱۳۹۹)

د ځایي سرچینو د څرګندونو له مخې؛ د لبنان ښار د بندر په اړوند سیمه کې زوروره چاودنه رامنځته شوې ده.

د چاودنې بڼه په ډاګه شوې نده او نه هم د تلفاتو په اړه څه ویل شوي دي.

چاودنه دومره زوروره وه، چې د اړوند سیمې د کورونو او ودانیو ښیښې یې ماتې کړې او مالي زیانونه یې اړولي دي.

د پېښې یو لیدونکي رویترز خبري سرچینې ته ویلي: زه د بیروت پر ښار د اور لمبو  او لوګیو د راپورته کیدو لیدونکی وم؛ خلک له اړوند سیمې تښتیدل او پر چغو چغو یې ژړل. د کورونو بالکنونه را وغورزیدل او د لوړپوړو ودانیو ښیښې کوڅو او سړکونو ته راولویدې.

سیمه ییزو رسنیو د دغه هېواد د روغتیا وزارت له قوله ویلي؛ د زیانونو شمېر خورا ډېر دی او په ډېر شمېر خلک ټپیان دي.

ویل کیږي، چې چاودنه د بېلابېلو ګودامونو او زیرو په اړوند سیمه کې رامنځته شوې او تر دې دمه د پوره ځاني او مالي زیانونو شمېر په ډاګه شوی ندی.

Continue Reading

تازه خبرونه

د جنسي تېري په اړه له طالبانو سره په نښته کې ۳ عام وګړي وژل شوي

Ariana News

خپور شوی

په

توسط

(Last Updated On: زمری ۱۴, ۱۳۹۹)

تخار د پولیسو ویاند ویلي؛ د تخار په خواجه غار ولسوالۍ کې د خلکو او طالبانو ترمنځ په نښته کې درې ملکي وګړي وژل شوي او درې نور ټپیان دي.

د تخار پولیسو ویاند خلیل اسیر ویلي؛ د دوشنبې پر ورځ مازیګر مهال د تخار ولایت د خواجه غار ولسوالۍ خلکو د دې ولسوالۍ په دارالعلوم سیمه کې د طالبانو پر یوه زندان برید وکړ، چې پر دوه تنکيو نجونو د جنسي تېري عاملان ونیسي او سزا ورکړي؛ خو د طالبانو په ډزو کې درې عام وګړي وژل شوي او درې نور ټپیان دي.

دا په داسې حال کې ده، چې دوه اوونۍ وړاندې د خواجه غار ولسوالۍ یوه اوسیدونکي ادعا وکړه، چې طالبانو یې پر دوه تنکیو لوڼو جنسي تېری کړی؛ خو طالبانو دغه ادعا نده تائید کړې.

طالبانو پر زندان د برید او اوښتي ځاني زیان په اړه تر دې دمه څه ندي ویلي.

Continue Reading

Trending