Connect with us

تازه خبرونه

له افغانستان څخه د امریکايي سرتېرو وتل پیل شول

Ariana News

خپور شوی

 په

(Last Updated On: March 10, 2020)

په افغانستان کې د ناټو د پرېکنده ملاتړ ماموریت ځواکونو قومندان ویلي، چې شرایطو ته په پام یې له افغانستان څخه د سرتېرو ایستل پیل کړي دي.

په افغانستان کې د ناټو د غوڅ ملاتړ ماموریت قومندانۍ د یوې اعلاميې په خپرولو څرګنده کړې، چې له افغانستان څخه د امریکايي سرتېرو وتل پیل شوي دي.

د طالبانو او امریکا د هوکړې له مخې؛ به په راتلونکیو ۴ میاشتو کې د امریکايي سرتېرو شمېر ۸۰۰۰ او ۶۰۰ ته راټيټ شي.   

امریکا په افغانستان کې دیارلس زره سرتېري او او د هېواد په بګرام، هلمند، جلال آباد،  کندهار، بلخ، پکتیکا او هرات ولایتونو کې اووه پوځي هډې لري؛ خو تر اوسه معلومه نده، چې سرتېري لومړی له کومې اډې ایستل کیږي.

د افغانستان د هوايي ځواک پخوانی قومندان عبدالوهاب وردګ وايي: زمونږ ځمکني او هوایي ځواکونو مسوولین باید دې ټکي ته پوره پاملرنه وکړي، چې د ځمکنيو او هوایي ځواکونو نیمګړتیاوې پوره او باید بښپړ تجهیز شي.  

امریکايي چارواکو ویلي؛ که طالبان پخپلو ژمنو ودریږي له افغانستان څخه به په ۱۴ میاشتو کې خپل ټول سرتېري وباسي.

پوځي کارپوه اسدالله ندیم ویلي؛ د امرذیکایي ځواکونو وتل به پر افغان ځواکونو بې اغېزې وي؛ ځکه، چې هغوی د جګړې په ډګر کې ښکېل ندي.

ولسمشر محمد اشرف غني له دې مخکې ډاډ څرګند کړی و، چې له افغانستان څخه د امریکايي سرتېرو وتل به پر شرایطو ناوړه اغېزه ونکړي او په وینا يي افغان ځواکونه چمتو دي، چې له هېواد څخه دفاع وکړي.

خبریال: روهید اندیشمند

تازه خبرونه

د قطر په دوحه کې د خپلمنځي خبرو پلاوي د اجندا په اړه هوکړې ته رسېدلي

Ariana News

خپور شوی

په

توسط

(Last Updated On: November 29, 2020)

د افغانستان حکومت او طالبان د قطر په دوحه کې د افغانانو د خپلمنځي خبرو پر اجندا او طرزالعمل هوکړې ته رسېدلي دي.

افغان پلاوي په یوه تویت کې څرګنده کړې: د دواړو لوریو د خپلمنځي خبرو پلاوي له پیلیزې (مقدمې ) پرته یوازې د مذاکراتو د طرزالعمل د ۲۱ مادو پر اصولو هوکړې ته رسېدلي دي. په داسې حال کې، چې د طالبانو د سیاسي دفتر ویاند نعیم وردګ څرګنده کړې، چې دوه اوونۍ مخکې د مقدمې په ګډون پر ۲۱ ماده ییز طرزالعمل د دواړو لوریو ترمنځ توافق شوی دی.

 حکومتي پلاوي زیاته کړې: خو د دې اجندا پیلیزه د پلاوي ترمنځ نور وضاحت او بحث ته اړتیا لري. د همدې لپاره د نومبر پر ۱۷ د دواړو لوریو لخوا د کوربه په شتون کې پرېکړه وشوه، چې طرزالعمل به عمومي غونډې ته وړاندې او له تصویب وروسته وروستی شي. د خپلمنځي خبرو حکومتي پلاوي د خبرو جرګه ګۍ د پیلیزې د عناصرو په اړه خپل رسمي وضاحت بل لوري ته هم سپارلی دی.

په قطر کې د طالبانو د سیاسي دفتر ویاند نعیم وردګ په دې اړه په خپل تویت کې څرګنده کړې؛ د خپلمنځي خبرو طرز العمل د ۲۰۲۰ کال د نومبر مياشتې پر ۱۵ نېټه په ۲۱ مادو کې وروستی شوی دی.

د نعیم وردګ د څرګندونو له مخې؛ په دوحه کې د خپلمنځي خبرو طرز العمل د کوربه هېواد په حضور کې د ۲۰۲۰ کال د نومبر د مياشتې پر ۱۷ نېټه ولوستل شو. د دواړو مذاکراتي خواوو له تائيد وروسته یې يوه نسخه کوربه هېواد قطر ته هم ور کړ شوې ده.

د نومبر پر ۲۳ داسې راپورونه خپاره شول، چې د سولې خبرو د حکومتي پلاوي مشر معصوم ستانکزی او د ولسمشرۍ د سولې سلاکار سلام رحیمي له ولسمشر اشرف غني سره په خبرو کې د را منځته شوي پرمختګ په اړه مشورې کوي؛ خو د ولسمشرۍ ویاند صدیق صدیقي د چارشنبې پر ورځ یوې خبري غونډې ته وویل، چې د سولې په خبرو کې هیڅ پرمختګ ندی شوی.

صديقي ویلي؛ د طالبانو غوښتنې نامشروع دي، خو هغه تائيد کړه، چې ستانکزی په کابل کې دی.

صدیقي څرګنده کړې، چې: د افغانستان د اسلامي جمهوریت د خبرو اترو پلاوی به د سولې د جرګې او اساسی قانون د پرېکړې له مخې د سولې د خبرو پر بنسټ له طالبانو سره خبرې وکړي.

صدیق صدیقي په خبرو کې هر راز پرمختګ رد کړی؛ خو ځینو سرچینو د نوم د نه ښودلو پر شرط آریانا نیوز ته ویلي؛ افغان مشرانو د لانجې ځینې ټکي تائید کړي، چې خبرې پرې وغزیږي او بریالیتوب ورسیږي.

د یادونې ده، چې د افغانانو خپلمنځي خبرې د روان کال د سپتمبر پر ۱۲ په یوه نړیواله ناسته کې پیل شوي او تر دې دمه تکنۍ؛ خو له پرمختګونو سره روانې ساتل شوې دي.

Continue Reading

تازه خبرونه

مسلمان عالمان دې په افغانستان کې “بې اساسه” تاوتریخوالی وغندي- حنیف اتمر

Ariana News

خپور شوی

په

توسط

(Last Updated On: November 29, 2020)

د افغانستان د بهرنیو چارو وزیر حنیف اتمر له اسلامي همکاریو سازمان څخه وغوښتل، چې د افغانستان د سولې له پروسې څخه خپل ملاتړ چټک کړي او روان “بې اساسه” تاوتریخوالی وغندي.

اتمر د نایجیریا په پلازمېنه نیامیا کې د او آی سي د بهرنیو چارو وزیرانو د شورا۴۷ غونډې ته په وینا کې ویلي: مونږ له تاسې ټولو څخه غواړو، چې د سولې له بهیر سره یو ځای شئ او د او آی سي په غړیو هېوادونو کې دیني عالمان وهڅوي، چې په افغانستان کې تاوتریخوالي وغندي او له سولې ملاتړ وکړي.

هغه دغه راز د طالبانو لخوا د تاوتریخوالي پر ډطرېدو هم اندېښنه وښوده او له او اي سي یې وغوښتل، چې پر طالبانو فشار ډېر کړي. چې اوربند ته غاړه کېدي.

د نوموړي د څرګندونو له مخې، د وسلوالو طالبانو په تاوتریخوالي کې ملکي وګړيو ته ډېر ځاني زیاونه رسېدلي دي.   

Continue Reading

تازه خبرونه

افغان او ترکمن ولسمشرانو پر سیمه ییزو پروژو خبرې کړي

Ariana News

خپور شوی

په

توسط

(Last Updated On: November 28, 2020)

د افغانستان ولسمشراشرف غني او د ترکمنستان ولسمشر قربان قلي بردي محمدوف نن له غرمې وروسته تیلیفوني خبرې وکړې.

ولسمشرۍ په ډاګه کړې، چې په دې تیلیفوني اړیکه کې دواړو لوریو د افغانستان او ترکمنستان ترمنځ د دوه اړخیزو اړیکو او سیمه ییزو پروژو په اړه خبرې کړې دي.

د ارګ د څرګندونو له مخې: د دواړو هېوادونو ولسمشرانو د ترسره شویو کارونو؛ تاپي او تاپ پروژو او نوري فایبر شبکې د غزولو په اړه خبرې وکړې او د دغو پروژو د بشپړولو لپاره یې پر درې اړخیزو او څلور اړخیزو میکانیزمونو هم هوکړه وکړه.

په اعلامیه کې راغلي؛ د افغانستان او ترکمنستان ولسمشرانو افغانستان ته پر وارداتي برښنا د خبرو پر مهال هوکړه وکړه، چې د افغانستان برښنا شرکت دې د ترکمنستان له لوري سره خبرې وکړي، چې د وارداتي برښنا ځانګړتیاوې او جزئیات وروستي کړي.

په دې تیلیفوني اړیکه کې د ترکمنستان ولسمشر ویلي؛ د دغه هېواد په مرسته په اقینې بندر کې یو جوړ شوی لوی جومات به، چې د ۵۰۰ لمونځ کوونکیو له ځایدو برخمن دی، په نږدې راتلونکي کې پرانیستل شي.

ولسمشرغني نوموړي ته ډاډ ورکړی، چې د افغانستان د ارشاد، حج او اوقافو وزیر به د یاد جومات د پرانیستې په مراسمو کې ګډون وکړي.

Continue Reading
Advertisement

Trending