تازه خبرونه
له حقاني شبکې سره مې درې کلن بند پر ژوندانه ژور اغېز کړی- تیموتي ویکس
د افغان امريکايي پوهنتون آستراليايي استاد تیموتي ویکس له یوې آسترالیایي رسنۍ سره په خبرو کې ویلي، چې له حقاني شبکې سره یې درې کلن بند پر ژوندانه ژوره اغېزه کړې ده.
نوموړي دا هم ویلي، چې په تېرو درې کلونو کې دی او امریکایي ملګری یې کیوین کینګ د افغانستان او پاکستان په بېلابېلو سیمو کې ساتل شوي ديٍ.
آسترالیایي استاد تیموتي ویکس اوس له خپلې کورنۍ سره يو ځاى شوی او آسټرالیایي رسنیو ته یې په ډاګه کړې، چې درې کاله مخکې د ۲۰۱۶ کال د اګسټ پر شپږمه په کابل کې له خپل ملګري سره طالبانو وتښتولو.
دی د افغانستان، پاکستان، قطر، امریکا او آسترالیا له ولسمشرانو، زلمي خلیلزاد او طالب مشر ملا هبت الله اخونزاده څخه مننه کوي، چې د دوه او ملګري په خوشې کیدو کې یې نه ستړې کیدونکې هڅې کړې دي.
نوموړي دا هم څرګنده کړې، چې د امریکايي او طالب استازیو ترمنځ د سولې خبرو بیا پیلیدل یو ښه زیری دی.
هغه هیله من شوی، چې په افغانستان کې د روانو نږدې دوه لسیزو جګړو لپاره نه یوازې یوه سوله ییزه حل لار اړینه ده، بلکې افغانستان، سیمې او نړۍ ته ثبات هم اړین دی.
نوموړي د خبریالانو د پوښتنو او غوښتنو په ځواب کې ویلي، چې له طالبانو سره بند او تجربو زما ژوند ته بدلون وربښلی؛ داسې بدلون، چې زه یې د ویلو لپاره کلمې نلرم. هغه داسې یو وخت و، چې خپل مرګ مې پخپلو سترګو لیدلی؛ خو د الله فضل و کرم و، چې اوس دلته او له خپلې کورنۍ سره یو ځای شوی او آزاد یم.
هغه د طالبانو د کړو وړو په اړه خبریالانو ته څرګنده کړې، چې له حالاتو سره سم په ټوله کې له ما سره سم چلن شوی؛ خو مونږ دېر لیرې له روغتیایي آسانتیاوو پوره برخمن نه و، ډېر وخت مو په تورتم کې تېریده.
نوموړي د امریکاي بریدونو په اړه رسنیو ته دا هم په ډاګه کړه، چې یو ځل د امریکا سمندري ځواکونو پر طالبانو برید وکړ؛ خو مونږ یې یو تونل ته وردننه کړو او بیا یې زه ټېله کړم، چې پټ شم. له ټېله کیدو سره سم ولویدم او نور پر ځان پوه نشوم.
د افغانستان امریکايي پوهنتون استادان هر یو کوین کینګ او تیموتي ویکس د تېر نومبر په لومړیو کې له درې طالب بندیانو انس حقاني، حافظ عبدالرشید او مالي خان سره تبادله شول. اوس هغه د آرام ژوند تېرولو غوښتونکی او په افغان امریکایي پوهنتون کې د بیا کار هیله من هم دی.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ