Connect with us

تازه خبرونه

په جلال آباد ښار کې چاودنې ۲۰ کسانو ته مرګ و ژوبله اړولې

Ariana News

خپور شوی

 په

(Last Updated On: غبرګولى ۳۰, ۱۳۹۸)

د ننګرهار ولایت سیمه ییزو چارواکو په ډاګه کړې؛ د جلال آباد ښار د دوه یمې ناحیې په اړوند سیمه شیشم باغ کې پر یوه هایلکس موتر د نښلیدونکي ماین چاودنه رامنځته شوې ده.

 چاودنه د نازیانو ولسوالۍ د سیمه ییزو پاڅونوالو د قومندان ملک دهقان د ورور پر موتر شوې او ټپیان سیمه ییز روغتون ته استول شوي دي.

د یو شمېر څرګندونو له مخې؛ په ټپیانو کې د اهل هنود یوه نجلۍ هم شته او د یو شمېر ټپیانو روغتیايي حالت د اندېښنې وړ دی.

ولسمشرۍ دغه پېښه په کلکه غندلې او له اړوند بنسټونو یې غوښتي، چې د پېښې په اړه پوره څېړنه وکړي.

تر دې دمه کومې ډلې د پېښې پړه پر غاړه نده اخیستې.

دا په داسې حال کې ده، چې تېره ورځ د ننګرهار ولایت سیمه ییزو چارواکو په دې ولایت کې د سولې له بهیر سره د  ۱۷ طالبانو او داعش جنګیالیو له یو ځای کیدو خبر ورکړی دی.

تازه خبرونه

ولسمشر غني او د پاکستان لومړي وزير په افغانستان کې پر اوربند ټینګار کړی

Ariana News

خپور شوی

په

توسط

(Last Updated On: تله ۵, ۱۳۹۹)

د افغانستان ولسمشر اشرف غني او د پاکستان لومړي وزير عمران خان د تیلیفوني اړیکې له لارې د دواړو هېوادونو د اړيکو، سولې بهیر او په افغانستان کې د اوربند پر ټينګښت خبرې اترې کړې دي.

په دې تیلیفوني خبرو اترو کې ولسمشر اشرف غني د اوربند پر ټينګښت ځانګړی ټينګار کړی او د پاکستان لومړي وزير ته يې افغانستان ته د رسمي سفر بلنه هم ورکړه.

د پاکستان لومړي وزير عمران خان ويلي، مونږ په افغانستان کې د اوربند له ټينګښت بشپړ ملاتړ کوو او د ولسمشر اشرف غني له بلنې په مننه يې زياته کړې، په نږدې راتلونکې کې به کابل ته سفر وکړي.

د پاکستان جیو تلویزیون په ډاګه کړې، چې پاکستان به له هغو پرېکړو ملاتړ وکړي، چې د افغانستان خلک به د خپل راتلونکي په اړه پرې ټینګار کوي.

لومړي وزیر عمران خان د پاکستان او افغانستان  پر رغنده اړیکو ټینګار کړی او وایي، چې مونږ د دې هېواد سوله ، ثبات او د خلکو سوکالي غواړو.

دغې سرچینې څرګنده کړې، چې د ملي پخلاینې عالي شورا رییس عبدالله عبدالله به راتلونکې اوونۍ اسلام اباد ته سفر وکړي.

Continue Reading

تازه خبرونه

هند په سیمه کې له اسلام وېره هڅوي – عمران خان

Ariana News

خپور شوی

په

توسط

(Last Updated On: تله ۵, ۱۳۹۹)

د پاکستان لومړي وزیر عمران خان ټینګار کړی، چې په سویلي آسیا کې دوامداره سوله اړینه ده؛ خو هند له اسلام وېره او اسلام دښمني یا اسلاموفوبیا هڅوي.

عمران خان د جمعې پر ورځ د ملګرو ملتونو عمومي اسامبلې ته په له مخکې ثبت شوې وینا کې ویلي، چې له پاکستان څخه د افغان کډوالو راستنېدل باید د سیاسي حل یوه برخه وي.

خان زیاته کړه، چې اسلام دښمنۍ په هندوستان کې بې سارې وده کړې ده او د هند نږدې ۲۰۰ میلیون مسلمانان ګواښي.

هغه ټینګار کړی، چې شر جوړول او کرکه خپرول باید په نړۍ کې ناقانونه شي او له ملګرو ملتونو یې وغوښتل، چې د اسلام دښمنۍ پر ضد د مبارزې نړیواله ورځ دې ونومول شي.

عمران خان زیاته کړې، چې د هند حکومت جوماتونه ویجاړ کړي، مسلمانان یې وژلي او د هغوی پېژندنه د تبعیضي قوانینو له مخې په خطر کې ده.

عمران خان دا هم ویلي؛ په تېروتنه مسلمانان د کرونا د ویروس د خپریدو له کبله رټل شوي، سپک شوي او قرباني شوي دي. دوی له روغتیايي پاملرنې بې برخې دي او په ډېري مواردو کې د دوی پر دندو هم بندیزونه لګیدلي دي.

په خواشینۍ، چې هند په نړۍ کې یوازنی هېواد دی، چې اسلام دښمني هڅوي او ترې  ملاتړ کوي.

دغه راز عمران خان په پاکستان کې د کرونا ویروس مسله هم راپورته کړه او په دې اړه یې څرګنده کړې؛ هوښیار قرنطین مو له هېواد سره مرسته کړې، چې د دغې ناروغۍ د خپریدو په مخنیوي کې مرسته وکړي.

هغه دا هم په ډاګه کړې: مونږ نه یوازې دا، چې ویروس وڅاره، بلکې له اقتصادي ثباته هم برخمن یو. له ټولو مهمه دا، چې مونږ توانیدلي یو، چې د خپلې ټولنې بېوزله برخه د قرنطین له ناوړه پایلو څخه وژغورو.

Continue Reading

تازه خبرونه

د ارګ هوټل د واده په مراسمو کې لږ تر لږه دوه کسان وژل شوي

Ariana News

خپور شوی

په

توسط

(Last Updated On: تله ۴, ۱۳۹۹)

د کابل پولیسو ویلي، چې د کابل ښار د ۱۵ حوزې د اړوند سیمې د یو هوټل د واده په مراسمو کې پر ډزو دوه کسان وژل شوی دي.

د دِې پېښې علت شخصي دښمني ښودل شوې ده.

د پېښې عامین نیول شوي او په اړه یې څېړنې روانې دي.

د پېښې لیدونکیو ویلي، چې پېښه په یاد هوتل کې دننه رامنځته شوې؛ ۵ کسان وژل شوي او یو شمېر نور ټپیان دي.

Continue Reading
Advertisement

Trending