تازه خبرونه
له طالبانو مو د ملي ګټو لپاره ملاتړ کړی- پاکستان
د پاکستان د بهرنیو چارو وزیر اعتراف کوي، چې پاکستانيو جنرالانو او استخباراتو د پاکستان د ملي ګټو لپاره له طالبانو ملاتړ کړی دی.
د پاکستان د بهرنیو چارو وزیر محمود قریشي وایي؛ اوس طالبان پوهیږي، چې په افغانستان کې شرایط بدل شوي او که ورته کافي انګېزه او قناعت ورکړ شي، د سولې خبرو ردولو لپاره به دلیل ونلري.
پاکستان هغه ګاونډی دی، چې د افغان حکومت له وسلوالو مخالفانو څخه پر بشپړ ملاتړ تورن شوی دی. دا، چې ولې باید اسلام آباد له ترهګرو ملاتړ وکړي؟ د پاکستان د بهرنیو چارو وزیر محمود قریشي له الجزیرې شبکې سره په خپلو خبرو کې له طالبانو څخه دغه ملاتړ ته داسې پلمه جوړوي: د آی اس آی ځینې جنرالان پر دوه ګونې لوبه تورن شوي، چې هغوی د طالبانو ملاتړ کاوه. آیا دا حقیقت لري؟ هغوی له خپل هېواد سره مرسته کوله، هغوی غوښتل، چې پر داسې شرایطو لاسبري شي، چې د نورو لخوا را منځته شوي دي.
د پاکستان له نظره، په افغانستان کې شرایطو بدلون کړی او د جګړې د دواړو خواوو؛ هم د طالبانو او هم د افغان دولت وړتیاوې ښکاره دي. یعنې د سولې خبرو ته یې تازه فرصت برابر کړی؛ هغو خبرو اترو ته، چې د پاکستان د بهرنیو چارو د وزیر په وینا، د پیل لپاره یې باید طالبانو ته بشپړه انګېزه ورکړ شي.
محمود قریشي په ډاګه کړې، چې: طالبان نشي کولی کابل ونیسي؛ دا په ټولو سیمو کې درک شوې ده. دا راز افغان دولت هم دا مساله درک کړې، چې ځینې ولسوالۍ د طالبانو تر نفوذ لاندې دي. دا یو مفهوم لري، چې د دواړو خواوو تر منځ د سولې خبرو ته یو فرصت برابر شوی دی.
افغان دولت دوه اړخیزه تمه لري؛ له یوې خوا غواړي پاکستان د طالبانو او حقاني شبکې په ګډون د ترهګرو پر وړاندې مبارزه وکړي او بلخوا د سولې په بهیر کې عملي همکاري ولري.
د کورنیو چارو وزارت ویاند نجیب دانش وایي، چې مونږ له پاکستان څخه هیله من یو، چې د ترهګرۍ پر وړاندې په مبارزه کې له مونږ سره همکاري وکړي.
په ځلونو ویل شوي، چې د افغانستان په جګړه کې پاکستانيو جنرالانو د طالبانو ملګرتیا کړې ده. په غزنې کې وروستۍ جګړه هم هغه څه یادیږي، چې په کې د پاکستانيو جنرالانو او منسوبینو لاس ښکېل ګڼل شوی دی.
پخوانی پوځي جاوید کوهستانی وایي، چې: طالبان د پاکستان د ګټو لپاره او د پاکستاني پوځ پر نیابت د افغانستان د خلکو پر ضد جنګیږي؛ ځکه، نو طالبان د پاکستان د ګټو ساتونکي دي.
ویل کیږي، چې ټاکل شوې پاکستان په نږدې راتلوونکي کې د دیني عالمانو د یوې ناستې کوربه دی او د افغانستان سوله او جګړه به یې د خبرو اصلي ټکي وي.
خبریال: باعث حیات
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ