Connect with us

تازه خبرونه

په ارګ کې له طالبانو سره د پخلاینې عالي شورا لومړنۍ ناسته تر سره شوه

Ariana News

خپور شوی

 په

(Last Updated On: April 7, 2019)

له طالبانو سره د پخلاینې عالي شورا لومړنۍ ناسته د یکشنبې پر ورځ( د وري ۱۸)  په ارګ کې ترسره شوه، چې موخه یې د قطر ناستې ته د مرکچي پلاوي د غړیو پر ټاکلو پرېکړه او پر اجنډا یې خبرې وې.

د حکومت مشران، د مدني ټولنو ځینې استازي، د هېواد یو شمېر سیاسي او جهادي څېرې د پخلاینې عالی شورا غړیتوب لري. د دی شورا په لومړنۍ ناسته کې پر دې خبرې وشوې، چې د قطر ناستې ته له طالبانو سره د خبرو لپاره باید څوک وټاکل شي.

ولسمشر دغې ناستې ته وویل، مرکچي پلاوی باید شته واقعیتونو ته په کتو جوړ شي او  په کار ده، چې د نظام او ولسواکۍ ضد څېرې د پلاوي ترکیب ته لار ونه مومي.

د نوموړي په وینا؛ باید دا هم ښکاره شي، چې د خبرو ډله به د افغانستان د نویو واقعیتونو پر بنسټ جوړیږي او له ښځو، ځوانانو او مدني مخکښانو به بشپړ استازیتوب کوي.

کوم نوملړونه، چې ډاګیز شوي ښیي؛ په پخلاینې عالي شورا کې اووه دېرش حکومتي او سیاسي څېرې شته او تر څنګ یې له طالبانو سره د خبرو لپاره یو دوه ویشت کسیز پلاوی هم جوړ شوی، چې په کې د حکومت او سیاسي ګوندونو استازي برخه لري؛ خو ارګ وایي، چې دا نوملړ اوس هم وروستی شوی ندی.

ټاکل شوې، چې زلمی خلیلزاد به یو ځل بیا د مرکچي پلاوي په تړاو له حکومتي او سیاسي مشرانو سره خبرې وکړي.

د قطر جوړیدونکې ناستې ته د ګډون کوونکي پلاوي غړی احمدالله علی‌ زی وایي، چې که حکومت د قطر په ناسته کې ګډون ونکړي؛ کیدی شي، چې سیاسیون، ګوندونه او خلک هم د سولې په مشورتي لویه جرګه کې برخه وانخلي.

اجرائیه رییس په اردن کې د اقتصاد نړیوالې ناستې په څنډه کې ویلي، چې د پخلاینې عالي شورا به له طالبانو سره د پخلاینې پر ټولو اړخونو پرېکړه وکړي.

اجرائیه رییس عبدالله عبدالله وایي، چې: د افغانستان د سولې بهیر په بحث کې یو لور ته طالبان، بلخوا وسلوالې ترهګرې ډلې او داعش ډله ده. طالبان له امریکا سره خبرو ته کیناستل او سلا مشورې روانې دي؛ خو تر اوسه له افغانانو سره خبرې ندي پیل شوي او له افغان دولت سره خبرې به د سولې خبرو د بهیر د پیل په معنا وي.

د ځینو څرګندونو له مخې؛ ټول منلی افغان پلاوی به له طالبانو سره د اپریل میاشتې په نیمایي کې د جګړې  پر پای ته رسولو بحث او خبرې وکړي.

خبریال: باعث حیات

 

تازه خبرونه

امریکا به بیا خپل سرتېري افغانستان ته ونه لیږي – جاک سالیوان

Ariana News

خپور شوی

په

توسط

(Last Updated On: April 19, 2021)

د امریکا د ملي امنیت شورا سلاکار ویلي، چې امریکا به بیا خپل سرتېري افغانستان ته ونه لیږي.

 

د امریکا د ملي امنیت شوری سلاکار له افغانستان څخه د پوځونو د خوندي ایستلو لپاره د نورو سرتېرو د رالیږلو وروسته ویلي، چې امریکا به بیا افغانستان ته سرتېري ونلیږي او له دې هېواد سره به یوازې سفارتي اړیکي وپالي.

د سپینې ماڼۍ د ملي امنیت شوری سلاکار جک سالیوان وایي: مونږ باید یوازې پر افغانستان د تمرکز پر ځای یو شمېر نورو هېوادونو ته، چې د القاعدې او داعش له ګواښ سره مخ دی پام راواړوو. په افغانستان کې له سفارت پرته به هیڅ ډول پوځي حضور ونلرو.

د امریکا د بهرنیو چارو وزیر انټوني بلینکن ویلي، چې خپل امکانات او سرتېري به له افغانستان څخه د القاعده، داعش او نورو ترهګرو ډلو د احتمالي ګواښونو د مخنیوي لپاره وګوماري.

 انټوني بیلنکن وايي، چې له افغانستان څخه د سرتېرو ایستل له دې هېواد سره د اړیکو د پرې کولو معنا نلري او له فغانستان سره به بشري او مالي مرستې روانې ساتو.

نوموړي څرګنده کړې؛ مونږ په داسې وسایلو په افغانستان کې د ترهګرۍ خطرونه څارو، چې په بیړه کولی شو مخنیوی یې وکړو. مونږ به امکانات او سرتېري په کار واچوو او دا ډاډ به هم ترلاسه کړو، چې باالقوه ګواښ نه رامنځته کیږي.

د امریکا د بهرنیو چارو وزیر دا هڅې هم کوي، چې د افغان سولې مذاکرات مثبتې پایلې ته ورسوي.

Continue Reading

تازه خبرونه

مونږ باید خپل افغان کارمندان یوازې پرینږدو – جرمني

Ariana News

خپور شوی

په

توسط

(Last Updated On: April 19, 2021)

د راپورونو له مخې؛ د جرمني دفاع وزیرې ژمنه کړې، چې هېواد به یې خپل افغان کارمندان یوازې پرینږدي.

هغې ویلي، چې غواړي د آلماني سرتېرو له وتلو مخکې د خپلو افغان کارمندانو امنیت ډاډمن کړي.

د جرمني دفاع وزیرې میرمن انه ګریټ کرامپ کارنیاور د آلمان ډپي ای خبري سرچینې ته څرګنده کړې: فکر کوم افغان کارمندانو ته دا د آلمان یوه ستره ژمنه ده؛ کله، چې مونږ دا هېواد پریږدو، نو دا خلک به په بې دفاع حالت کې یوازې پاتې نشي.

هغې څرګنده کړې: مونږ د هغو خلکو په اړه خبرې کوو، چې له ډېرو کلونو راپدیخوا یې له امنیتي ګواښونوسره سره ګډې هڅې تر سره کړي. ان زمونږ ترڅنګ جنګېدلي او ونډه یې اخیستې ده.

داسې اندېښنو ته هم لمن وهل کیږي، چې افغانستان به د بهرنیو سرتېرو له وتلو وروسته کورنۍ جګړې ته وردننه شي.

د آلمان د دفاع وزیرې ویلي، چې دغه هېواد اوسمهال ۳۰۰ افغانان په بېلابېلو برخو کې پر دندو ګمارلي دي.

دا په داسې حال کې ده، چې آلمان ۸۰۰ افغانانو او د هغو ۲۵۰۰ کورنیو غړیو ته، چې د آلماني ځواکونو سره یې ګډ کار کړی و او امنیتيوېره یې لرله پناه ورکړې ده.

Continue Reading

تازه خبرونه

په بغلان کې وسلوالو طالبانو ۸ پولیسو ته مرګ و ژوبله اړولې

Ariana News

خپور شوی

په

توسط

(Last Updated On: April 19, 2021)

د بغلان ولایت سیمه ییزو چارواکو ویلي، چې تیره شپه (یکشنبه د وري ۲۹) د دغه ولایت د مرکزي بغلان ولسوالۍ  د قند فابریکې پر ښارګوټي د وسلوالو طالبانو په ډله ییز برید کې دوه پولیس وژل شوي او شپږ نور ټپیان دي.

د مرکزي بغلان ولسوال سید کمال وردګ د خبر د پخلي تر څنګ ویلي، چې جګړه تېره شپه دولس بجې د ولسوالۍ د پېنځمې امنیتي حوزې په اړوند سیمه کې پیل او د سهار تر ۵ بجو د بغلان امنیه قومندان او مرستندویه ځواکونو له راتګ سره روانه وه.

هغه زیاته کړې، چې د نښتې په بهیر کې د بغلان د حوزوي پولیسو یو هاموی (زغره وال ټانګ)  وسوځول شو او بل طالبانو ته پر لاس ورغلو.

د بغلان امنیه قومندان سید اشرف سادات هم له ولسوالۍ څخه لیدنه کړې ده.

د بغلان پولیسو په خبر پاڼه کې راغلي، چې د مرکزي بغلان ولسوالۍ د قند فابریکې په ښارګوټي کې د طالبانو د برید په دفاع کې شپږ وسلوال وژل شوي او اته نور ټپیان دي.

د بغلان پولیسو ویاند احمد جاوید بشارت ویلي، چې د طالبانو دغه برید د دې ولایت د امنیتي او دفاعي ځواکونو له درندو ګوزارونو سره مخ شوی دی.

جاوید بشارت زیاته کړې، چې په دې نښته کې د بغلان د حوزوي پولیسو دوه سرتېري وژل شوي او شپږ نور ټپیان دي.

طالبانو تر دې دمه په دې اړه څه ندي ویلي.

Continue Reading

Trending

آریانا نیوز: ټول حقونه خوندي دي