Connect with us

تازه خبرونه

له طالبانو سره هوکړه له اوربند او خپلمنځیو خبرو سره تړلې ده- خلیلزاد

Avatar

خپور شوی

 په

(Last Updated On: سلواغه ۷, ۱۳۹۷)

د افغان سولې لپاره د امریکا استازی زلمی خلیلزاد وايي، چې له وسلوالو طالبانو سره هر ډول هوکړه به له سراسري اوربند او د افغانانو له خپلمځیو خبرو سره تړلې وي.

د قطر په پلازمېنه دوحه کې د افغانستان د سولې په اړه د طالب او امریکایي استازیو له شپږ ورځنیو خبرو وروسته زلمي خلیلزاد په خپل تویت کې څرګنده کړه، چې له طالب استازیو سره په خبرو کې مهم پرمختګونه رامنځته شوي؛ خو هوکړې ته ندي رسیدلي.

خلیلزاد ویلي، چې له وسلوالو طالبانو سره په خبرو کې پرمختګونه شوي؛ خو له وسلوالو طالبانو سره هر ډول هوکړه به د افغانانو تر منځ له خبرو سره تړلې وي.

خلیلزاد لیکلي، چې په قطر کې شپږ ورځنۍ خبرې تر بل هر وخت رغوونکې وي. اوس هم ځينې مسایل شته، چې بحث او خبرو ته اړتیا لري. تر اوسه هیڅ ډول هوکړه نده شوې. که کومه هوکړه کیږي، له سراسري اوربند او د افغانانو تر منځ له خبرو سره به تړلې وي.

وسلوالو طالبانو هم د قطر خبرې ګټورې بللي او د یوې اعلامیې د خپرولو تر څنګ یې ویلي، چې له خلیلزاد سره د قطر په شپږ ورځنیو خبرو کې مهم پرمختګونه شوي دي.

د طالبانو په اعلامیه کې راغلي، چې له افغانستان څخه د امریکايي سرتېرو د وتلو پر سر له هوکړې مخکې به په نورو موضوعاتو کې پرمختګ ناشونی وي.

د طالبانو په اعلامیه کې راغلي؛ د مذاکراتو په دې پړاو کې له ټاکل شوې اجندا سره سم له افغانستان څخه د بهرنیو ځواکونو پر وتلو او نورو اړوند مهمو مسائلو بحث او پرمختګ وشو. دا، چې موضوعات درانه دي او زیات جر او بحث ته اړتیا لري؛ نو پرېکړه وشوه، چې د ځينو لاینحله مسایلو پر سر به په راتلونکي کې نورې ورته غونډي هم جوړیږي، چې له افغانستان څخه د بهرنیو ځواکونو د وتلو موضوع حل نشي په نورو برخو کې پرمختګ امکان نلري.

د افغانستان پخواني ولسمشر حامد کرزي هم په قطر کې د طالب استازیو او خلیلزاد تر منځ په خبرو کې پر پرمختګونو خوشالي ښودلې ده.

حامد کرزي په ډاګه کړې، چې د سولې له خبرو سره سم باید په افغانستان کې جګړه پای ومومي.

د پاکستان د بهرنیو چارو وزارت بیا ویلي، چې دوی په قطر کې د طالب استازیو او زلمی خلیلزاد تر منځ خبرو ته په زمینه برابرولو کې مهم رول درلود.

د پاکستان د بهرنیو چارو وزیر محمود قریشي وایي، چې په افغانستان کې د جګړې د پای ته رسولو لپاره د پاکستان دریځ روښانه شوی دی. دا د پاکستان په بهرني سیاست کې مهمه لاسته راوړنه ده. مونږ په سیمه کې د سولې لیوال یو، چې دا کار له خبرو پرته امکان نلري. پاکستان په قطر کې د طالب استازیو او خلیلزاد تر منځ خبرو ته زمینه برابره کړې وه.

افغان حکومت تر اوسه د قطر د خبرو په اړه څه ندي ويلي.

د طالبانو د تحریک پخواني غړي، چې د قطر له خبرو خبر دي وايي، چې طالبان له افغان حکومت سره د خبرو لپاره د امریکايي سرتېرو پر وتو ټينګار کوي.

د طالبانو پخوانی غړی سید اکبر آغا وایي؛ فکر نه کوم، چې طالبان په نږدې راتلونکي کې د افغانستان له حکومت سره خبرې وکړي؛ خو نا ممکنه نده، ژر او یا په لږ ځنډ به خبرې تر سره شي.

لدې مخکې افغان ولسمشر محمد اشرف غني د سویس په داووس کې ویلي وه، چې د زلمي خلیلزاد د سولې هڅې پدې راټولې دي، چې له افغان حکومت سره د وسلوالو طالبانو مخامخ خبرو ته زمینه برابره شي.

تازه خبرونه

د  دیني عالم ډاکټر ایاز نیازي مړی پر ځانګړیو مراسمو خاورو ته وسپارل شو

Avatar

خپور شوی

په

توسط

(Last Updated On: غبرګولى ۱۵, ۱۳۹۹)

د  افغانستان د وتلي دیني عالم ډاکټر ایاز نیازي مړی نن پر ځانګړیو مراسمو د وزیر محمد اکبرخان لوی جومات په انګړ کې، چې خطیب یې هم و؛ خاورو ته وسپارل شو.

 ایاز نیازی وړم ماښام په وزیر محمد اکبر خان جامع جومات کې دننه په یوه چاودنه کې لومړی سخت ټپي او بیا یې په روغتون کې ساه ورکړه.

هو! هغه رسا غږ، نور د تل لپاره دغلته تر خاورو لاندې شو.

ایاز نیازی، چې د مصر په الازهر کې یې  دوه ماسترۍ او یوه ډاکټري تر لاسه کړې وې؛ نه یوازې یې په تلویزیوني بحثونو کې دیني لارښوونې کولې، بلکې د مرګ تر ګړۍ یې له ولسونه خبله پوه نه ده سپمولې.

د ارشاد، حج او اوقاقو وزارت چارسمبالی عبدالحکیم منیب دا پېښه د نورو دیني عالمانو لپاره د عطف ټکی بولي او وایي؛ دا پېښه په هر اړخیز ډول څېړل کیږي او د حقیقت موندنې د پلاوي مشري به هم زه پخپله کوم.

طالبانو دا پېښه غندلې او  لوی جنایت یې بولي.

د ولسمشر لومړي مرستیال امرالله صالح تازه پخپلې فیسبوک پاڼې څرګنده کړې، چې طالبان نشي کولی په لنډو جملو کې له دا راز پېښو ځان سپین ثابت کړي.

نوموړي زیاته کړې؛ زیاتره هغه عالمان په افغانستان کې پر نښه کیږي، چې له پاکستان پرته نورو هېوادونو کې یې زدکړې کړې وي.

Continue Reading

تازه خبرونه

د روغتونونو ټيټ کیفیت د روغتیایې ننګونو د ډېریدو علت دی

Avatar

خپور شوی

په

توسط

(Last Updated On: غبرګولى ۱۵, ۱۳۹۹)

 د هېواد روغتونونه  د ټیټ کیفیت پر لرلو ندي توانیدلي، چې خلکو ته پوره روغتیایي خدمتونه وړاندې کړي.

د عامې روغتیا وزارت چارسمبالی

احمد جواد عثماني، چې ولسمشر نوی وګومارلو څرګندوي؛ د روغتونونو ټيټ کیفیت  سبب شو، چې پر کرونا د اخته کسانو درملنه او خوریدنه ننګوونکې شي او دا ویروس هم سم مدیریت نشي.

دا  په داسې حال کې ده، چې اووه سوه اووه اتیا نورې مثبتې پېښې په هېواد کې ثبت شوي او ټول شمېر یې له اتلس زره حخه واوښت.

د عامې روغتیا وزارت د ویاند مرستیال توحید الله شکوهمند ټینګار کوي، چې ۱۲۹۶ بېلګې مو په تېرو ۲۴ ګړیو کې کتلي، چې ۷۸۷ یې مثبتې دي.

په همدې حال کې د عامې روغتیا وزارت د کرونا وېیوس چټکه وده د اندېښنې وړ بولي او خبرداری ورکوي که خلک خپل مسوولیتونه په سم ډول ادا نکړي؛ حالت به له کنتروله ووځي.

Continue Reading

تازه خبرونه

سږکال په بلخ کې د میوو حاصلات ۳۰ سلنه ډېر شوي

Avatar

خپور شوی

په

توسط

(Last Updated On: غبرګولى ۱۵, ۱۳۹۹)

د بلخ د کرنې او مالداري ریاست مسوولینو ویلي، چې سږکال د تېرکال په پرتله د میوو په حاصلات کې ۳۰ سلنه ډېروالی راغلی دی.

د بلخ د کرنې او مالدارۍ مشر محمد سالم ساعي ویلي؛ که څه هم بادونو، ږلۍ او بارانونو میوو او ونو ته  زیان رسولی؛ خو بیا هم د میوو حاصلات د تېر کال په پرتله ۳۰ سلنه زیات شوي دي.

د نوموړي د څرګندونو له مخې؛ دا مهال په بلخ کې پر درویشت زره هکتاره ځمکه بڼونه لرو، چې راز راز پالل شوې میوې ترې راټولیږي.

د بلخ د کرنې ریاست څرګنده کړې، کرونا ویروس بڼوالۍ ته هم زیان رسولی او حکومت نشي کولی میوې نورو هېوادونو ته صادرې کړي.

د بلخ ولایت بڼوال د سړخونو او مارکیټ نشتوالی د خپلو محصولاتو لپاره لویه ستونزه بولي او وایي؛ په بلخ کې د کرنې اوبه لږ دي؛ خو د مارکیټ او سړخونو د نشتوالي له کبله خپل حاصلات په ارزانه بیه بازار ته وړاندې کوو.

د بلخ د کرنې او مالدارۍ ریاست د څرګندونو له مخې؛ په دې ولایت کې د مڼو د ساتنې لپاره شل سړخونې لرو او ټاکل شوې، چې په نورو سیمو کې هم د سړخونو پر جوړولو کار پیل شي.

Continue Reading

Trending