Connect with us

تازه خبرونه

ښایي د ټاکنو قانون د تعدیل مسوده په دوه ورځو کې وروستۍ شي

خپور شوی

د

(Last Updated On: لړم ۳, ۱۴۰۱)

د ولسمشر د دوه یم مرستیال لوړپوړی سلاکار محمد هدایت وایي، ښایي د ټاکنو قانون د تعدیل مسوده روانه اوونۍ وروستۍ او ژر به په ټاکنیزو کمیسیونونو کې سمونونه رامنځته شي.

ولسمشرۍ ماڼۍ د ټاکنو قانون د تعدیل طرحه خپره او د ستونزو د حل لپاره یې د نوماندانو او سیاسي ګوندونو د استازیو په شتون کې یوه ناسته تر سره کړه.

د ولسمشریزو ټاکنو نوماندانو او ځینو ګوندونو، چې دا طرحه ارزولي وایي؛ حکومت په ټاکنو کې د درغلیو لپاره زمینه برابروي.

د ولسمشریزو ټاکنو ځینې نوماندان د ټاکنو قانون د تعدیل وړاندیز شوې طرحه نیمګړې بولي او وایي، یوه تخنیکي کمیته به د نوماندانو د استازیو، سیاسي ګوندونو او مدني ټولنو د استازیو په ترکیب کې تر درې ورځو کار پیل کړي.

د ولسمشریزو ټاکنو نوماند شیدا محمد ابدالي وایي: مونږ د ټاکنوکمیسیون په اړه یوې هوکړې ته رسیدلي یو، چې دا کمیسیون باید خپلواکه او د ټاکنو پر بهیر خلک ډاډمن کړي؛ د ګوندونو لخوا باید دا بهیر مسلکي شي، نوماندان او د مدني بنسټونو استازي دې پېنځه پېنځه تخنیکي کسان غوره او د درې ورځو په دننه کې دې خپل وړاندیزونه څرګند کړي، چې له مخې یې د ولسمشر فرمان اعلام شي.          

د ټاکنو خپلواک کمیسیون وایي، که تعدیل قانوني وي د منلو دی او که قانوني نه وي؛ مونږ ته به د منلو وړ نشي.

د ټاکنو خپلواک کمیسیون رییس عبدالبدیع صیاد وایي، چې د ټاکنو په قانون کې هر راز بدلون مونږ ته د منلو دی؛ خو، چې قانوني بڼه ولري. که قانوني بدلونونه رامنځته نشي؛ نه یې د ټاکنو خپلواک کمیسیونونه مني او نه به قانون جوړوونکیو بنسټونو ته د منلو وړ شي.                

د ټاکنو څارونکي بنسټونه وایي، که د ټاکنو قانون له تعدیل وروسته د ټاکنیزو کمیسیونونو، سیاسي اړخونو او حکومت لخوا نقض نشي؛ د ولسمشرۍ راتلوونکې ټاکنې به رڼې تر سره شي.

تازه خبرونه

د ازبکستان بشري مرستې بلخ ته راورسېدې

Published

on

(Last Updated On: غویی ۶, ۱۴۰۳)

نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.

د سیمه‌ییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخان‌دریا د والي له‌خوا د بلخ  چارسمبالي والي ته سپارل شوې ده.

د سرخان‌دریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.

په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.

کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.

Continue Reading

تازه خبرونه

په سیمه او هېواد کې امنیتي پېښې وارداتي دي – امیر خان متقي

Published

on

(Last Updated On: غویی ۶, ۱۴۰۳)

نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان‌-قزاق نندارتون د پرانیستې په مراسمو کې  د افغانستان او سیمې امنیتي پېښې وارداتي یادې کړې دي.

نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.

بل هېواد د هغې لارې پر سر پروت دی، چې امن خرابوونکي افراد ترې راتېریږي.

او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.

ویل کیږي، چې بد امني پر ګډه همکارۍ او همغږۍ له منځه وړل کیږي.

Continue Reading

تازه خبرونه

له اسلامي امارت سره  نړیوالې اړیکې ورځ تر بلې پراخیږي – ذبیح الله مجاهد

Published

on

(Last Updated On: غویی ۶, ۱۴۰۳)

د اسلامي امارت ویاند ذبیح الله مجاهد افغانستان ته د ګڼ‌شمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.

ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.

د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.

د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.

Continue Reading

Trending

Copyright © 2022 Ariana News. All rights reserved!