تازه خبرونه
په عراق کې د عین الاسد پر امریکایي اډه توغندي وتوغول شول
امریکايي چارواکو تر دې دمه د برید د عاملانو هویت ندی په ډاګه کړی؛ خو هلته امریکايي ځواکونه پر ځلونو له یو شمېر ایراني ملاتړو ملېشو سره ښکېل شوي دي.
یوه امریکايي پوځي چارواکي څرګنده کړې، چې د دوشنبې پر شپه ( د زمري پېنځلسمه) په عراق کې د امریکايي او ائتلافي ځواکونو د عین الاسد پر هوايي اډه توغندیز برید شوی، چې په کې څو امریکايي پوځیان ټپیان شوي دي.
رویټرز خبري سرچینې د امریکايي چارواکو د څرګندونو له مخې لیکلي؛ په دې برید کې لږ تر لږه پېنځه امریکایان ټپیان شوي، چې د یوه روغتیايي حالت د اندېښنې وړ دی.
یوې امنیتي سرچینې ویلي، توغندي د اډې دننه لګېدلي دي.
دغه راز واشنګټن پوسټ هم د عراق د پوځ د چارواکو د څرګندونو له مخې خبر ورکړی، چې د عین الاسد په هوايي اډه د تېرې ورځې د برید له کبله څو امریکايي پوځیان ټپیان شوي دي.
چارواکو په یوه خبرپاڼه کې څرګنده کړې، چې دوی له برید وروسته د زیانونو ارزونه پیل کړې ده.
امریکايي چارواکو تر دې دمه د برید د عاملانو هویت ندی په ډاګه کړی؛ خو هلته امریکايي ځواکونه پر ځلونو له یو شمېر ایراني ملاتړو ملېشو سره ښکېل شوي دي.
دا برید د سیمې په داسې سختو شرایطو کې رامنځته شوی، چې امریکایي او اسرائیلي چارواکي په تهران کې د حماس د یوه لوړپوړي مشر اسماعیل هنیه او له بیروت څخه بهر د حزب الله د یوه قومندان د وژلو په اړه د ایران د ګواښ ځواب ته چمتووالی نیسي.
پنټاګون هڅه کوي، چې د خپلو تجهیزات ځای بدل او منځني ختیځ او اروپا ته اضافي ځواکونه واستوي او پر اسرائیلو د احتمالي برید مخه ونیسي.
د امریکا بهرنیو چارو وزارت ويلي؛ د څو ډیپلوماټیکو لارو یې ایران ته پیغام استولی، چې په سیمه کې د تاوتریخوالي زیاتوالی د تهران په ګټه ندی او ټینګار شوی، چې امریکا به د هر ډول پوځي ګواښ پر وړاندې له اسرائیلو دفاع وکړي.
د امریکا بهرنیو چارو وزارت ویاند مټیو میلر د دوشنبې پر ورځ ( د زمري پېنځلسمه) له خبریالانو سره په خبرو کې ویلي، چې د ایران لهخوا پر اسرائیلو د برید د شونتیاوو په اړه شک نهکیږي؛ خو پرېکړه یې له ایران سره تړاو لري.
میلر وایي: مونږ په پرلهپسې ډول د ډیپلوماټیکو لارو پیغامونه استولي او هېوادونه مو هڅولي او له ایران مو غوښتي، چې تاوتریخوالی د دوی په ګټه ندی او مونږ به د اسرائیلو دفاع کوو.
تازه خبرونه
په لندن کې د کوربه هېواد د مقاماتو په غوښتنه د افغانستان سفارت تړل کیږي
نوموړي د یکشنبې پر ورځ (د وږي اتلسمه) په ایکس پاڼه کې لیکلي، چې د افغانستان سفارت دروازه به له درې اوونیو څخه په لږ وخت کې ( د روان کال د تلې پر شپږمه / د روان کال د سپټمبر پر اووهویشت مه) وتړل شي.
په لندن کې د افغانستان د پخواني حکومت سفیر زلمی رسول ويلي؛ د بریټانیا د حکومت د رسمي غوښتنې له مخې به د هېواد سفارت وتړل شي.
نوموړي د یکشنبې پر ورځ (د وږي اتلسمه) په ایکس پاڼه کې لیکلي، چې د افغانستان سفارت دروازه به له درې اوونیو څخه په لږ وخت کې ( د روان کال د تلې پر شپږمه / د روان کال د سپټمبر پر اووهویشت مه) وتړل شي.
تازه خبرونه
په نایجریا کې د ګازو د ټانکر د ټکر او چاودنې له کبله ۴۸ کسان مړه شول
سیمه ییزو سرچینو ویلي، چې ټکر د د یکشنبې پر سهار رامنځته شوی او د چاودنې له کبله دواړه موټرونه سوځېدلي دي.
د نایجیریا د طبیعي پېښو پر وړاندې د مبارزې ادارې څرګنده کړې، چې د نایجریا په مرکز کې د ګازو د یوه ټانکر د ټکر او چاودنې له کبله لږ تر لږه ۴۸ کسان مړه شوي دي.
سیمه ییزو سرچینو ویلي، چې ټکر د د یکشنبې پر سهار رامنځته شوی او د چاودنې له کبله دواړه موټرونه سوځېدلي دي.
مرستندویه ډلې سیمې ته استول شوي او د راپورونو له مخې په دې چاودنه کې یو شمېر نور موټر هم سوځېدلي دي.
له پېښې سمدستي وروسته له سیمې څخه اخیستل شوي انځورونه ښيي، چې دوه موټر په بشپړه توګه سوځېدلي او یو شمېر څاروي هم له منځه تللي دي.
له پېښې وروسته یوه مرستندویه کارکوونکي رویټرز خبري سرچینې ته ویلي؛ دوی د مړو او مردارو څارویو د راټولولو هڅې روانې ساتلي دي.
تازه خبرونه
په خوست ولایت کې د افغانستان او پاکستان د سرحدي ځواکونو جګړه پای ته ورسېده
دغه وزارت د رسمي پولو د ساتلو په موخه د هېواد صفري نقطې، چې د ډیورنډ د فرضي کرښې په ګډون یې له ایران او ترکمنستان سره ګډې پولې ارزولي دي.
د خوست ولایت په ځاځي میدان ولسوالۍ کې د اسلامي امارت د سرحدي ځواکونو او پاکستانيو ځواکونو ترمنځ شخړه د سرحدونو او قبایلو چارو وزارت د امنیتي کمیټې پر منځګړتوب حل شوه.
دغه راز د سرحدونو، قومونو او قبايلو چارو وزارت چارواکو ويلي، چې په سرحدونو کې د نښو د نويو کولو د کار يوه لويه برخه یې بشپړه کړې ده. په تېر کال کې دغه وزارت ۳۰۴ لویې شخړې او ۵۲۵ د کوچنیو دښمنیو پېښې حل کړي، چې په پایله کې یې سلګونه کسانو ته مرګ او ژوبله او د میلیونونو افغانیو مالي زیانونه اوښتي دي.
د دغه وزارت چارواکو ويلي؛ د سرحدونو ساتنه د دغه وزارت له لومړیتوبونو څخه ده او په تېر یو کال کې په دې اړه جدي هڅې ترسره شوې دي.
دغه وزارت د رسمي پولو د ساتلو په موخه د هېواد صفري نقطې، چې د ډیورنډ د فرضي کرښې په ګډون یې له ایران او ترکمنستان سره ګډې پولې ارزولي دي.
دغه راز په تېر کال کې دغه وزارت له اړوند څانګو سره د ۷۰۰ چاپېریالي ستونزې اړوند ادارو ته وړاندې کړي او په دې برخه کې یې ۴۰۰ پروژې پلې کړې دي.
دغه وزارت د هېواد په ۸ ولایتونو کې د کرنې، نفوسو، مساحت، پراختیا او مالدارۍ په برخو کې څېړنې کړي او تر اوسه څه باندې ۷ زره کسان د دغه وزارت په اړوند عالي لېسو کې زدهکړې کوي.
دغه وزارت له یو شمېر کوچیانو کورنیو سره نغدي مرسته کړې او د کوچیانو د درملنې لپاره یې په ټول هېواد کې ۱۰۰ ګرځند روغتیايي ډلې، ۱۱ کلینیکونه او د څارویو د درملنې ۶۰ مرکزونه جوړ کړي دي.
-
لوبی2 days ago
د افغانستان فوټسال لوبډله تاشکند ته ورسېده
-
لوبی4 days ago
د نیوزیلینډ کرکټ ملي لوبډله له افغانستان سره د ټسټ لوبې لپاره هند ته ورسېده
-
نړۍ5 days ago
په امریکا کې د یوه ښوونځي زدهکوونکي ۱۳ کسنو ته مرګ او ژوبله اړولې
-
تازه خبرونه4 days ago
معلوماتو ته د بشپړ لاسرسی نشتوالی د خبریالانو یوه لویه ننګونه ده
-
نړۍ5 days ago
امریکا دې د روسیې سره کرښه نه هېروي – سرګی لاوروف
-
تازه خبرونه4 days ago
افغانستان تجزیه کېدونکی هېواد ندی – عباس ستانکزی
-
تازه خبرونه5 days ago
اسلامي امارت د قرغزستان د ممنوعه ډلو له نوملړه لرې کېدا وستایله
-
تازه خبرونه5 days ago
د کانونو او پټرولیم وزارت چارسمبالي د ترکیې له سفیر سره وکتل