Connect with us

تازه خبرونه

عمران خان اسامه بن لادن ته د شهید خطاب وکړ

Ariana News

خپور شوی

 په

(Last Updated On: June 26, 2020)

د پاکستان لومړي وزیر عمران خان د القاعده شبکې مشر اسامه بن لادن «شهید» نومولی دی.

خان، چې تېره ورځ د پاکستان پارلمان ته پر ترهګرۍ د امریکا د وروستي راپور په اړه خبرې کولې؛ د دې هېواد پخوانيو مشرانو ته ګوته ونیوله، چې په سیمه کې یې د ترهګرۍ پر وړاندې له امریکا سره مرسته یوه تېروتنه وه. 

نوموړي همدارنګه ویلي، چې امریکا په افغانستان کې د خپلو ناکامیو د پټولو پړه پر پاکستان اچوي او سپکاوی یې هم کوي.

له ټولو بده هغه دا، چې د ۲۰۱۱ کال د می پر دوه یمه؛ نیمه شپه د امریکا ځانګړیو ځواکونو د پاکستان د اردو ګارنیزیون ته نږدې په ابیت آباد ښار کې د اسامه بن لادن پر کور برید وکړ؛ هغه او یو شمېر ملګري یې ورته ووژل، خو د وخت چارواکو غوږونه کاڼه کړل او ان ځان یې هم پرې خبر نکړ. 

عمر خان ویلي؛ مونږ د ترهګرۍ پر وړاندې په مبارزه کې د پاکستان ترڅنګ یو؛ خو دوی دلته برید وکړ او اسامه بن لادن یې وواژه او “شهید” یې کړ. دوی مونږ ته له سپکاوي ډکه ژبه وکاروله او د عملیاتو په اړه یې مونږ خبرهم نکړو. په داسې حال کې، چې د ترهګرۍ په ضد جګړه کې مو ۷۰۰۰۰ کسان له لاسه ورکړي دي.

ښاغلي خان زیاته کړې: لکه څنګه، چې مونږ د ترهګرۍ په ضد جګړه کې له امریکا ملاتړ وکړ او هغه سپکاوی، چې په بدل کې یې مونږ ورسره مخ یو… دوی مونږ په افغانستان کې د خپلې ناکامۍ په بدل کې تورن کړي یو. دوی په ښکاره مونږ په افغانستان کې د خپلې ناکامۍ مسوول بولي او ملامتوي مو. په داسې حال کې، چې خپله بریالي ندي. 

د پاکستان د لومړي وزیر څرګندونې په داسې حال کې په ډاګه کیږي، چې امریکا پرلپسې پر پاکستان له ترهګرۍ څخه د ملاتړ تور پورې کړی دی.

د امریکا د بهرنیو چارو وزارت د ۲۰۱۹ کال د ترهګرۍ د ارزونې په کلني راپور کې پاکستان وسلوالو ډلو لکه افغان طالبانو او حقاني شبکې ته د پوځي هڅو اجازه ورکړې، چې د دوی له خاورې پر افغانستان بریدونه ترسره کړي.

دغه راز په راپور کې راغلي، چې پاکستان نه یوازې حقاني شبکې او افغان طالبانو ته، بلکې لشکر طیبه او جیش محمد ته هم اجازه ورکړې، چې د هند پر وړاندې بریدونه تر سره کړي.

پاکستان، سعودي عربستان او متحده عرب امارات یوازني هېوادونه دي، چې د طالبانو رژیم یې پر رسمیت پېژندلی و؛ خو پاکستان د سپتمبر ۲۰۰۱ له ۱۱ راپدیخوا له تروریزم سره په مبارزه کې د امریکا ملاتړ کړی او په سیمه کې د هغه هېواد ملګری پاتې دی.

تازه خبرونه

په کاپیسا کې ناڅرګندو وسلوالو ښځینه پولیسه وژلې

Ariana News

خپور شوی

په

توسط

(Last Updated On: July 26, 2021)

د کاپیسا پولیسو ویلي، چې تېره شپه په خپل کور کې یوه ښځینه پولیسه وژل شوې ده.

د کاپیسا د پولیسو ویاند عبدالشایق شورش ویلي، چې دغه پېښه د یکشنبې پر شپه شاوخوا ۹ بجې د دغه ولایت د کوهستان ولسوالۍ د شیرک پیرک په سیمه کې رامنځته شوې ده.

د پولیسو د څرګندونو له مخې، دغه يولیس افسره په خپل کور کې وژل شوې ده.

د وژنې علت ناڅرګند دی؛ خو شورش وايي، چې پدې اړه يې پلټنې پيل کړي دي.

تر دې دمه کومې ډلې یا فرد د برید مسولیت ندی منلی.

Continue Reading

تازه خبرونه

که د تاوتریخوالي مخنیوی ونشي د ملکي وګړیو مرګ و ژوبله به ډېره شي – راپور

Ariana News

خپور شوی

په

توسط

(Last Updated On: July 26, 2021)

په افغانستان کې د ملګرو ملتونو مرستندویه پلاوي د دوشنبه پر ورځ خبرداری ورکړی، چې د روانې جګړې او د دې په پایله کې د اغېزمنو خلکو وژنو، بد چلند، تعصب او تبعیض له رامنځته کېدو اندېښمن شوي دي.

ملګرو ملتونو د دوشنبې پر ورځ د زمري ۴ په ډاګه کړې؛ که په افغانستان کې اړین او بنسټیز ګامونه پورته نشي، په ۲۰۲۱ زېږدیز کال کې به ملکي مرګ ژوبله بېسارې لوړه شي.

د ملګرو ملتونو راپور، چې نن خپور شوی ښیي؛ له هغه مهاله، چې یوناما په افغانستان کې د ملکي مرک و ژوبلې ثبتول پیل کړي؛ د سږني ۲۰۲۱ زېږدیږ کال ملکي زیانونو تر ټولو لوړه کچه رامنځته کړې ده.

یوناما څرګنده کړې؛ د روان ۲۰۲۱ زېږدیز کال په تېرو ۶ میاشتو کې له وسلوالو جګړو ۵۱۸۳ ملکي تلفات (۱۶۵۹ وژل شوي او ۳۲۵۴ ژوبل) ثبت شوي، چې د ۲۰۲۰ کال د ورته مهال په پرتله ۴۷ په سلو کې زیاتوالی ښيي.

یوناما د مې او جون په میاشتو کې ځاني زیانونه د اندېښنې وړ بولي او څرګندوي؛ ټولټال ۲۳۹۲ تنو ته مرګ ژوبله اوښتې (۷۸۳ وژل شوي او ۱۶۰۹ ټپیان) چې دا له ۲۰۰۹ کال راپدیخوا، چې یوناما په منظم ډول د ملکي تلفاتو ثبتول پیل کړي؛ ترټولو لوړ شمېر دی. د ۲۰۲۱ له جنورۍ تر اپریل میاشتو موده کې ۲۷۹۱ ملکي کسانو ته مرګ و ژوبله اوښتې (۸۷۶ وژل شوي او ۱۹۱۵ ټپیان).

د افغانستان لپاره د ملګرو ملتونو ځانګړې استازې ډيبرا لاينز ويلي: زه له طالبانو او حکومتي مشرانو هیله کوم، چې د جګړو بې خونده او وحشتناکې تراژیدۍ او پر ملکي وګړیو يې ويجاړوونکیو اغېزو ته پام وکړي. دا راپور ښکاره خبرداری ور کوي، چې که د مخ پر ډېرېدونکي تاوتريخوالي مخه ونه نيول شي؛ نو سږکال به ملکي افغانانو ته درنده مرګ و ژوبله واوړي.

د ملګرو ملتونو ځانګړې استازې، چې د یوناما مشره هم ده پر طالبانو او حکومتي مشرانو غږ کړی، چي: د خبرو اترو پر میز خپلې هڅې چټکې کړي او د افغان پر وړاندې د افغان د جګړې مخه دې ونیسي؛ افغانان دې خوندي کړي او د هغوی د ښه راتلونکي لپاره دې هیله من شي.

د یوناما د راپور له مخې؛ د می او جون په خونړیو میاشتو کې ډېرې جګړې له ښارونو بهر نسبتآ کم نفوسه سیمو کې ترسره شوي دي. ملګري ملتونه سخته اندېښنه لري، چې که په ښاري ګڼمیشتو سیمو کې پوځي کړنې ترسره شي؛ نو د ملکي وګړیو لپاره به یې پایلې ناورین رامنځته کوونکې وي.

ملګري ملتونه ښکېلو لوریو ته د ملکیانو د خوندیتوب په برخه کې د دوی نړیوال مسوولیتونه وریادوي او د دوی ځانګړیو هڅو ته نغوته کوي، چې ترټولو وروستۍ هغه یې د ۲۰۲۱ کال د جولای پر ۱۸مه نېټه د حکومتي او طالب استازیو ترمنځ د قطر په دوحه کې ګډه خپره شوې بیانیه ده، چې دوی په کې ملکي وګړیو ته د ځاني زیان نه رسیدو ژمنه کړې ده.

دیوناما ځانګړې غونی ځیږوو اندېښنه داده: د ۲۰۲۱ کال په لومړۍ نیمايي کې نږدې نیمايي ملکي مرګ و ژوبله ښځو، هلکانو او نجونو ته وراوښتې او د ټولو ملکي تلفاتو ۴۶ په سلو کې برخه جوړوي، چې ۳۲ په سلو کې (۱۶۸۲ ) یې بیا ماشومان(۴۶۸ وژل شوي او ۱۲۱۴ ټپیان). ۱۴ په سلو کې تلفات ښځو ته اوښتي، چې ټول ۷۲۷ کسان کیږي (۲۱۹ وژل شوي او ۵۰۸ ټپیان). ډېره ځوروونکې بیا داده، چې د بل هر کال د لومړۍ نیمايي پر پرتله، چې یوناما یې تلفات ثبت کړیدي؛ د سږکال په لومړي نیمايي کې ډېري ښځې او ماشومان وژل شوي او تپیان دي.

یوناما دا هم څرګنده کړې؛ د حکومت مخالف عناصر د ټولو ملکي تلفاتو د ۶۴ په سلو کې مسوولیت لري، چې: ۳۹ په سلو کې یې د طالبانو، نژدې ۹ په سلو کې یې د اسلامي دولت د خراسان ډلې لخوا او ۱۶ په سلو کې یې د نامشخصو حکومت مخالفو ډلو لخوا رامنځته شوي دي.

دغه راز حکومت پلوي ځواکونه د ۲۵ په سلو کې ملکي تلفات مسوولیت لري، چې: ۲۳ په سلو کې د افغانستان د ملي امنیتي ځواکونو او ۲ په سلو کې یې د حکومت پلوه وسلوالو ډلو او نامشخصو حکومت پلوو ځواکونو لخوا رامنځته شوي دي.

یوناما د ټولو تلفاتو ۱۱ په سلو کې د ځمکنیو جګړو او ډزو له کبله او نورو پېښو لکه د ناچاوده توکو او د پاته شویو چاودیدونکیو توکو له امله رامنځته شویو چاودنو ته منسوبوي، چې مشخص اړخ یې نشي په ګوته کیدی.

د ۲۰۲۰ کال د ورته مودې په پرتله، حکومت ضد عناصرو ته منسوب ملکي تلفات۶۳ سلنه ډېر شوي. پداسې حال کې، چې دولت ته منسوبو ځواکونو له لوري ملکي تلفات ۳۰ سلنه ډېروالی ښیي.

د افغان ځواکونو ویاند جنرال عمر شینواري نن په کابل کې یوې خبري غونډې ته وینا وکړه او د افغان ځواکونو لخوا د ملکي تلفاتو په اړه یې د یوناما راپور رد کړ.

هغه ویلي، چې امنیتي ځواکونو د ملکي تلفاتو د مخنیوي لپاره له ډېریو سیمو شاتګ کړی دی.

دغه راز طالبانو هم د ملکي تلفاتو په اړه د یوناما راپور رد کړی او هغه یې یو اړخیز او له دروغو ډک نومولی دی.

طالبانو په ډاګه کړې: په تېرو شپږ میاشتو کې د اسلامي امارت مجاهدین په قصدي ډول ملکیان وژلي یا بریدونه ترسره کړي چې کېدای شي د ملکي وګړو تلفات اړولی شي.”

د یادونې وړ ده، چې یوناما له ۲۰۰۹ کال راپدیخوا په سیستماتیک ډول د ملکي تلفاتو ثبتول پیل کړي؛ خو دا لومړی ځل دی، چې نړیوالو ځواکونو ته د ملکي تلفاتو یوه پېښه هم نده منسوب شوې.

Continue Reading

تازه خبرونه

د افغان ځواکونو د ملاتړ لپاره به پر طالبانو هوایي بریدونه راوان ساتو – مریکا

Ariana News

خپور شوی

په

توسط

(Last Updated On: July 26, 2021)

 د امریکایي پوځ د مرکزي قومندانۍ قومندان جنرال کېنټ مککنزي د یکشنبې پر ورځ په خپلو تازه څرګندونو کې ویلي؛  طالبانو خپل بریدونه او تاوتریخوالی ډېر کړی؛ نو دوی اړ دي، چې د افغان ځواکونو د ملاتړ لپاره هوایي بریدونه روان وساتي.

د ده په خبره دوی به په اړینو مواردو کې له بهره د طالبانو پر ضد هوایي بریدونه کوي.

مکینزي دغه راز ویلي چې افغان ځواکونه له سخت وضعیت سره مخ دي؛ خو د دې وړتیا لري، چې خطرونه دفع کړي.

د امریکا سمندري جنرال کېنیت فرانک مککنزي په کابل کې یوه خبري کنفرانس ته څرګنده کړې؛ امریکا په تېرو څو ورځو کې د افغان ځواکونو پر ملاتړ هوایي بریدونه ډېر کړي او مونږ چمتو یو، چې د طالبانو د بریدونو د مخنیوي لپاره په راتلونکیو اوونیو کې خپل ملاتړ پراخه او روان وساتو.

هغه زیاته کړې، چې له افغان ځواکونو به د جګړې په ډګر کې د امریکا ملاتړ روان وي.

مککنزی، چې په سیمه کې د امریکا د مرکزي قومندې رهبري کوي؛ یوې پوښتنې ته، چې آیا امریکایي ځواکونه به د اګست پر ۳۱ د پوځي ماموریت له پای ته رسیدو وروسته هم هوایي بریدونه کوي؛ له ځواب ویلو ډډه کړې ده.

هغه یو ځل بیا ویلي، چې د طالبانو اوسنی تاوتریخوالی د منلو ندی او په افغانستان کې د جګړې د ختمولو یوازنۍ لار د سولې خبرې دي.

مککنزي له ولسمشر غني سره هم کتلي او له نوموړي سره یې په خبرو کې ټینګار کړی، چې له افغان ځواکونو به خپل ملاتړ روان ساتي.

ولسمشرۍ په ډاګه کړې؛ تېر ماښام اشرف غني د امریکا د پوځ مرکزي قومندانۍ (سنتکام) له قومندان جنرال مککنزي سره وکتل او دواړو لوریو د افغان امنیتي او دفاعي ځواکونو د لومړیتوبونو او د دوی د ملاتړ او همداراز د امنیتي وضعیت د ښه والي په اړه بحث او خبرې وکړې.

د یادونې ده، چې د امریکا ولسمشر جو بایډن د روان کال په اپریل میاشت کې ویلي وه؛ امریکایي سرتېري به د سپټمبر تر پایه وباسي او په افغانستان کې به شل کلن بهرنی پوځي حضور پای ته ورسوي.

Continue Reading

Trending

آریانا نیوز: ټول حقونه خوندي دي