Connect with us

تازه خبرونه

پر افغان ځواکونو د بریدونو د مخنیوي لپاره؛ له افغان ځواکونو ملاتړ کوو-ناتو

خپور شوی

 په

(Last Updated On: وری ۲۴, ۱۳۹۹)

د غوڅ ملاتړ ماموریت ځواکونو خبرداری ورکړی، چې د امریکا او طالبانو د سولې د هوکړې له مخې؛ که طالبان پر افغان ځواکونو بریدونه روان وساتي؛ دوی به د افغان ځواکونو ملاتړ کوي.

داسې ښکاري، چې د امریکا او طالبانو د سولې له هوکړې وروسته پر افغان ځواکونو د طالبانو د بریدونو د سختیدو په اړه د غوڅ ملاتړ ماموریت د صبر کاسه ډکه شوې ده.

دا ځواکونه پر افغان امنیتي ځواکونو د طالبانو د بریدونو د دوام په صورت کې طالبانو ته خبرداری ورکوي.

په افغانستان کې د ناټو ځوکونو ویاند له طالبانو غواړي، چې له تاوتریخوالي لاس واخلي او بریدونه ودروي.

په افغانستان کې د بهرنیو ځواکونو ویاند سني لګیت څرګنده کړې؛ امریکا له هوکړې سرغړونه نده کړې، مونږ پر کراتو ویلي، چې که پر افغان ځواکونو برید وشي، مونږ به ترې دفاع کوو او دا کار به د هوکړې پربنسټ کیږي.

د افغانستان د ملي دفاع وزارت ویلي، چې په ځینو وختونو کې افغان ځواکونه د نړیوالو ځواکونو ملاتړ ته اړتیا پیدا کوي.

د  ملي دفاع وزارت د ویاند مرستیال  فواد امان وایي، چې دمګړۍ دېر پوځي عملیات زمونږ خپل ځواکونه تر سره کوي؛ خو په یو شمېرځانګړیو عملیاتو کې د غوڅ ملاتړ ماموریت ځواکونه برخه اخلي.          

د ملي امنیت شورا له طالبانو غواړي، چې که د سولې پرمختګ ته لیوالتیا لري؛ باید اوربند وکړي.

د دوی د څرګندونو له مخې؛ یوازې په تېرو اووه ورځو کې طالبانو دېرش ملکیان وژلي دي. 

د ملي امنیت شورا ویاند جاوید فیصل وایي: طالبانو په اووه ورځو کې  لږ تر لږه دېرش ملکیان په نهه ولایتونو کې وژلي او دوه نور یې ټپيان کړي دي.

ډېر وژل شوي کسان د سړک غاړې په ماینونو او چاودنو کې وژل شوي دي. طالبان باید ملکيانو ته د زیان نه رسیدو او سولې بهیر د پرمختګ په موخه اوربند وکړي.

دا په داسې حال کې ده، چې د امریکا او طالبانو ترمنځ د سولې هوکړې په ډاګه کړې؛ چې که طالبان له دې هوکړې سرغړونه وکړي بهرني ځواکونه حق لري، چې پروړاندې یې پوځي عملیات ترسره کړي.

تازه خبرونه

په هرات کې د ا.ا.ا ځواکونو ۴ انسان تښتوونکي ووژل

خپور شوی

په

توسط

(Last Updated On: تله ۳, ۱۴۰۰)

د هرات امنیتي چارواکو منلې، چې څلور انسان تښتوونکي نن سهار د ښار په څوارلسمه ناحیه کې د اسلامي امارت د ځواکونو لخوا ووژل شول.

په هرات کې د څوارلسمې امنیتي حوزې قومندان ويلي، چې سړي تښتوونکیو له ۱۲ ناحیې څخه یو پلار او زوی تښتولي او څوارلسمې حوزې ته یې وړي دي.

د څوارلسمې امنیتي حوزې قومندان مولوي جلالي ويلي، چې دا کسان څلور کسان ول، چې د اسلامي امارت له ځواکونو سره په نښتو کې وژل شوي دي.

د چارواکو د څرګندونو له مخې؛ تښتول شوي پلار او زوی دواړه خوشې شوي دي.

Continue Reading

تازه خبرونه

په ننګرهار کې چاودنې اته کسانو ته مرګ و ژوبله اړولې

خپور شوی

په

توسط

(Last Updated On: تله ۳, ۱۴۰۰)

نن سهار شاوخوا اته بجې د جلال آباد ښار د لومړۍ ناحيې اړوند “سراج العمارت ” باغ ته نږدې د اسلامي امارت پر يو موټر د سړک غاړې ماین چاودنه شوې.

د ننګرهار د رسنیو چارواکي چاودنه او په کې مرګ و ژوبله تائيدوي؛ خو وايي؛ تر دې دمه د تلفاتو جزئيات معلوم ندي.

د پېښې عيني شاهدانو ويلي؛ د طالبانو يو نظامي کاروان له سيمې څخه د تېريدو په حال کې و، چې په ګلدان کې د ځاي پرځاى شویو چاودېدونکیو توکو له چاودنې مرګ و ژوبله رامنځته شوې ده.

د ننګرهار د حوزوي روغتون سرچينې وايي، د پېښې له ځايه روغتون ته د يوه امنیتي کس مړى او ” اووه ” ټپيان رالېږدول شوي، چې په ټپيانو کې درې عام وګړي او يو د ښاروالۍ کارکوونکى دي.

تر دې دمه د چاودنې پره چا پر غاړه نده اخیستې.

Continue Reading

تازه خبرونه

امریکا د مرستو د آسانولو لپاره پر افغانستان دوه بندیزه لرې کړل

خپور شوی

په

توسط

(Last Updated On: تله ۳, ۱۴۰۰)

امریکا ویلي، چې د طالبانو تر کنټرول لاندې افغانستان ته د بشري مرستو آسانه تر سره کولو لپاره یې پر افغانستان خپل دوه بندیزه لرې کړي دي.

د امریکا د خزانې وزارت په ډاګه کړې: نادولتي بنسټونه، نړیوالې ټولنې او ملګري ملتونه اجازه لري، چې له اسلامي امارت او حقاني شبکې سره که څه هم تر بندیزونو لاندې دي؛ بیا هم افغانستان ته د بشري مرستو د رسولو لپاره اړیکې ټینګې کړي.

یاد وزارت زیاته کړې، چې دوی افغانستان ته د خواړو، درملو او نورو توکو صادراتو ته هم اجازه ورکوي.

د متحده ایالاتو د خزانې وزارت د بهرنیو شتمنیو کنټرول دفتر رییس ، اندریا ګاسکي ویلي، چې څانګه له مالي بنسټونو، نړیوالو ټولنو او نادولتي بنسټونو سره کار کوي، چې اړمنو خلکو ته د کرنیزو توکو، درملو او نورو توکو لیږدول آسانه کړي.

د خزانې وزارت زیاته کړې، چې دوی د افغانستان خلکو ته د بشردوستانه مرستو او نورو فعالیتونو د ترسره کولو لپاره ژمن دی او لومړنۍ بشري اړتیاوې به یې پوره کړي.

د افغانستان د سوداګرۍ او پانګونې خونه وايي، چې په ډې مواردو کې د خصوصي سکتور نږ دې دوه نیم میلیارده ډالر، چې د افغانستان د حکومت له پیسو سره بندې وې؛ هغې ته هم اجازه ورکړ شوې ده.

د خصوصي سکتور غړي وايي، د دې مواردو په لري کیدو به اوس د هېواد په مارکیټونو کې کمښت رامنځته نشي.

د خصوصي سکتور د خونو د فډراسیون مرستیال خاجان الکوزی وایي: د خصوصي سکتور څه کم دوه میلیارډ ډالر کولی شي د یو معین پرو سیجر له  مخي انتقال پیدا کړې او خصوصي سکتور د امریکا له دې کړنې هرکلی کوي او هغه بنسټونه، چې خیریه بنسټونه دي؛ هغه هم مهم دي.

د خصوصي  سکتور غړي د امریکا له متحده ایالاتو غوښتنه کوي، چې له دوی  سره هغه نوري پیسي، چې ور سره بندې دي؛ آزادې کړي، چې په هېواد کې بېرته اقتصادي فعالیتونه له سره پیل شي.

د چارو پوهان هم د امریکا لخوا روستۍ هڅې ستايي.

اقتصادي کارپوه تاج محمد تلاش ویلي: فکر کوم، چې امریکا هغه سخت بندیزونه او تحریمونه کرار کار لری کړي؛ ځکه، چې د بندیزونو زیان مطلق ولس ته رسېده؛ نو د بندیزو نو له کموالو سره به د هېواد پر اقتصادي نظم مثبت اغېز رامنځته شي.

د خصوصي سکتور غړي د افغانستان له اسلامي امارته غوښتنه کوي، چې د اقتصادي تحریمونو د کمولو لپاره دې له نړیوالې ټولني سره خپلي اړیکې تنظیم کړي، چې هېواد له اقتصادي بحران سره مخ نشي.

ملګرو ملتونو هم ویلي، چې د افغانستان شاوخوا نیمايي خلک بشري مرستو ته اړتیا لري.

دا په داسې حال کې ده، چې افغانستان دا مهال له مخ پر ودې اقتصادي بحران سره مخ دی؛ د خواړو او سوند توکو بیې چټکۍ لوړې شوي او د نغدو پیسو کچه هم راټیټه شوې ده.

Continue Reading

Trending

آریانا نیوز: ټول حقونه خوندي دي