Connect with us

تازه خبرونه

پر اترا نیوکه کوونکي دي خپل شکایتونه رسمي ثبت کړي

Ariana News

خپور شوی

 په

(Last Updated On: وری ۱۰, ۱۳۹۸)

د افغانستان د مخابراتو د تنظیم ادارې (اترا) د موبایل خدمتونو پر نیوکه کوونکیو غږ کړی، چې خپل شکایتونه دې په رسمي توګه له دوی سره ثبت کړي.

په ټولنیزو رسنیو کې د افغانستان د مخابراتو د تنظیم پر اداره له نیوکو وروسته دې ادارې غبرګون ښودلی؛ د ګرځند پر ځينوشبکو نیوکې دي، چې مخابراتي او انترنتي خدمتونه یې قیمته او کمزوري دي او په ځينو مواردو کې له مشتریانو پرته له کوم دلیل څخه پیسې ګرزوي.

د اترا مسوولین وايي، چې شکایت کوونکي باید خپل شکایتونه په رسمي توګه له دوی سره ثبت کړي.

د اترا ادارې ريیس محمد مجیب عزیزي وایي: د اترا چېرې ده کمپیاین روان دی! د رسنیو له لارې مونږ وایو، چې اترا شته او ځواب ورکوونکې هم ده. اترا نه له قانون لوړه ده او نه ځان ترې لوړ ګڼي.

نوموړي زیاته کړې؛ هغه مخابراتي شرکتونه جریمه شوي، چې د  دوی له کړنلارو یې سرغړونه کړې ده.

په بازار کې له راجستر پرته د ځينو مخابراتي شبکو د سیمکارتونو پلور بله هغه ستونزه ده، چې هېوادوالو ته یې سرخوږی جوړ کړی دی.

د اترا تخنیکي مرستیال نقیب الله سیلاب وايي؛ تر هغې، چې ټول افغانان برښنايي تذکرې تر لاسه نکړي، پرغیر قانوني توګه د سیمکارتونو د پلور مخنیوي ناشونی دی.

لدې مخکې هم اترا ادارې د مخابراتي شرکتونو د نا قانونه کړنو د مخنیوي ژمنه کړې وه؛ خو په ټولنیزو رسنیو کې اوس هم پرې نیوکې کیږي، چې پخپلو ژمنو نده دریدلې او خلک له ګڼو ستونزو سره مخ دي.

Continue Reading
Advertisement

تازه خبرونه

د افغانانو ترمنځ د خبرو پیلولو لپاره مشورتي جرګه یو ښه فرصت دی- پمپیو

Ariana News

خپور شوی

په

توسط

(Last Updated On: زمری ۱۷, ۱۳۹۹)

د امریکا بهرنیو چارو وزارت د افغانستان د سولې مشورتي لویه جرګه د افغانانو تر منځ د خبرو پیلولو لپا ره یو تاریخي فرصت بولي او وایي، چې د خپلمنځي خبرو د پیلیدو یوازنی خنډ د طالب بندیانو د پاتې کسانو خوشې کول دي.

ښاغلي پمپیو څرګنده کړې؛ طالبانو ژمنه کړې، چې د افغانانو تر منځ د خبرو له پیلیدو سره سم به تاوتریخوالي راکم کړي.

د امریکا بهرنیو چارو وزیر مایک پمپیو ويلي؛ هېواد یې له ولسمشر غني، د ملي پخلاینې عالی شورا مشر عبدالله عبدالله او د لویې جرګې د غړیو په ګډون له نورو افغان مشرانو غواړي، چې د سولې لپاره د کار دغه تاریخي فرصت غنیمت وچڼي او د سیمه ییز ثبات او نړیوال امنیت د ټینګښت پر لوري ګټور ګامونه پورته کړي.

دغه راز د افغانستان د سولې په چارو کې د امریکا ځانګړی استازی هم وایي، چې مشورتي لویه جرګه افغانانو ته د خپلمنځي خبرو یو تاریخي فرصت دی.

د افغانستان د سولې لپاره د امریکا ځانګړي استازي زلمي خلیلزاد په یو لړ تویتونو کې څرګنده کړې؛ د افغانستان مشورتي لویه جرګه د دغه هېواد خلکو ته یو تاریخي فرصت دی، چې د سولې مستقیمو خبرو اترو وروستی خنډ هم لیرې کړي.

نوموړي ویلي؛ د دغې جرګې مثبته پایله به د تاوتریخوالي کمیدل وي او افغانان به د خبرو اترو میز ته راشي.

زلمی خلیلزاد د جرګې د بریا هیله لري او له ګډونوالو یې غوښتي، چې فرصت غوښتونکیو ته د تخریب او د حالاتو د پېچلي کولو اجازه ورنکړي.

خلیلزاد ټینګار کړی، چې د سولې دغه تاریخي فرصت باید د ټولو خواوو لخوا په پام کې ونیول شي.

ناتو هم مشورتي جرګه د سولې لپاره تاریخي فرصت وباله او هیله دی، چې دا جرګه د سولې لپاره د ملي اجماع په پیاوړي کولو کې ګټوره پایله ولري.

د ناتو ملکي سفیر ستیفانو پونتیکورو وایي: د سولې مشورتي لویه جرګه د بندیانو د خوشې کولو په ګډون د افغانستان د سولې په اړه د خبرو لپاره ښه فرصت دی  او د افغانانو ترمنځ هم خبرو اترو ته لار اواروي. زه هیله کوم، چې په دې جرګه کې برخه اخیستونکي به د سولې پیاوړتیا ته ملي کړنلار په پام کې ونیسي.

د ۴۰۰ طالب بندیانو د خوشې کیدو په اړه د پرېکړې لپاره جوړه شوې مشورتي لویه جرګه به له درې څخه تر پېنځه ورځو پورې روانه وي.

د حقوق پوهانو د باور له مخې، روانه جرګه د دې بندیانو د بښلو واک نلري او په دې اړه باید قانوني چلند ترسره شي.

Continue Reading

تازه خبرونه

د ۴۰۰ طالب بندیانو د برخلیک ټاکلو په اړه مشورتي لویه جرګه پیل شوه

Ariana News

خپور شوی

په

توسط

(Last Updated On: زمری ۱۷, ۱۳۹۹)

د سولې مشورتې لویه جرګه نن جمعه د زمري ۱۷ د اګست ۷ په کابل کې له ټینګو امنیتي تدابیرو سره پیل شوې، چې درې یا پېنځه ورځې به روانه وي.

د دغې جرګې د جوړوونکیو د څرګندونو له مخې؛ د سولې په مشورتي لویه جرګه کې د ۷۰۰ میرمنو په ګډون ۳۲۰۰ کسانو برخه اخیستې، چې د پاتې ۴۰۰ طالب بندیانو او د سولې خبرو په اړه به بحث او خبرې کوي.

دا شورا د ټول هیواد له مخورو مشرانو، د مړني ټولنو له استازیو او سیاستپوهانو څخه جوړه شوې ده.

د سولې مشورتي جرګه به ولسمشر غني ته د سولې په برخه کې مشورې ورکوي.

د امریکایي او طالب استازیو تر منځ د روان کال د فبرورۍ پر ۲۹ د دوحې هوکړه لاسلیک شوې، چې له مخې یې د افغانستان حکومت د ۵۰۰۰ طالب بندیانو او طالبان د ۱۰۰۰ حکومتي بندیانو خوشې کولو ته اړ شول.

طالبانو له اختر یوه ورځ مخکې په ډاګه کړه، چې ټول ۱۰۰۰ حکومتي بندیان یې خوشې کړل او د هوکړې ټاکلی شمېر بندیان پوره شول. اوس طالبان له نړیوالې ټولنې څخه د پاتې ۴۰۰ طالب بندیانو د خوشې کولو غوښتونکي دي او که دا بندیان خوشې نشي؛ خپلمنځی خبرې هم نه پیلیږي.

په هره توګه حکومت وایي؛ پاتې ۴۰۰ طالب بندیانو داسې جرمونه کړي، چې باید خوشې نشي او د برخلیک ټاکلو لپاره یې نن د زمري ۱۷ او د اګست ۷ د سولې مشورتي لویه جرګه جوړه شوه.

ولسمشر اشرف غني د مشورتي لویې جرګې استازیو ته د خبرو په پیل کې وویل؛ د دوحې د هوکړې له مخې افغان حکومت باید ۵۰۰۰ بندیان خوشې کړي ، نه غوښتل شوي بندیان.

هغه وویل، چې حکومت د ۵۰۰۰ بندیانو خوشې کولو ته ژمن ندی؛ خو طالب بندیان د حکومت د سولې د هڅو د یوې برخې په توګه خوشې شوي د ۴۰۰ طالب بندیانو خوشې کول تر دې دمه د افغان حکومت او طالبانو ترمنځ د سولې خبرو د پیل کیدو په لاره کې یو لوی خنډ دی او ولسمشر له مشورتي لویې جرګې غوښتنه کړې، چې دا مسله حل کړي.

دغه راز امریکایي مشرانو د سولې مشسورتي لویې جرګې له کوړیدو هرکلی کړی او په لویه جرګه کې د استازیو راټولول یې په افغانستان کې د سولې لپاره د ملاتړ پیاوړي کولو لپاره ارزښتمن ګام دی.

د امریکا د بهرنیو چارو وزارت په ډاګه کړې؛ له ۴۰ کلنې جګړې، وینې تویولو او ویجاړیو وروسته دواړه خواوې چمتو دي، چې خبرو اترو ته د رسیدو لپاره سیاسي بهیر پیل کړي.

په افغانستان کې د ناتو لوړپوړي ملکي استازی ستیفانو پینتاکورو ویلي؛ لویه جرګه په افغانستان کې د سولې خبرو لپاره یو قرصت دی او د بندیانو آزادول په افغانستان کې د لنډمهاله خبرو پیل کیدو ته زمینه برابروي.

د ستیفانو د تویتي څرګندونو له مخې؛ هغه د جرګې له استازوو هیله کړی، چې په خپلو غونډو کې د سولې لپاره ملي کړنلاره پیاوړې کړي.

Continue Reading

تازه خبرونه

طالبانو په بغلان کې ۲ تېل تانکرونو ته اور اچولي او ۷ نور یې وړي

Ariana News

خپور شوی

په

توسط

(Last Updated On: زمری ۱۷, ۱۳۹۹)

سیمه ییزو سرچینو ویلي، چې وسلوالو طالبانو نن له غرمې مخکې د بغلان – سمنګان پر لویه لار د تېلو دوه تانکرونو ته اور واچاو او اووه نور یې له ځان سره وړی دي.

ځایی سرچینو زیاته کړې، چې وسلوالو طالبانو ۷ نور ټانکرونه له ځان سره د بغلان ولایت د مرکز اړوند ډنډ غوري ته وړي دي.

د دغې لویې لارې مسافرو ویلي، چې طالبانو دغه لار څلور ګړۍ د ترافیکو پر مخ تړلې وه.

ځایی سرچینو ویل، چې طالبانو د پلخمري د اربابانو د چشمه شېر په اړوند سیمه کې تانکرونو ته اور اچولی و او اووه نور یې د پلخمري ډنډ غوري سیمې ته لیږدولي، چې هملته یو لیتر پر ۲۰ افغانیو پلورل کیږي.

په بغلان کې امنیتي چارواکو او وسلوالو طالبانو تر دې دمه په دې اړه څه ندي ویلي.

Continue Reading

Trending