تازه خبرونه
ملګرو ملتونو د افغانستان په اړه د دوحې د ناستې پیل ګټور وباله
په دې دوه ورځنۍ ناسته کې د امريکا، اروپايي ټولنې، روسيې، پاکستان، ايران، سعودي عربستان، هند او نورو هېوادونو په ګډون د ۲۵ هېوادونو استازو او همدارنګه د يو شمېر نړيوالو ټولنونو استازو ګډون کړی دی.
![](https://www.ariananews.af/wp-content/uploads/2024/07/DiCarlo.jpg)
په سیاسي چارو کې د ملګرو ملتونو د عمومي منشي مرستیالې رزماري ډیکارلو د دوحې د درېیمې غونډې پیل ګټور وباله او وايي، چې دوی د افغانستان له خلکو سره د مرستې لپاره اصولي ښکېلتیا غواړي.
رزماري ډیکارلو په ایکس پاڼه کې د لیدونو انځورونو له خپرولو سره لیکلي، چې دوی په ډېرو برخو کې له افغانانو سره د مرستې لپاره د اصولي ښکېلتیا په لټه کې دي او غواړي، چې په دې برخه کې باید تعامل اووسي.
هغې ریاته کړې: د افغانستان په اړه د هېوادونو د ځانګړیو استازو د درېیمې ناستې پیل ګټور و. دا لومړی ځل دی، چې د نړیوالې ټولنې او طالبانو ترمنځ دا ډول ناسته ترسره کیږي. په ډېرو برخو کې له افغانانو سره د مرستې لپاره د اصولي تعامل په لټه کې یوو.
دغه راز د قطر بهرنیو چارو وزارت د خبرپاڼې له مخې؛ دغه ناسته د افغان ولس پر وړاندې د شته ننګونو د له منځه وړلو لپاره د ګډو هڅو په اړه د بحث لپاره یو فرصت و او په افغانستان کې د امنیت او ثبات د ټینګښت لپاره له سیمهییزو او نړیوالو هڅو ملاتړ کوي.
په دې خبرپاڼه کې راغلي؛ محمد بن عبدالعزیز د دوحې په درېیمه غونډه کې د اسلامي امارت د پلاوي ګډون د افغان ولس د اوسنیو ننګونو د اواري لپاره د ګډو هڅو د بحث لپاره یو فرصت وباله.
د قطر د بهرنیو چارو وزیر په پرانیستونکې وینا کې ویلي، چې د افغانستان په اړه د ګډې تګلارې د پراختیا لپاره په ګډو پلانونو کې له پرمختګ څخه خوښ دی او په افغانستان کې د امنیت او ثبات د ټینګښت لپاره له سیمهییزو او نړیوالو هڅو ملاتړ کوي.
دغه راز په قطر کې د اسلامي امارت د سیاسي دفتر مشر سهیل شاهین وايي، نړۍ باید د فشار سیاست پریږدي؛ ځکه، چې کومه پایله یې نده لرلې او اسلامي امارت له نړۍ سره مثبتو اړیکو او تعامل ته چمتو دی.
په دې دوه ورځنۍ ناسته کې د امريکا، اروپايي ټولنې، روسيې، پاکستان، ايران، سعودي عربستان، هند او نورو هېوادونو په ګډون د ۲۵ هېوادونو استازو او همدارنګه د يو شمېر نړيوالو ټولنونو استازو ګډون کړی دی.
اړوند خبرونه:
د پالیسیو په اړه اختلاف طبیعي دی او لګېدلي بندیزونه باید لرې شي – ذبیح الله مجاهد
تازه خبرونه
د چاپان سفیر د بلخ مرستیال والي ته د همکاریو ډاډ ورکړ
د افغانستان په چارو کې د جاپان سفیر تاکایوشي کورمایا د خپلو خبرو پر مهال ویلي؛ دوي هوډ لري، چې په روغتیایي، سوداګریزو او يوشمېر نورو برخو کې خپل فعاليتونه نور هم وغځوي.
![](https://www.ariananews.af/wp-content/uploads/2024/07/japan.jpg)
د بلخ مرستیال والي نورالهادي ابوادریس د افغانستان لپاره د جاپان هېواد د سفیر تاکایوشي کورمایا پر مشرۍ له یوه پلاوي سره په خپل کاري دفتر کې وکتل.
د بلخ ولایت مقام د رسنیو مرکز په ایکس پاڼه کې لیکلي: د دغې کتنې پر مهال د ملګروملتونو پراختيايي پروګرامونو رییس استیون رودریګز او سیمهییزو چارواکو ګډون درلود.
د بلخ مرستیال والي د چاپان هېواد د یوه شمېر پرمختيايي پروژو له پلي کېدا څخه د مننې تر څنګ وبلي: اوسمهال په ټول هېواد کې بشپړ امنیت ټینګ دی او تاسې کولی شئ، چې په دې هېواد کې د پانګهاچونې ترڅنګ ښه همکاري وکړئ.
نوموړي د پاکو ابو نشتوالي، د چګډمونو جوړولو ،له کرنې ملاتړ، د آمو سیند غاړې بنسټیزه بيارغونه، د پرمختيايي او بڼسټیزو پروژو پلي کولو، د ساري ناروغیو د درملنې، د روغتیايي پرسونل پر ظرفیت لوړونې، په لرې پرتو سیمو کې د روغتیايي مرکزونو جوړولو او د جاپان د مرستو او دوامدارې همغږۍ په تړاو د مرستې غوښتنه وکړه.
د افغانستان په چارو کې د جاپان سفیر تاکایوشي کورمایا د خپلو خبرو پر مهال ویلي؛ دوي هوډ لري، چې په روغتیایي، سوداګریزو او يوشمېر نورو برخو کې خپل فعاليتونه نور هم وغځوي.
تاکایوشي وایي: زمونږ د سفر موخه د دې ولایت پر روانو حالاتو او تطبيق شویو پروژو او د دې ولایت اساسي اړتياوي د سروي ترڅنګ ستونزو ته د حل لارې پېدا کول دي.
نوموړي زیاته کړې:د اسلامي امارت له راتګ سره په دې هېواد کې بشپړ امنيت شتون لري او مونږ هم هڅه کوو، چې خپلې زیاتي پروژې پلې کړو.
ویل کیږي، چې د جاپان سفیر د همکاريو د ډاډ ترڅنګ ويلي: چې نړۍ به له افغانستان سره تعامل ته وهڅوي. مونږ نه یوازې د افغانستان تر څنګ ولاړ یوو، بلکې د افغانانو په کورنیو چارو کې مداخله نه کوو او دیني، ملي او کلتوري ارزښتونو ته مو درناوی لرو.
نور اړوند خبرونه:
جاپان دې د تکنالوژۍ او کانونو په برخه کې پانګونه وکړي – عبدالسلام حنفي
تازه خبرونه
د دوحې د مدني ټولنې په غونډه کې مو د ټولو هېوادونو پر ګډون ټینګار نشو کولی – ملګري ملتونه
د ملګرو ملتونو د عمومي منشي ویاند د سېشنبې پر ورځ خبریالانو ته ویلي، چې دا غونډه د ځانګړو هېوادونو د استازو او د اسلامي امارت تر منځ وه او بین الافغاني ناسته نهوه.
![](https://www.ariananews.af/wp-content/uploads/2024/07/Doha-Meeting.jpg)
د ملګرو ملتونو د عمومي منشي ویاند سټیفن ډوجاریک ویلي، دا ټولنه د داسې دریځ لرونکې نده، چې د هېوادونو استازو ته په دې یا هغې غونډه د ګډون ټینګار وړاندې کړي.
سټیفن ډوجاریک وایي، چې د دوحې درېیمه ناسته د افغانانو خپلمنځي ناسته نه وه.
د دوحې له درېیمې ناستې څخه د ښځو او مدني ټولنو د استازو وتل د دې غونډې په دواړو ورځو کې یوه توده موضوع ګرځېدلې وه.
نیوکه کوونکي وايي، ملګرو ملتونو طالبانو ته د دوحې په غونډه کې د ګډون لپاره امتیاز ورکړی دی.
د ملګرو ملتونو د عمومي منشي ویاند د سېشنبې پر ورځ خبریالانو ته ویلي، چې دا غونډه د ځانګړو هېوادونو د استازو او د اسلامي امارت تر منځ وه او بین الافغاني ناسته نهوه.
ډو جاريک زیاته کړې؛ هر ځانګړي استازي کولی شول، چې د بشري حقونو، د ښځو حقونو او د نشهيي توکو پر مسلې خبرې وکړي.
نوموړي ویلي؛ مېرمن ډیکارلو او د یوناما مشرې روزا اوتونبایوا په دې ناسته او په کابل کې د خپلو پخوانیو ناستو پر مهال له اسلامي امارت سره د ښځو مسئله مطرح کړې وه.
ډوجاریک ټینګار کړی، چې د ښځو او بشري حقونو مسله هغه څه دي، چې ملګری ملتونه یې هره ورځ مطرح کوي او د دې ټولنې د ټولو بحثونو لومړیتوب دی.
اړوند خبرونه:
ډېري هېوادونه له افغانستان سره د مرستې او همکارۍ اراده لري – ذبیح الله مجاهد
په دوحه کې د مدني ټولنو د غونډې ګډونوالو نومونه پټ وساتل شول
تازه خبرونه
د پاکستان دفاع وزیر د افغانستان پروړاندې د بریدونو ګواښ وکړ
د اسلامي امارت ویاند دبیح الله مجاهد ویلي، چې ټيټيپي د پاکستان داخلي مسله ده او اسلامآباد باید دا ستونزه له افغانستان سره ونهتړي.
![](https://www.ariananews.af/wp-content/uploads/2024/07/khowaja-asif-pakistan-defense-minister.jpg)
د پاکستان دفاع وزیر خواجه اصف ویلي، اسلامآباد به د ترهګرۍ پر وړاندې د مبارزې لپاره د نویو پوځي عملیاتو د یوې برخې په توګه پر افغانستان خپل بریدونه روان وساتي.
له بي بي سي سره په یوه مرکه کې اصف ویلي؛ پاکستان هغه ډلې پر نښه کوي، چې پاکستان پرې د تحریک طالبان پاکستان په ګډون پر امنیتي ځواکونو او ملکي وګړو د بریدونو تور پورې کوي.
اسلامآباد په تېرو وختونو کې افغانستان د ټيټيپي په څېر ډلو ته پر پناه ورکولو تورن کړی؛ خو د افغانستان اسلامي امارت پر ځلونو ویلي: هیڅ ډلې ته به اجازه ورنکړي، چې له افغانستان څخه د بل هېواد امنیت له ګواښ سره مخ کړي.
اصف بي بي سي ته دا هم ویلي؛ دا سمه ده، چې مونږ په افغانستان کې عملیات کړي او بیا به یې هم ترسره وکړو. مونږ یې پر کیک او خوږو خدمت نهکوو؛ مونږ به پرې ځوابي برید وکړو.
سربېره پردې هغه ویلي، چې پاکستان اسلامي امارت ته د احتمالي بریدونو خبرداری ندی ورکړی. دا کار د حیرانوونکي ناڅاپي برید عنصر له منځه وړي. ولې موږ هغوی ته ووایو: چمتو شئ، چې مونږ راځو؟
اصف زیاته کړې، چې اسلامي امارت د اسلام آباد له غوښتنو سره-سره د TTP پر وړاندې اقدام کولو کې زړه نازړه دی.
اسلامي امارت د پاکستان بریدونه د خپل هېواد پر ملي حاکمیت تېری او بې مسوولیته څرګندونې بولي..
د اسلامي امارت ویاند دبیح الله مجاهد ویلي، چې ټيټيپي د پاکستان داخلي مسله ده او اسلامآباد باید دا ستونزه له افغانستان سره ونهتړي.
ذبیح الله مجاهد د پاکستان د دفاع وزیر څرګندونې د دواړو هېوادونو د اړیکو او وضعیت د خرابېدو لامل بولي.
ویل کیږي، چې پاکستان په دې وروستیو کې د تاوتریخوالي او بریدونو د مخنیوي لپاره د پوځي عملیاتو په اړه د ولس له بېلابېلو غبرګونونو سره مخ شوی دی.
اړوند خبرونه:
په پکتیکا او خوست کې د پاکستان هوایي بریدونه پر افغان خاورې ښکاره تېری دی – مجاهد
امریکا په افغانستان کې له هوايي بریدونو وروسته له پاکستان څخه د زغم غوښتنه وګړه
-
لوبی4 days ago
د افغانستان فوټسال لوبډله په دوستانه سیالیو کې له مراکش سره لوبیږي
-
تازه خبرونه5 days ago
له افغانستان څخه د امریکايي ځواکونو وتل امریکا ته له شرمه ډکه تاریخي پېښه وه – ټرمپ
-
لوبی3 days ago
کوهلي په ۲۰ اوریز نړیوال جام کې د هندوستان له اتلولۍ وروسته استعفا وکړه
-
لوبی2 days ago
درې افغان لوبغاړي د ۲۰ اوریز نړیوال جام سیالیو په غوره لوبډله کې راغلل
-
تازه خبرونه2 days ago
له ابو نصر فراهي بندر څخه افغانستان ته د مالونو لېږد اته برابره زیات شوی – ایران
-
تازه خبرونه3 days ago
د چین او ترکمنستان چارواکو د سیمې د بهرنیو چارو وزیرانو پر راتلونکې غونډه خبرې وکړې
-
تازه خبرونه2 days ago
د ښځو له بشپړې ونډې پرته افغانان موخې ته رسېدلی نشي – کاناډا
-
د هوا حالاتو بدلونونه1 day ago
په هلمند ولایت کې هوا بېساري توده ده